Amos 8:9 - De Beebaa Dabu

⁹ Gai e hagadaba de Ia Aamua go Iahweh, “De laangi laa gai au e hai naa gi danu de laa i lo te madohi lua o de laangi, gai de henua e hagagohu i de masavaa goi ao ai de mee.

Amos 8:9 Iomraidhean Croise

De Beebaa go Job 5:14

Gilaadeu e hedae ange naa gi de gohu i de laangi, gilaadeu e haahaa saele naa i de laangi bei de boo.

Isaiah 13:10

Denga heduu i lo te langi ma olaadeu hagabuulinga e dee maalama naa. De laa e gohu naa i de masavaa e hanage ai, gai de maasina e dee maalama naa hogi.

Jeremiah 13:16

Hagamahamaha ina Tagi Maolunga doodou Maadua i mua dana gaamai de gohu, ma mua doodou baakuu i honga denga mounga gohu. Goodou e tali gi humai de maalama, aagai ia e hai gi kona de gohu, ma de hai gi gohu boo dangodango.

Jeremiah 15:9

Tinana ne hanaua e dogohidu dama e baageaa naa ga hai ana manava hagaodi. De laa o dono mouli e danu naa donu huu i lo te laangi; ia e hagadogaa ma de hagangadi mee ina. Gai au e daa naa gi maakau dangada e doe i de gadilaasa, i mada i mua o olaadeu hagadaumee,” go Tagi Maolunga e hagadaba.

Ezekiel 32:7

Gai de masavaa naa huu aagu e hagalilo ai goe, gai au e haoli naa de langi, gi dee ssula iho ai denga heduu. Au e haoli naa hogi de laa i dahi hagausinga, gai de maasina e dee sula age naa hogi.

Amos 4:13

Tilo, de ia ne haia denga mounga, ma de hai de madangi, ma de hagaago ange ana maanadu gi tangada, gai go de ia e haia de laangi gi gohu, ma de seesee i honga mommee maolunga o henua i lalo — dono ingoo go Iahweh, de Maadua o denga hagabuulinga hebagi.

Amos 5:8

(de ia ne haia de hagabuulingaa heduu go de Pleiades ma de Orion ma de sui de gohu gi se maalama i taiao, ma de hagagohu de laangi gi bei de boo, ia e basa ange naa gi denga lausedi ma de hai gi pala iho gi honga de henua — dono ingoo go Iahweh;

Micah 3:6

Deenei ai, de boo e dae mai naa gi goodou, gu deai oodou midi hagaago ange e gidee, gai gu gohu, goodou gu dee maua i de tala mee e loomai. Denga pelaabisi e dee gidee naa de laa, gai de laangi e hai naa ga gohu ange gi gilaadeu.

Zechariah 14:7

Gai de laangi laa e dagodo gee naa donu — go Tagi Maolunga donu huu e iloo dagodo o de laangi laa — de laangi ma de boo se dagodo daudahi donu huu. De ahiahi e maalama donu hogi.

Matthew 24:29

“Gai dua naa donu huu laangi hagaduasala laa, gai de laa gu hagagohu, de maasina gu deai sono maalama; gai denga heduu i lo te langi gu too iho, gai mee mmahi i lo te langi e hagangaalue naa.

Matthew 27:45

Gai gu hagagohu honga de henua alodahi i de daa tuele ga dae ai gi tolu i de ahiahi.

Mark 15:33

Gai de hualaangi huu, gai gu gohu honga de henua alodahi, ga dae ai gi tolu i de ahiahi.

Luke 23:44

De masavaa laa gu daa tuele, gai gu hagagohu honga de henua alodahi ga dae ai gi tolu i de ahiahi,

Revelation 6:12

Gai de masavaa aana ne oha ai de ono mee hagamakaga laa, gai au ne gidee bolo gu kona de ngalungalue de henua; de laa gu gohu bei de malo daladala uli, gai de maasina alodahi gu mmea bei denga dodo,

Revelation 8:12

Gai togohaa dangada de langi ne ili dana trumpet, gai dahi diba i diba e dolu o de laa, ma de maasina, aama denga heduu gu hagagohu, gai dahi diba i diba e dolu o olaadeu maalama gu gohu; deelaa ai, dahi diba i diba e dolu o de laangi ma de boo gu deai se maalama iai.