Daniel 11:36 - De Beebaa Dabu

³⁶ “Gai de hodooligi laa e hai naa donu huu ono mee e lodo ai. Ia e hagaamua naa donu huu ia, ma de tala bolo ia e maolunga ange i denga maadua alodahi, ma de tala denga mee hagalele mouli e hai baasi ange ai gi de Maadua o denga maadua. Gai ia e sula naa donu ga dae ai gi de odi ange de masavaa o de lili ⌊o de Maadua⌋, go hiidinga mee gu hagamodu laa e hagassula naa donu.

Daniel 11:36 Iomraidhean Croise

Psalm 136:2

Hagaahea ange de abodonu gi de Maadua o denga maadua. Dono abodonu e dagodo ga hano ai.

Psalm 33:10

Tagi Maolunga e hai gi dee ssula hagatau a denga huaahenua, ma de hai gi dee haigamaiana hagatau a dangada.

Proverbs 19:21

E lagolago hagatau i lodo o tangada, aagai go hagatau donu huu a Tagi Maolunga e ssula.

Isaiah 10:23

De Ia Aamua, Tagi o denga hagabuulinga hebagi, e hagasula ina de oha de henua alodahi gu tala laa.

Isaiah 10:25

E dee mmule naa donu gai gu helui dogu lili i goodou, gai dogu bole gu daa gilaadeu gi maakau.

Isaiah 10:5

E vakaa naa Assyria, de laagau aagu ne hagahai hegau i dogu lili, dono lima go togo aagu ne hagahai hegau i dogu bole.

Isaiah 14:13

Koe ne hagadaba i oo lodo, ‘Au e hanage naa gi dae gi de langi; au e hai naa dogu nohoanga hodooligi gi maolunga ange i denga heduu a de Maadua; au e noho i honga de mounga e hagabuni ai laa go de mommee maolunga hugadoo o de mounga dabu.

Isaiah 14:14

Au e hanage naa gi maolunga ange au i denga giliiga; au e hai naa gi maolunga bei dagodo o de Ia Maolunga Mmao laa.’

Isaiah 26:20

Ogu dangada, goodou hulo ulu gi lodo oodou aabi, ma gi bonodia ange oodou haitoga, ga mmuni ai i dahi masavaa bodobodo, ga dae ai gi de ui de masavaa o de bole.

Isaiah 30:33

Madagidagi laa gai dahi mommee gu hagadabena e dudu ai; gai ne hagadabena ange gi de hodooligi o Assyria. Dono geelinga ne geli gi maolalo ma de mada laumalie, madali de ahi laumalie ma lahhie lagolago; gai de madangi o de manava o Tagi Maolunga e bei de maga ahi o de ahi e haia laa ga ula.

Isaiah 46:10

Mai i taamada age gai au ne tala gi iloo mee e hai i de hagaodi, gai madagidagi loo, gai au ne tala mee tigi tae mai. Au e hagadaba, “Agu hagatau e dee haisala donu, gai au e hagassula naa donu mee alodahi oogu e lodo ai.”

Isaiah 57:9

Goodou ne hulo gi daho Molek ma denga lolo olive ma de hai gi lagolago oodou vai hagamaanongi. Goodou ne hai gi hulo oodou dangada sui gi tae gi denga mommee mmao, ma de hai gi loiho hanu gi tae gi de mommee o de gau maakau.

Ezekiel 28:2

“Tama a tangada, hai ange gi de hodooligi o Tyre, ‘E hagadaba de Ia Aamua go Iahweh: Koe e hagadaba i doo lodo maolunga, “Au se maadua; au e noho i honga de nohoanga o dahi maadua, i lo te ungaalodo o de moana.” Aagai koe se dangada donu huu, e dee se maadua, gai koe e maanadu bolo koe e heiangi bei dahi maadua.

Ezekiel 35:13

Koe ne basa hagamaolunga mai donu gi de au, gai ne lagolago au muna ne hai baasi mai ai gi de au, gai au gu langona au muna.

Daniel 11:16

Aagai de hodooligi o ngaiho e hai naa donu huu ono mee e lodo ai; gai e deai naa donu se dangada e maua i de hai baasi ange gi de ia. Ia e hano naa ga dae gi de henua mahamaha laa, gai ia e maua donu i de oha de henua laa.

Daniel 11:3

Gai dahi hodooligi mmahi e sula age naa, gai ia e dagi i dono mmahi ga hai donu huu ono mee e lodo ai.

Daniel 11:37

Ia e dee hagadubu naa donu diinonga a ono maadua, be go tiinonga o denga haahine e llodo ai laa, aabe e hagadubu dahi diinonga gee; go hiidinga ia e tala naa bolo ia e maolunga ange i gilaadeu alodahi.

Daniel 12:7

Gai taane e gahu laa i malo linen ma e duu ai i honga vai o ssaalingaa vai, ne haalo luoono lima gi lunga; gai au ne langona ia e hagatoo donu i de ingoo o de ia e mouli laa ga hano ai, ga hagadaba, “E dahi masavaa, ma hanu masavaa, aama e dahi baasi masavaa. Gai de masavaa naa huu e lava ai de hagaduasala o de huaadangada dabu laa, gai mee nei alodahi gu lava.”

Daniel 2:47

Gai de hodooligi ne hai ange gi Daniel, “Ni muna abodonu, doo Maadua go de Maadua o denga maadua alodahi, gai go de Ia Aamua o denga hodooligi, gai se ia e hagaago mai mee e dee iloo laa, i hiidinga koe ne maua i de hagaago mai mee e dee iloo laa.”

Daniel 4:35

Dangada alodahi e nnoho i henua i lalo e bei donu teai i ono daha. Ia e hai ono mee e lodo ai i denga hagabuulinga hebagi o de langi aama dangada e nnoho i henua i lalo. Gai e deai donu e maua i de daohi dono lima, aabe go de ssili ange gi de ia, “Ni aha aau e hai naa?”

Daniel 5:19

Gai go hiidinga de Maadua ne gaavange gi de ia dahi duulanga maolunga, gai denga huaadangada alodahi, ma huaahenua, ma dangada e pasa i denga hagadaagangaa muna ne maatagu ma de bolebole i ono mada i mua. Gai tangada naa huu aana e lodo e daa gi magau, gai ia ga daa gu magau; gai tangada aana e lodo e hagaola, gai ia ga hagaola; tangada aana e lodo e hagaamua, gai ia ne hagaamua; gai tangada aana ne lodo e hagamaolalo, gai ia ne hai gi maolalo.

Daniel 5:20

Aagai de masavaa huu oona ne lodo maolunga ai ma de hagamakaga ono lodo i dono hagamaolunga, gai dono nohoanga hodooligi ma dono mahamaha gu kave gee mai i ono daha.

Daniel 7:8

De masavaa aagu e maanadu ai dagodo o denga hanga laa, gai tilo, dahi hanga damaa mee gu somo age i magavaa o denga hanga laa; gai e dolu hanga ne loage laa i mua gu unuunusi age ga aau gee e hai ai dahi duulanga moo de hanga damaa mee laa. Gai tilo, de hanga damaa mee laa e hanu luoono ganomada bei ganomada o tangada, ma de ngudu, gai ia e basa hagamaolunga.

Daniel 8:19

Gai ia ga hai mai, “Tilo, au e tala adu gi iloo e goe dagodo o mee e hai i denga laangi hagaodi i hiidinga de bole ⌊o de Maadua⌋; mee nei ni mee e hai i laangi hagaodi i de masavaa gu lava laa i de hagamodu.

Daniel 8:4

Gai au ne gidee ssiibi laa e usu denga mee gi dai ma ngaiho aama ngaage i luoono hanga. Gai e deai donu se manu dolodolo daudahi e bau ange gi de ia, e deai hogi se dangada e maua i de hagaola dahi mai i de ia, i hiidinga dono mahi. Gai ia e hai donu huu ono mee e lodo ai, ma de hai gi hagadaga ange dono maolunga.

Zechariah 11:16

Tilo, au e hagasula age naa dahi dangada hagaloosi i honga de henua, gai ia e dee anga ange donu gi delaadeu dai maakau, be go de ssala gilaadeu gu dee maaleva laa, be go de hagaieiangi gilaadeu gu lagolagohia, aabe go de haangai gilaadeu e mmahi olaadeu angaanga; aagai ia e daa denga ssiibi pedi ga gai, ma de aau olaadeu dabuvae.

John 5:30

“Au e dee maua i de hai dahi mee i de au donu huu; gai au e hagamodu muna bei dagu hai gu langona ai laa i daho Tamana. Agu hagamodu e heohi, go hiidinga au e dee hai donu huu ogu lodo, gai au e hai gi bei lodo o de ia ne haia nei au gi humai.

John 6:38

Go hiidinga au tee hano iho i de langi e hai donu huu ogu mee e lodo ai, gai au ne hano iho e hai lodo o de ia ne haia nei au gi humai.

Acts 4:28

Gai gilaadeu ga hagassula ai au mee alodahi gu hagamodu e hai i doo sauaa ma dau hagatau.

Deuteronomy 10:17

Go hiidinga Tagi Maolunga doodou Maadua go de Maadua o denga maadua alodahi, gai go de Ia Aamua o de gau aamua alodahi, ia e maolunga, e mmahi, gai se Maadua hagamaatagu, ia e dee hilihili dangada aabe e kave mee ngadi gaavange hagasenga.

2 Thessalonians 2:3

Goodou gi dee dugua ange dahi dangada gi hagasengalia goodou. Go hiidinga de laangi laa e dee hai naa donu, ga dae ai gi de sula age de hai baasi, gai de ia e oohaa de hainga e hagasula mai naa, go de ia gu hagadabena ange laa e hagaduasala.

2 Thessalonians 2:4

Gai ia e hai baasi ange ma de hagamaolunga i mee alodahi e hagaingoo ange bolo se maadua, aabe go mee e daumaha ange laa dangada aagena. Ia e noho naa hogi i de temple o de Maadua ma de hagadaba bolo ia go de Maadua.

2 Thessalonians 2:8

De masavaa laa gai de ia e oohaa de hainga e hagasula mai naa donu, gai Tagi Maolunga go Iesu e daa naa ia ga magau i dana manava, ma de hagalilo ia i dono mahamaha i dono masavaa e ahe mai ai.

Joshua 22:22

“De Maadua Mmahi Mmao laa, de Maadua, go Iahweh! De Maadua Mmahi Mmao laa, de Maadua, go Iahweh! Ia e iloo! Gai Israel gi iloo! Noo de mee nei ne hai baasi ange aabe se dee hai hegau i de mee abodonu ange gi Tagi Maolunga, gai daia donu gimaadeu gi maakau ailaa nei!

Revelation 10:7

Aagai laangi naa huu a togohidu dangada de langi e ili ai dana trumpet, gai mee a de Maadua e dee iloo laa e hagassula donu, bei dana hai gu hagaago ange ai gi ono dangada hai hegau go denga pelaabisi.”

Revelation 12:14

Aagai gu gaavange gi de hine laa e lua bakau o de igele laumalie, gi maua ai e ia i de lele e hano gee mai i de labodo laa ga hano gi de vao, i dono mommee e diiloo ange ai i e dahi ngadau, ma e lua ngadau, aama e dahi bido ngadau.

Revelation 13:1

Gai au ne gidee dahi manu alasala e hanage i lausedi, gai e madaangahulu ono hanga ma e hidu biho, gai denga hanga e madaangahulu laa iai dagidahi hau, gai honga ono biho iai denga ingoo e hagangadi mee ai de Maadua.

Revelation 17:17

Go hiidinga de Maadua gu hai gi gilaadeu gi llodo e hagasula dana hagatau, i delaadeu buni ga gaavange ssauaa o olaadeu nohoanga hodooligi gi de manu alasala laa, ga dae ai gi de hagassula muna a de Maadua.

Revelation 17:3

Gai ia ne kave au gi de vao i ssauaa o de Hagasaalunga ⌊Dabu⌋. Gai au ne gidee dahi hahine e gage i honga dahi manu mmea alasala, gai dono angaanga e sisi ange aagena denga ingoo e hagangadi mee ina de Maadua, gai de manu laa e hidu ono biho ma e madaangahulu hanga.