Daniel 12:2 - De Beebaa Dabu

² Gai dangada soa gu maakau laa ma gu danu i lo te gelegele e mouli age naa; hanu e kave naa de mouli e dee ngado mai, aagai hanu e hagadookaa ma de hagangadi mee ga hano ai.

Daniel 12:2 Iomraidhean Croise

Proverbs 12:8

Dangada e tuhi tangada maanetonu, aagai dangada e kino i tangada maanadu baubau.

Isaiah 26:19

De gau maakau e mouli age naa; olaadeu angaanga e hiihidi age naa. Goodou denga angaanga i lodo daanunga, hiihidi age daahili i doodou malangilangi. Go hiidinga oodou mouli hoou e bei de mee suungia i taiao, gai de gelegele e hagaahe age naa denga hagasaalunga o de gau maakau.

Isaiah 66:24

Gilaadeu e hulo naa ga tilo angaanga o de gau maakau ne hai baasi mai gi de au; denga ilo i olaadeu angaanga e dee maakau naa donu, gai de ahi e dee diinei naa hogi, gai gilaadeu alodahi e hai naa ga ni mee hakino gee ange gi dangada alodahi.”

Jeremiah 20:11

Aagai Tagi Maolunga madali au bei dagodo o taane hebagi mmahi; deelaa ai, ogu hagadaumee e maakulu naa donu ma tee kii i de au. Gilaadeu e dee kii naa donu ma de dookaa, gai e dee maua naa donu gi ngalo delaadeu dee hagadubulia.

Ezekiel 37:12

Deenei ai, basa pelaabisi mage hai ange gi gilaadeu, ‘E hagadaba de Ia Aamua go Iahweh: Tilo, ogu dangada, au e hhuge naa oodou daanunga, ga hai goodou gi hiihidi age mai i lodo oodou daanunga, ma de hagaahe mai goodou gi nnoho i doodou henua go Israel.

Hosea 13:14

Au e hagao mai naa gilaadeu i ssauaa o taanunga; au e hagaola mai naa gilaadeu i de magau. De magau, i hee iai au mee hagamaakau? Taanunga, i hee iai doo sauaa e daa ai gi maakau? Au e dee lodo aloha naa donu,

Matthew 25:46

Gai gilaadeu nei e hulo gee naa ga kave de hagaduasala e deai laa se ngado mai. Aagai gilaadeu e heohi e kave naa de mouli e dee ngado mai.”

Acts 24:15

gai au e tali hagalodolodo ange gi de Maadua bei olaadeu dagodo, bolo e dahi donu mouli age olaadeu e heohi aama gilaadeu e dee heohi.

Acts 7:60

Gai Stephen ga duuduli ga basa i de leo mmahi ga hagadaba, “Tagi Maolunga, koe gi dee dau ina ange sala nei gi gilaadeu.” Gai ga lava huu i dana tala muna nei, gai ia gu magau.

Romans 9:21

Tangada hai gumedi e maua donu i de hai be ni aha aana e lodo e hai i bela pigi; ia e maua i de hai dahi hagabuudungaa bela pigi ga hai ai dahi gumedi hagamogomogo aabe go dahi gumedi e hai mee ai i de laa tubua!

1 Thessalonians 4:14

Gai go hiidinga gidaadeu e hagadonusia bolo Iesu ne magau, gai gu mouli age ange, aagai gidaadeu e hagadonusia hogi bolo de Maadua e gaamai donu hogi madali Iesu gilaadeu ne maakau laa i ono lodo.

Revelation 20:12

Gai au ne gidee hogi de gau maakau, go gilaadeu e maolunga ma gilaadeu e maolalo, e tuu i mada i mua o de nohoanga laa, gai gu hhuge denga beebaa. Gai gu hhuge ange hogi dahi beebaa gee, deenei de beebaa o de mouli. Gai de gau maakau gu hagamodu olaadeu muna i mee gu sisi i lodo beebaa laa, gi bei dagodo o alaadeu hegau ne hai.