Daniel 10:13 - De Beebaa Dabu

¹³ Aagai ⌊tangada de langi,⌋ tagi o de nohoanga hodooligi o Persia ne hai baasi mai gi de au i e madalua ma dahi laangi. Gai Michael, dahi dagi o de gau de langi, ne humai ga bale mai au, go hiidinga de hodooligi o Persia ne daohi au i kilaa.

Daniel 10:13 Iomraidhean Croise

Ezra 4:24

Deelaa ai, gu tuu de hai de hale o de Maadua i Jerusalem, gai ne tee ahe ange e hai ga dae ai loo gi de lua ngadau o Darius de hodooligi o Persia.

Daniel 12:1

“De masavaa laa gai Michael, tagi maolunga e buibuia laa doo huaadangada, e hidi age naa. Gai e dae mai naa dahi masavaa hai ngadaa, gai tigi ai ange donu se masavaa bee nei mai i taamada age o denga huaahenua ga dae mai ai gi de masavaa laa. Aagai de masavaa laa gai oo dangada alodahi gu sisi laa olaadeu ingoo i lo te beebaa e ola naa.

Ephesians 6:12

Go hiidinga gidaadeu e dee hebagi ange gi dangada, aagai e hebagi ange gi denga hagasaalunga ni dagi laa, ma hagasaalunga iai ssauaa, ma denga hagasaalunga mmahi e dagina laa henua i lalo gohu nei, aama hagasaalunga baubau i lo te langi i lunga.

Colossians 2:10

Gai goodou gu hhao ma gu hoohonu i de mouli i lodo o Klisdo, go de biho o dagi alodahi ma gilaadeu iai ssauaa e dagi ai.

1 Thessalonians 2:18

Gai gimaadeu ne llodo mmao e loadu gi oodou daha. Gai au donu gu hagatale de ahe adu gi oodou daha i hanonga lagolago, gai Satan e buibui gimaadeu.

1 Peter 3:22

de ia gu hanage laa gi de langi ma e noho i de baasi madau o de Maadua — gai de gau de langi, ma gilaadeu e sauaa, ma gilaadeu e mmahi gu nnoho i lalo dono sauaa.

Jude 1:9

Aagai de masavaa donu hogi o tangada de langi maolunga go Michael, ne hagadaumee ange ai gi de ia hagabaubau laa i de angaanga o Moses, gai ia tee basa hagamalaia donu ia i ana muna hagabaubau laa, aagai ne hai ange donu huu, “Tagi Maolunga gi hagaseegina goe!”

Revelation 12:7

Gai gu hai hogi de hebagi i lo te langi i lunga; Michael ma ono dangada de langi e hebagi ange gi de dragon, gai de dragon ma ono dangada de langi e hebagi ange gi gilaadeu.