Daniel 2:30 - De Beebaa Dabu

³⁰ Aagai de mee e dee iloo laa gu hagaago mai gi de au, e dee go hiidinga au e heiangi ange i dangada alodahi e mouli, aagai au ga tala adu ai gi de goe, de hodooligi, de hagadoonunga o dau midi, gi donu ange ai goe gi au mee ne maanadu i oo lodo.

Daniel 2:30 Iomraidhean Croise

Genesis 41:16

Gai Joseph ga basa ange gi Pharaoh, ga hai ange, “E dee go au, gai go de Maadua e daalaa ange gi Pharaoh de hagadoonunga heohi o dana midi.”

Psalm 139:2

Koe e iloo dogu noho gi lalo ma dogu hidi age; koe e donu ange gi agu maanadu e dee galemu dogu mmao gee.

Isaiah 45:4

Au e hagahi adu goe i doo ingoo i hiidinga o Jacob, dogu dangada hai hegau, ma Israel, de ia aagu gu hili, ma de gaavadu gi de goe dahi ingoo hagadubu e dee galemu donu koe e dee iloo au.

Daniel 1:17

Gai de Maadua ne gaavange gi denga dama daane dogohaa laa de iloo mee, ma de heiangi e ago mee ma de tonu ange gi mee alodahi e sisi i lodo beebaa. Gai Daniel e donu ange hogi gi denga midi hagaago ange aama midi ange laa.

Daniel 2:47

Gai de hodooligi ne hai ange gi Daniel, “Ni muna abodonu, doo Maadua go de Maadua o denga maadua alodahi, gai go de Ia Aamua o denga hodooligi, gai se ia e hagaago mai mee e dee iloo laa, i hiidinga koe ne maua i de hagaago mai mee e dee iloo laa.”

Daniel 2:49

Gai Daniel ne dangidangi ange gi de hodooligi gi hilia ange Shadrak, ma Meshak, aama Abednego gi hagaseesee ina mee alodahi e hai i de henua go Babylon. Aagai Daniel e noho i de hale o de hodooligi.

Amos 4:13

Tilo, de ia ne haia denga mounga, ma de hai de madangi, ma de hagaago ange ana maanadu gi tangada, gai go de ia e haia de laangi gi gohu, ma de seesee i honga mommee maolunga o henua i lalo — dono ingoo go Iahweh, de Maadua o denga hagabuulinga hebagi.

Matthew 24:22

Gai noo laangi laa e dee hai gi podo, gai e deai donu se dangada daudahi e ola. Aagai laangi laa e hai naa gi podo i hiidinga o dangada gu lava laa i de hili.

Mark 13:20

Gai noo Tagi Maolunga e dee hai gi podo denga laangi laa, gai e deai naa donu se dangada e ola. Aagai ia e hai naa gi podo laangi laa, i hiidinga o dangada gu lava laa i dana hili.

Acts 3:12

Gai ga gidee huu e Peter mee nei, gai ia ga hai ange gi dangada, “Denga daane o Israel, gu aha gu llele ai naa oodou mouli i mee nei? Gai gu aha gu haaina ai naa goodou gimaau, e dagodo be go gimaau ne haia ga seesee taane nei i omaau sauaa ma omaau danuaa donu huu?

Romans 8:28

Gai gidaadeu e iloo bolo de Maadua e hagahai hegau mee alodahi e hai ai de mee danuaa ange gi gilaadeu e aaloha i de ia, go gilaadeu gu hagahia laa bei dagodo o dana hagatau.

2 Corinthians 4:15

Mee nei alodahi ne hai i oodou hiidinga; gai gi kii ange ai de soa dangada e gaavee de abodonu o de Maadua, gai gu kii ange hogi de laumalie de hagaahe ange de abodonu aama de hagamahamaha ina o de Maadua.