Daniel 11:12 - De Beebaa Dabu

¹² Gai de masavaa naa huu aana e kave gee ai dangada soa, gai de hodooligi o ngaage gu kona de hagamaolunga, gai ia e daa naa ga maakau dangada soa mmao, aagai e dee duudagi naa donu dono kii.

Daniel 11:12 Iomraidhean Croise

2 Kings 14:10

Ni muna abodonu koe ne hagadee kii Edom, deelaa ai, koe gu lodo maolunga. Koe gi duuhia doo kii, aagai koe noho i doo hale! Gu aha gu lodo ai goe e hagahale de hai ngadaa ga hidi mai ai doo hagadee kii ina madali dangada o Judah alodahi?”

2 Chronicles 25:19

Koe e hagadaba, ‘Tilo, au gu hagadee kii Edom,’ gai koe gu lodo maolunga ma de lodo gi lunga. Aagai koe noho i doo hale! Gu aha gu lodo ai naa goe e hagahale de hai ngadaa ga hidi mai ai doo hagadee kii ina madali dangada o Judah?”

2 Chronicles 26:16

Aagai de masavaa huu o Uzziah ne mmahi, gai ia gu hagamaolunga, ga hidi mai ai dono daia ga magau, go hiidinga ia ne hagangadi mee Tagi Maolunga dono Maadua; ia ne hano ga ulu gi lo te temple o Tagi Maolunga ga dudu ai mee maanongi i honga de mommee o ssigidaumaha o mee maanongi.

2 Chronicles 32:25

Aagai Hezekiah tee hagaahe ange de abodonu i mee danuaa gu hai ange laa gi de ia, gai ia ne lodo maolunga. Deelaa ai, Tagi Maolunga ne hagaduasala ia ma Judah aama Jerusalem i dono bole.

Proverbs 16:18

De hagaodi o de hagamaolunga go de magau, gai de hagaodi o de lodo maolunga go tee sula o tangada.

Ezekiel 28:17

Koe ne lodo maolunga i hiidinga doo tilo danuaa, gai koe ne oha doo heiangi i hiidinga doo mahamaha. Gai au ne tili iho goe gi henua i lalo; au ne hai goe gi se mee hagakana niio denga hodooligi.

Ezekiel 28:2

“Tama a tangada, hai ange gi de hodooligi o Tyre, ‘E hagadaba de Ia Aamua go Iahweh: Koe e hagadaba i doo lodo maolunga, “Au se maadua; au e noho i honga de nohoanga o dahi maadua, i lo te ungaalodo o de moana.” Aagai koe se dangada donu huu, e dee se maadua, gai koe e maanadu bolo koe e heiangi bei dahi maadua.

Ezekiel 28:5

Doo heiangi i de hagao mee, gu hai ma gu kona doo lava, gai koe gu hagamaolunga i hiidinga o doo lava.

Daniel 11:11

Gai de hodooligi o ngaage e lili naa ga humai e hebagi ange gi de hodooligi o ngaiho; ia e hagabuni naa dahi hagabuulinga hebagi soa mmao, aagai ia e hagadee kii ina naa.

Daniel 11:13

Go hiidinga de hodooligi o ngaiho e ahe ange naa ga hagabuni dahi hagabuulinga hebagi e soa ange i de hagabuulinga i mua; gai dua naa huu hanu ngadau, gai ia e ahe mai naa donu madali de hagabuulinga hebagi soa aama denga goloa hebagi lagolago.

Daniel 5:23

Aagai koe ne hagamaolunga ma de hai baasi ange gi de Ia Aamua o de langi. Koe ne gaamai denga ubu o dono temple gi oo mada i mua, gai goodou ma oo dangada aamua, ma oo bodu, aama oo bodu laa daha ga unu ai denga uvaini. Gai koe ga tuhi ai denga diinonga selevaa, ma goolo, ma bronze, ma iron, ma laagau aama hadu, go diinonga e dee gidee laa be e langona, aabe e iloo hanu mee. Aagai koe tee hagadubu de Maadua abodonu e daohia naa doo mouli aama au mee alodahi e hai.

Daniel 8:25

Gai ia e hai naa ga laumalie de hadu muna i de masavaa oona e hagadagadaga age ai, gai ia e maanadu naa bolo ia e maolunga. Gai de masavaa naa huu olaadeu gu nnoho paba ai, gai ia ga daa gu maakau dangada soa, ma de hebagi ange gi Tagi o denga dagi. Aagai ia e daa naa ga magau, gai e dee se dangada e daia ia.

Deuteronomy 8:14

gai goodou gu llodo maolunga, ma de ngalo Tagi Maolunga doodou Maadua ne hagassao ina mai laa goodou i de henua go Egypt, go de henua oodou nogo hagahai hegau ina ai.

1 Timothy 3:6

Tagi gi dee se dangada se goodo dahuli ono lodo, ana vakaa ga hagasoenga hagamaolunga ia, gai ia gu duu ange hogi gi de hagaduasala o de ia hagabaubau ne doo ange laa aagena.

1 Peter 5:5

E bei ai hogi goodou denga dama daane, goodou hagallongo ange gi denga daane maatua. Gai goodou alodahi gi hagadau hagamaolalo i oodou magavaa, go hiidinga “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”