Amos 8:5 - De Beebaa Dabu

⁵ ma de hagataba, “Go aahee naa e lava ai taonga o de duu de maasina i dai, gai gimaadeu ga hulo e hagao gi daha amaadeu grain? Gai go aahee naa e ui ai Sabbath, gai gimaadeu ga hulo e hagao gi daha amaadeu wheat? Gimaadeu e hai naa gi kii mai ange de hagabaaunga o de ephah gai ga ue age de hagaoanga, ma de hagasenga dangada i demaadeu hai e hagahidi mee.

Amos 8:5 Iomraidhean Croise

2 Kings 4:23

Gai dono bodu ga ssili ange, “Gu aha gu hano ai naa goe anailaa nei? Tigi dae de masavaa e duu ai de maasina i dai aabe go de laangi o Sabbath.” De hine laa ne hai ange, “Mee alodahi e danuaa.”

Exodus 31:13

“Daalaa ange gi de gau Israel hai ange, ‘Goodou dao ina agu Sabbath, i hiidinga de mee nei se hagailonga mai i ogu daha adu gi goodou ma oodou atangada alodahi, gi iloo ai e goodou bolo go au go Iahweh, ne haia laa goodou gi dabu.

Proverbs 11:1

Tagi Maolunga e kino i de mee hagahidi hagasenga, aagai e malangilangi i de mee hagahidi e heohi abodonu.

Proverbs 16:11

De mee haide ma de mee hagabau heohi ni mee nii Tagi Maolunga; gai mee alodahi e hagahidi go ia ne haia.

Proverbs 20:23

Tagi Maolunga e kino i denga mee hagahidi hadu muna, gai ia e dee malangilangi i denga mee hagabau hagasenga.

Isaiah 1:13

Gu lava oodou sigidaumaha dee haigamaiana e gaamai! Oodou mee maanongi ni mee hakino gee i ogu daha. Doodou hagabuni i de duu de maasina i dai ma denga Sabbath aama oodou hai daumaha — au e dee malangilangi i oodou baubau ma oodou hagabuni.

Isaiah 58:13

Noo koe e dee oha Sabbath, ma tee hai oo mee e lodo ai i dogu laangi dabu, ma de hagabinga Sabbath bolo se laangi hagamalangilangi, ma de hagaingoo ange de laangi dabu o Tagi Maolunga bolo se laangi hagadubu, gai noo koe e hagadubu de laangi laa ga dee hai donu huu au hegau, ma de hagamalangilangi donu huu goe, aama tee tala ai hanu ngadi muna,

Hosea 12:7

Tangada hagao mee e hai hegau i de mee hagahidi hagasenga, e lodo i de vaivai hai dangada.

Hosea 12:8

Ephraim e hagadaba, “Au gu kona mmao dogu lava, au gu lagolago mmao ogu goloa. Gai gilaadeu e dee gidee naa donu dahi baubau daudahi aabe se haisala i agu hegau.”

Leviticus 19:36

Gai goodou hai hegau i denga mee hagahidi heohi, ma denga hagabaaunga o taemaha gi heohi, de hagabaaunga o dahi ephah ma dahi hin heohi. Go au donu go Iahweh doodou Maadua, ne hagassao ina mai goodou i de henua go Egypt.

Zechariah 5:6

Gai au ne ssili ange, “Se aha donu deelaa?” Ia ne hai mai, “De mee naa se gede e lele naa ma e hano.” Ia ne hai mai hogi, “Gai e hhao ai baubau o dangada i henua i lalo alodahi.”

Zechariah 5:8

Gai tangada de langi ne hai mai, “De hine nei se ada niio de baubau.” Gai ia ga usu iho ia gi lo te gede laa ga pono ange.

Malachi 1:13

Goodou e hagataba bolo ni mee hagadaemaha, gai goodou e hagangadi mee mee nei, go Tagi o denga hagabuulinga hebagi e hagadaba. Goodou e gaamai oodou manu gu lagolagohia, ma oodou manu balagelage, aama manu mmagi e hai ai oodou sigidaumaha. E aha, goodou e maanadu bolo au e malangilangi i de kave mee nei mai i oodou daha? go Tagi Maolunga e hagadaba.

Numbers 10:10

Gai goodou e ilihia hogi luu trumpet laa, i laangi oodou daonga ai ga malangilangi — go masavaa o oodou daonga gu hagailonga ma daonga o de duu de maasina i dai, i de masavaa e hai ai oodou sigidaumaha dudu, aama oodou sigidaumaha hagadanuaa magavaa, gi manadua ai e Maadua goodou. Go au go Iahweh doodou Maadua.”

Colossians 2:16

Deenei ai, goodou aude dugua ange dahi dangada gi hagamodu ina adu oodou mee e gai be go oodou mee e unu, be go dahi laangi daonga, be go dahi daonga o de duu de maasina i dai, aabe go dahi laangi o Sabbath.

1 Samuel 20:5

Gai David ga hai ange gi Jonathan, “Tilo, daiao go de laangi e duu ai de maasina i dai, gai au e hai donu gi noho madali de hodooligi i teebele e gaimee ai. Aagai koe dugua mai au gi hano gi mmuni i lodo henua ga dae ai gi de ahiahi o de laangi adu laa.