Daniel 1:15 - De Beebaa Dabu

¹⁵ Gai ga odi huu de madaangahulu laangi laa, gai ia gu gidee bolo denga dama daane laa e kii ange de ssomo danuaa ma de pedi i denga dama daane alodahi e gaimee laa i gai a de hodooligi.

Daniel 1:15 Iomraidhean Croise

Psalm 37:16

Momo goloa o tangada heohi e danuaa ange i de lava o de gau baubau soa;

Exodus 23:25

Gai goodou gi daumaha mai gi de au, Tagi Maolunga doodou Maadua. Gai au ga hagamanuuia ai oodou gai ma vai unu, aama de kave gee denga hagadaagangaa magi alodahi mai i oodou magavaa,

Proverbs 10:22

De hagamanuuia a Tagi Maolunga e gaamai de lava, gai e deai donu se mee hagadaemaha iai.

Daniel 1:14

Gai ia ne dugu ange gi bei olaadeu lodo; gai ia ne hagatale ange de haangai gilaadeu i mee laa i e madaangahulu laangi.

Haggai 1:6

Goodou e doo manu lagolago, aagai e sogoisi donu huu oodou mee e hagihagi. Goodou e gaimee aagai e dee boobosu. Goodou e unu, aagai e goi hieunu huu. Goodou e kahu i denga malo, gai e dee maua gi mahanahana. Goodou e kave oodou hagaoanga, gai e dagodo be goodou e hhao ange gi lo te beagi e avaava tagelo.

Haggai 1:9

Goodou e tali bolo oodou mee e lagolago naa, aagai ne sogoisi donu oodou mee ne mau. Gai au ne hai gi deai mee oodou ne gaamai gi oodou hale. Aahee hiidinga? go Tagi o denga hagabuulinga hebagi e siilia adu. Go hiidinga dogu hale gu maoha ma e dagodo ai, gai tangada nei ma tangada nei e dee saohia donu huu i de hai dono hale.

Malachi 2:2

Noo goodou e dee hagallongo mai, noo goodou e dee daohi muna nei i oodou lodo, e hagadubu ai dogu ingoo, go Tagi o denga hagabuulinga hebagi e hagadaba, gai au e hai naa gi humai de malaia gi goodou, gai au e hai naa doodou manuuia gi se malaia. Ni muna abodonu, au gu hagamalaia donu mee nei, i hiidinga goodou e dee daohi mee nei i oodou lodo.

Matthew 4:4

Aagai ia ga hai ange, “Gu sisi e hai ange, ‘Tangada e dee mouli donu huu i pelaoaa, aagai ia e mouli donu i muna alodahi e tala i de ngudu o de Maadua.’ ”