Daniel 2:23 - De Beebaa Dabu

²³ De Maadua o ogu dubuna, au e hagaahe adu de abodonu ma de tuhi goe: koe gu gaamai gi de au de heiangi ma de mmahi; koe gu hagaago mai gi de au mee amaadeu gu dangidangi adu ai gi de goe, koe gu hagaago mai gi gimaadeu de mee a de hodooligi e lodo gi iloo.”

Daniel 2:23 Iomraidhean Croise

Genesis 18:17

Gai Tagi Maolunga ne hagadaba i ono lodo, “E heohi nei dagu hagammuni i Abraham de hegau aagu ga hai nei?

Genesis 31:42

Gai noo de Maadua o dogu damana tee noho madali au, go de Maadua o Abraham, go de ia o Isaac e madagu ai laa, gai koe ne hai donu huu au gi ngadi hano. Aagai de Maadua gu gidee dogu hai ngadaa ma dogu hai hegau hagaduasala, gai ia gu hagasee goe anaboo.”

1 Kings 18:36

Gai ga dae mai huu de masavaa e hai ai ssigidaumaha i de ahiahi, gai de pelaabisi go Elijah ga duu i gaogao de mommee o ssigidaumaha ga dalodalo, ga hai ange, “Tagi Maolunga, de Maadua o Abraham, ma Isaac, aama Israel, ailaa nei gai koe haia gi iloo e dangada bolo go koe de Maadua i Israel, gai go au doo dangada hai hegau, gai go koe donu ne hai mai au gi haia hegau nei.

1 Kings 8:57

Tagi Maolunga, taadeu Maadua gi noho i odaadeu daha, bei dono hai ne noho ai laa hogi i daho odaadeu dubuna madagidagi; ia gi dee hano gee ai aabe e tili gidaadeu.

1 Chronicles 29:10

Gai David ga tuhi Tagi Maolunga i madamada o dangada alodahi, ga hagadaba, “Duuhia goe, Tagi Maolunga, de Maadua o demaadeu dubuna madagidagi go Israel, mai i de masavaa e dee ngado mai ga dae ai gi de masavaa e dee ngado mai.

1 Chronicles 29:13

Demaadeu Maadua, gimaadeu e hagaahe adu de abodonu gi de goe, ma de tuhi doo ingoo mahamaha.

2 Chronicles 20:6

ga dalodalo ga hai ange, “Tagi Maolunga, de Maadua o omaadeu dubuna madagidagi. E aha, e dee go koe de Maadua o de langi? Go koe Tagi o nohoanga hodooligi alodahi o denga huaahenua. Ssauaa ma de mmahi ni mee niiau, gai e deai donu se dangada e maua i de hai baasi adu gi de goe.

Psalm 21:2

Koe gu gaavange gi de ia dono mee e lodo ai, koe tee daohi de mee aana gu dangidangi adu ai. Selah

Psalm 21:4

Ia ne dangidangi adu i de mouli, gai koe ga gaavange gi de ia, de mouli daulooloa ga hano ai e dee ngado mai.

Psalm 25:14

Tagi Maolunga e tala ange ono lodo gi gilaadeu e maatagu i de ia; ia e hai gi iloo e gilaadeu dana hagatoo donu hagaheloongoi.

Psalm 50:14

Hagaahe ange de abodonu gi de Maadua i ssigidaumaha, koe gi hagassula ina au hagatoo donu ange gi de Ia Maolunga Mmao laa,

Exodus 3:15

Gai de Maadua ne hai ange hogi gi Moses, “Aanei au muna e tala ange gi de gau Israel, ‘Iahweh, de Maadua o oodou dubuna madagidagi, de Maadua o Abraham, ma de Maadua o Isaac, aama de Maadua o Jacob ne haia ngau gi humai.’  Gai deenei dogu ingoo ga hano ai, gai deenei de ingoo oodou e hagamaanadu ai au i daho oodou atangada alodahi.

Proverbs 21:22

Tangada heiangi e hebagi ange naa gi dahi aduhale o denga daane mmahi, gai ia e oha naa de mommee buibui makaga alaadeu e tali ange laa aagena.

Proverbs 24:5

Tangada heiangi e mmahi mmao, gai tangada iloo mee e hai ga hagadaga ange de mmahi.

Proverbs 8:14

Muna bale ma de heiangi abodonu e daakodo i ogu daha, au e dahi ogu donu ange ma de mmahi.

Ecclesiastes 7:19

De heiangi e hai tangada heiangi gi mmahi ange i e dinoangahulu dagi o dahi aduhale.

Ecclesiastes 9:16

Gai au e hagadaba bolo de heiangi e danuaa ange i de mmahi, e dee galemu donu de heiangi o taane hagaau aloha ne hagangadi mee ina e dangada, gai dangada e deai anga ange gi ana muna.

Ecclesiastes 9:18

De heiangi e danuaa ange i denga goloa o de hebagi, aagai dahi dangada haisala e oha mee danuaa lagolago.

Isaiah 12:1

De laangi laa gai koe e hagadaba naa: “Tagi Maolunga, au e hagaahe adu de abodonu gi de goe, go hiidinga, e dee galemu koe nogo lili i de au, gai iainei koe gu dee lili, gai gu hagaaneane ogu lodo.

Jeremiah 33:3

Dangidangi mai gi de au gai au ga basa adu, ma de tala adu gi de goe dagodo o mee e hagammuni gai e dee iloo.

Daniel 1:17

Gai de Maadua ne gaavange gi denga dama daane dogohaa laa de iloo mee, ma de heiangi e ago mee ma de tonu ange gi mee alodahi e sisi i lodo beebaa. Gai Daniel e donu ange hogi gi denga midi hagaago ange aama midi ange laa.

Daniel 2:18

Ia ne hai ange gilaadeu gi dangidangi ange gi de Maadua o de langi, ia gi abodonu ange gi gilaadeu mage hagaagona ange de mee e dee iloo laa, gi dee daia ai gilaadeu ma ono soa gi maakau madali denga daane heiangi o Babylon.

Amos 3:7

Ni muna abodonu, de Ia Aamua go Iahweh e dee hai donu dahi mee daudahi noo ia e tigi hagaago ange dana hagatau gi ono dangada hai hegau go denga pelaabisi.

Matthew 11:25

Gai Iesu ne hagadaba i de masavaa laa, “Au e tuhi goe, Tamana, Tagi Maolunga o de langi ma henua i lalo, go hiidinga koe gu hagammuni mee nei i gilaadeu e heiangi ma de iloo mee, gai gu hagaago ange gi denga gauligi vaaligiligi.

Luke 10:21

De masavaa laa gai Iesu ne malangilangi mmao i daho de Hagasaalunga Dabu, ga hagadaba, “Au e tuhi goe, Tamana, Tagi Maolunga o de langi ma henua i lalo, go hiidinga koe ne hagammuni mee nei i gilaadeu e heiangi ma de iloo mee, gai gu hagaago ange gi denga gauligi vaaligiligi. Uaa, Tamana, aanei donu oo lodo.

John 11:41

Gai hanu ga aau de hadu laa. Gai Iesu ga galo age gi de langi ga hai ange, “Tamana, au e hagaahe adu de abodonu gi de goe, go hiidinga koe e langona donu agu muna.

John 15:15

Au e dee hagadaba bolo goodou ni dangada hai hegau, go hiidinga tangada hai hegau e dee iloo, be ni aha a dono dangada aamua e hai. Gai au e hagadaba bolo goodou go ogu soa, go hiidinga au gu tala adu agu mee alodahi gu langona i daho dogu Damana.

Revelation 1:1

Hagaago ange a Iesu Klisdo, go mee a de Maadua ne gaavange ia gi hagaagona ange gi ono dangada hai hegau, i dagodo o mee e loomai. Ia ne hai gi humai dono dangada de langi gi hagaagona ange mee nei gi dono dangada hai hegau go John,

Revelation 5:5

Gai dahi i magavaa o denga daane maatua e dinolua ma dogohaa laa ne hai mai gi de au, “Aude dangi! Tilo, de laiono o de aamuli o Judah, go de Uli o David, ia gu kii, deelaa ai, ia e maua donu i de oha mee hagamakaga e hidu ma de hhuge de beebaa mulo laa.”