Daniel 2:39 - De Beebaa Dabu

³⁹ Muli mai naa huu, gai gu sula age ange dahi nohoanga hodooligi, e damaa mee ange i doo nohoanga hodooligi. Gai e sula age ange naa dahi nohoanga hodooligi i ono dua, go tolu nohoanga hodooligi, gai e mmahi bei de bronze, gai ia ga dagi ai henua i lalo alodahi.

Daniel 2:39 Iomraidhean Croise

Isaiah 44:28

Go au ne hagadaba i dagodo o Cyrus, ‘Go ia dagu dangada hagaloosi, gai ia e hagassula naa mee alodahi oogu e lodo ai; ia e hagadaba naa i Jerusalem, “Hagaduulia age ange,” ma de hagadaba i de temple, “Hagadaakodo ina ono dagelo.” ’

Daniel 10:20

Gai ia ga hai mai, “Koe e iloo be aahee hiidinga oogu ne humai ai nei gi oo daha? Gai e moolau naa hogi dogu ahe e hebagi ange gi tagi o Persia, gai ga hano naa huu au, gai tagi o Greece e humai naa;

Daniel 2:32

De biho o de mee laa e hai i goolo danuaa, ono hadahada ma luu lima ni selevaa, tinae ma luu gauanga ni bronze,

Daniel 2:38

ia gu gaavadu gi de goe mommee alodahi e nnoho ai dangada, ma denga manu dolodolo i lodo henua, ma manu llele i lo te langi, ma de hai goe gi hodooligi i honga mee nei alodahi. De biho goolo laa go koe.

Daniel 2:40

Gai de haa nohoanga hodooligi e sula age naa hogi, gai e mmahi bei iron, go hiidinga iron e oha ma de hai ga ssii dagaligiligi mee alodahi. De nohoanga hodooligi laa e oha naa ma de hai ga ssii dagaligiligi mee alodahi, bei de hai a de iron e oha ai laa.

Daniel 7:23

Gai ia ne hai mai gi de au, ‘De haa manu laa se nohoanga hodooligi e sula age i henua i lalo, gai e dagodo gee donu ma denga nohoanga hodooligi ange laa alodahi. Gai e hagadee kii naa henua i lalo alodahi ga dagadagahi gi ono lalo, aama de oha ga maoha.

Daniel 8:20

Dau ssiibi daane ne gidee laa ma luoono hanga, go de hodooligi o Media ma de hodooligi o Persia.

Daniel 8:21

De guudi laa go de hodooligi o Greece, gai de hanga laumalie i magavaa luoono mada laa go tahi hodooligi.

Zechariah 6:3

tolu hada ni hoosa tea, gai de hagahaa hada ni hoosa daubulebule.

Zechariah 6:6

De hada hebagi iai laa denga hoosa uli e hano naa gi denga henua i ngaiho, denga hoosa tea e hulo gi dai, gai denga hoosa daubulebule e hulo gi ngaage.”