Daniel 2:22 - De Beebaa Dabu

²² Ia e hagaago mai mee e dee tonu ange dangada aagena ma de hagammuni; ia e iloo mee i lo te gohu; gai de maalama e dagodo i ono daha.

Daniel 2:22 Iomraidhean Croise

Genesis 41:16

Gai Joseph ga basa ange gi Pharaoh, ga hai ange, “E dee go au, gai go de Maadua e daalaa ange gi Pharaoh de hagadoonunga heohi o dana midi.”

De Beebaa go Job 12:22

Ia e hai gi gidee mee e llilo i lo te gohu, gai e hagamaalama de mommee gohu boo dangodango.

De Beebaa go Job 26:6

De mommee o de gau maakau e mahuge i mada luu mada o de Maadua, gai Abaddon e dee haoli donu i mada luoono mada.

Psalm 104:2

Ia e gahu i de maalama bei de malo; ia e doha de langi bei de hale malo,

Psalm 25:14

Tagi Maolunga e tala ange ono lodo gi gilaadeu e maatagu i de ia; ia e hai gi iloo e gilaadeu dana hagatoo donu hagaheloongoi.

Psalm 36:9

Go koe e daamada mai ai de mouli; gai go doo maalama amaadeu e gidee ai de maalama.

Ecclesiastes 8:1

Goai e bei dagodo o tangada heiangi? Gai goai e iloo de hagadoonunga o dahi mee? De heiangi e hai ga maalama luu mada o tangada, ma de sui gi dee dagodo lili luoono mada.

Isaiah 41:22

Gaamai oodou diinonga gi daalaa mai mee gu dai hai. Daalaa mai gi gimaadeu dagodo o mee ne hai madagidagi, gai gimaadeu ga hagasaele olaadeu dagodo, gi iloo ai e gimaadeu mee e hai i de hagaodi, ma de tala mai gi gimaadeu dagodo o mee e loomai.

Isaiah 41:26

Goai ne daalaa mee nei i taamada age, gi iloo ai e gidaadeu, aabe ne daalaa mee nei i mua de hai, gai gidaadeu ga hagataba ai, “Ne heohi donu ana muna”? Teai donu se dangada ne daalaa de mee nei, teai hogi ne daalaa de mee nei i mua de hai, gai teai donu se dangada ne langona dau tala mee nei.

Isaiah 42:9

Tilo, mee gu i mua gu hai ma gu lava, iainei gai au e tala mee hoou gu dai hai; au e tala adu mee nei gi goodou i mua de hai.”

Isaiah 45:7

Au ne hagaholi de maalama ma de hagadau de gohu; go au e haia de nnoho paba ma de hai ngadaa; go au go Iahweh, ne haia mee nei alodahi.

Jeremiah 23:24

E aha, e maua e tangada i de mmuni i dahi mommee gi dee gidee ai e au ia? go Tagi Maolunga e hagadaba. E aha, e dee noho au i mommee alodahi i de langi ma henua i lalo? go Tagi Maolunga e hagadaba.

Jeremiah 33:3

Dangidangi mai gi de au gai au ga basa adu, ma de tala adu gi de goe dagodo o mee e hagammuni gai e dee iloo.

Daniel 2:11

De mee a de hodooligi e ssili naa se mee hai ngadaa donu, gai e deai donu se dangada e maua i de hagaago ange gi de hodooligi, go denga diinonga donu huu, gai gilaadeu e dee nnoho madali dangada.”

Daniel 2:19

Gai gu hagaago ange gi Daniel i de midi de mee e dee iloo laa. Gai Daniel ga tuhi de Maadua o de langi.

Daniel 2:47

Gai de hodooligi ne hai ange gi Daniel, “Ni muna abodonu, doo Maadua go de Maadua o denga maadua alodahi, gai go de Ia Aamua o denga hodooligi, gai se ia e hagaago mai mee e dee iloo laa, i hiidinga koe ne maua i de hagaago mai mee e dee iloo laa.”

Daniel 5:11

E dahi daane i doo nohoanga hodooligi, e noho de hagasaalunga o denga maadua dabu i ono daha. De masavaa o doo damana, gai ne gidee mai bolo de iloo mee ma de maalama, ma de donu ange, aama de heiangi bei de heiangi o denga maadua e daakodo i ono daha. Gai doo damana go de hodooligi go Nebuchadnezzar, ne hai ia go tagi o de gau hai sauaa, ma de gau hai huuhuaa mee, ma de gau Chaldea, aama gilaadeu e tonu ange gi mee i lo te langi,

Daniel 5:14

Au gu langona bolo de hagasaalunga o denga maadua e noho i oo daha, gai de maalama, ma de donu ange, aama de heiangi laumalie e dagodo i oo daha.

Matthew 13:13

Deenei de hiidinga oogu e basa ange ai nei gi dangada i denga mee hagasengasenga: gilaadeu e gidee gai e dee madea, gilaadeu e langona gai e dee tonu ange aagena.

John 1:9

De maalama abodonu e hagamaalama ina laa dangada alodahi ne humai gi henua i lalo.

John 21:17

Ia ne ssili ange hogi gi Peter i tolu hanonga, “Simon, tama daane a John, koe e aloha i de au?” Gai Peter gu daemaha ono lodo, i hiidinga gu dolu hanonga aana ne ssili ange ai gi de ia, “Koe e aloha i de au?” Gai ia ga hai ange gi de ia, “Tagi Maolunga, koe e iloo mee alodahi; koe e iloo bolo au e aloha i de goe.” Iesu ne hai ange gi de ia, “Diiloo haangai ina ange agu ssiibi.

John 8:12

Gai Iesu ga ahe ange ga basa ange gi gilaadeu, ga hai ange, “Go au de maalama o henua i lalo. Tangada e daudali mai i de au e dee seesee i de gohu, gai ia e hagamaalama i de maalama o de mouli.”

1 Corinthians 4:5

Deelaa ai, goodou gi dee hagamodu ina dahi mee i mua de humai o Tagi Maolunga, go de ia e hagaagona mai mee alodahi e hagammuni laa i lo te gohu, ma de hagaago mai maanadu alodahi i de lodo. Gai de Maadua ga tuhi ai dahi ma dahi.

Ephesians 3:5

De Maadua tee hagaago ange mee nei gi denga atangada i mua, bei de hai gu hagaago ange ai gi ono dangada tala dabu, ma denga pelaabisi i daho de Hagasaalunga ⌊Dabu⌋.

Deuteronomy 29:28

Gai Tagi Maolunga ne aau gee gilaadeu mai i delaadeu henua i dono lili, ma dono bole laumalie, ga kave gilaadeu gi dahi henua gee, bei olaadeu dagodo anailaa nei.”

1 Timothy 6:16

Ia e dee magau donu, gai e noho i de maalama e dee maua laa e dangada i de hagapaa ange aagena, aagai tigi ai donu se dangada ne gidee ia, aabe e maua i de tilo ia. Gai go ia e bau ange gi kave de hagadubu ma ssauaa e dagi ai ga hano ai. Amen.

Hebrews 4:13

Gai e deai donu se mee daudahi e lilo i mada luu mada o de Maadua, aagai mee alodahi e maahuge ma tee maua i de hagammuni i mada luu mada o de ia adaadeu e tala ange mee alodahi aagena.

James 1:17

Mee danuaa alodahi ma mee ngadi gaavange abodonu ni mee mai i lunga, i daho Tamana o denga maalama e deai laa se sui ono dagodo, bei dagodo o de gohu e hano laa ga lilo.

1 John 1:5

Gai deenei de muna amaadeu ne langona mai i ono daha amaadeu e tala adu nei gi goodou, bolo de Maadua go de maalama gai e deai donu se damaa gohu daudahi i ono daha.