Daniel 1:4 - De Beebaa Dabu

⁴ gai e deai mee baubau i angaanga o denga dama daane laa, gilaadeu e mahamaha, ma de heiangi i de ago denga hagadaagangaa mee alodahi, ma de iloo mee, aama de heohi ange gi de hai hegau i de hale o de hodooligi. Gai ia gi agoagona ange gilaadeu i muna o de henua ma mee gu sisi i lodo beebaa a de gau Babylon.

Daniel 1:4 Iomraidhean Croise

Genesis 41:46

Gai Joseph gu matolu ono ngadau i de masavaa oona ne daamada ai de hai hegau ange gi de hodooligi o Egypt go Pharaoh. Gai ia ga hano gee mai i mada i mua o Pharaoh, ga hagadaga i honga de henua go Egypt.

2 Samuel 14:25

Gai e deai donu se dama daane i Israel e mahamaha bei dagodo o Absalom. E deai donu se mee baubau daudahi i dono angaanga, mai i luoono vae ga dae age ai gi dono biho.

Proverbs 22:29

Koe e gidee laa dahi dangada labagau i de hai ana hegau? Ia e hai hegau naa i mada i mua o denga hodooligi; ia e dee hai hegau ange naa donu gi hanu ngadi dangada.

Ecclesiastes 7:19

De heiangi e hai tangada heiangi gi mmahi ange i e dinoangahulu dagi o dahi aduhale.

Isaiah 36:11

Gai Eliakim, ma Shebna aama Joah ne hai ange gi de Rabshakeh, “Gimaadeu e dangidangi adu, basa mai gi gimaadeu, oo dangada hai hegau i muna Aramaic, go hiidinga gimaadeu e tonu ange aagena. Koe gi dee basa mai i muna Hebrew, go hiidinga dangada i honga de buibui e langona au muna.”

Jeremiah 5:15

Tilo, dangada o Israel, au e hai naa gi humai dahi huaahenua i de mommee mmao gi hebagi adu gi goodou, go Tagi Maolunga e hagadaba. Se huaahenua gu dahi madagidagi gai gu daulooloa, gai se henua niiodou e dee iloo alaadeu muna aabe e tonu ange gi alaadeu muna.

Daniel 2:10

Gai de gau Chaldea ne pasa ange, ga hai ange gi de hodooligi, “E deai donu se dangada daudahi i henua i lalo e maua i de tala ange gi de hodooligi dana midi; go hiidinga tigi ai donu se hodooligi maolunga, aabe se dagi ne siilia ange dahi mee bee nei gi dahi dangada hai sauaa, be se dangada hai huuhuaa mee, aabe se dangada Chaldea.

Daniel 2:2

Gai de hodooligi ga aalu gi loomai de gau hai sauaa, ma de gau hai huuhuaa mee, ma de gau e daalaa mee e loomai, aama de gau Chaldea, gi daalaa ange gi de ia dana midi. Gai gilaadeu ne loomai ga tuu i mada i mua o de hodooligi,

Daniel 3:8

De masavaa laa gai hanu daane Chaldea ne loomai ga hagabaubau denga daane Ssuu.

Daniel 4:7

Gai gu loomai de gau hai sauaa, ma de gau hai huuhuaa mee, ma de gau Chaldea, ma gilaadeu e iloo mee i lo te langi; gai au ga tala ange gi gilaadeu dagu midi, aagai gilaadeu tee maua i de hagadonu mai gi de au.

Daniel 5:11

E dahi daane i doo nohoanga hodooligi, e noho de hagasaalunga o denga maadua dabu i ono daha. De masavaa o doo damana, gai ne gidee mai bolo de iloo mee ma de maalama, ma de donu ange, aama de heiangi bei de heiangi o denga maadua e daakodo i ono daha. Gai doo damana go de hodooligi go Nebuchadnezzar, ne hai ia go tagi o de gau hai sauaa, ma de gau hai huuhuaa mee, ma de gau Chaldea, aama gilaadeu e tonu ange gi mee i lo te langi,

Daniel 5:7

Gai de hodooligi ga oo ga hagahi dahi gi gaamai de gau hai huuhuaa mee, ma de gau Chaldea, aama gilaadeu e iloo mee o lo te langi. Gai de hodooligi ne hai ange gi denga daane heiangi o Babylon, “Be goai naa huu e maua i de dau muna gu sisi nei ma de tala mai dono hagadoonunga, gai au e hakahu ange naa ia i de malo purple, ma de hagauda ange de hau goolo gi dono ua, ga hai ia go togodolu de maolunga i de nohoanga hodooligi.”

Daniel 9:1

Tahi ngadau huu o Darius tama daane a Ahasuerus, taane Media ne hodooligi ai, go taane ne gaavee laa tuulanga o hodooligi o de gau Babylon —

Zechariah 2:4

ga hai ange, “Savini hannoo hai ange gi tama daane laa, ‘Jerusalem e ahe ange naa ga noholia bei dagodo o denga aduhale e dee buibui, go hiidinga gu soa mmao dangada ma manu haangai e nnoho ai.

Acts 7:20

Deenei de masavaa o Moses ne haanau ai. Gai ia se gaagaa mahamaha i mada luu mada o de Maadua. Gai ia ne haele age i de hale o dono damana i e dolu malama.

Acts 7:22

Gai Moses ne agoago i de heiangi alodahi o de gau Egypt, gai ana muna ma ana hegau e mmahi mmao.

Ephesians 5:27

gai ia ga kave ai gi niiona de nohoanga dabu gu hagamahamaha laa, gu deai mee baubau iai, be ni mee vinivini iai, aabe ni mee bei mee nei iai; gai gu dabu aama teai mee baubau iai.

Judges 8:18

Gai ia ga hai ange gi Zebah ma Zalmunna, “I hee iai denga daane oodou ne daa ga maakau i Tabor?” Gilaau ne hai ange, “Gilaadeu alodahi e bei donu goe; gilaadeu e bei dagodo o denga dama daane a dahi hodooligi.”