Amos 8:2 - De Beebaa Dabu

² Gai ia ne ssili mai, “Amos, se aha aau e gidee laa?” Gai au ne hai ange, “Se gede iai huamanu lleu.” Gai Tagi Maolunga ne hai mai gi de au, “De hagaodi o ogu dangada go de gau Israel gu dae mai donu. Au gu dee hagaola donu gilaadeu.

Amos 8:2 Iomraidhean Croise

Genesis 6:13

Gai de Maadua ga hai ange gi Noah, “Au gu baba ange e daa gi maakau dangada alodahi, go hiidinga henua i lalo gu honu i alaadeu hegau vaivai daakodo. Tilo, au e hagallilo naa gilaadeu madali henua i lalo.

Isaiah 28:4

Dono mahamaha gu lilo, bei de huaala gu dai mmae laa, go de aduhale e duu laa i honga tuuduu o de geelonga iai de gelegele danuaa, e bei de fig e leu laa i mua de masavaa o de hagihagi — de masavaa naa huu a tangada e gidee ai, gai ia ga hhagi ga gai.

Jeremiah 40:10

Gai au e noho naa i Mizpah e sui ai goodou i daho de gau Babylon e loomai laa gi odaadeu daha, aagai goodou hagihagia mee e hai ai uvaini, ma huamanu o de masavaa mahanahana, aama de hai lolo ga doange i lodo ssaa, gai goodou ga nnoho ai i denga aduhale oodou gu kave naa.”

Jeremiah 5:31

denga pelaabisi e hadu muna i delaadeu pasa pelaabisi, gai de gau haimeedabu e dagi i olaadeu sauaa donu huu; gai ogu dangada e malangilangi donu i mee nei! Aagai ni aha naa oodou ga hai i dua mee nei?

Lamentations 4:18

Gilaadeu e hagabaa gimaadeu, gimaadeu gu dee maua i de seesee i honga haiava. Gu baa mai de hagaodi o omaadeu mouli; omaadeu laangi gu sogoisi, go hiidinga gu odi donu omaadeu laangi.

Ezekiel 12:23

Deenei ai, hai ange gi gilaadeu, ‘E hagadaba de Ia Aamua go Iahweh: Au e hai naa gi deai dangada e daalaa de muna hagasengasenga nei i Israel.’ Aagai koe hai ange gi gilaadeu, ‘E tae mai donu laangi e hagassula ai denga midi hagaago ange alodahi.

Ezekiel 29:8

Deenei ai, e hagadaba de Ia Aamua go Iahweh: Tilo, au e gaamai naa de gadilaasa gi hai baasi adu gi de goe, ma de daa gi maakau oo dangada aama alaadeu manu haangai.

Ezekiel 3:10

Ia ne hai mai hogi gi de au, “Tama a tangada, hagalaangona muna alodahi aagu e tala adu gi de goe ma gi daohia i oo lodo.

Ezekiel 3:7

Aagai de gau Israel e dee llodo e hagallongo au muna, go hiidinga gilaadeu e dee llodo e hagallongo agu muna, gai dangada alodahi o Israel e hagamaanege ma de hagamakaga olaadeu lodo.

Ezekiel 7:6

De hagaodi gu baa mai! De hagaodi gu baa mai donu! Gu hidi age e hai baasi adu gi de goe, gai gu dae mai donu!

Ezekiel 8:12

Aagai ia ne ssili mai gi de au, “Tama a tangada, koe e gidee naa mee a dagi o de gau Israel e hai i lo te gohu, dahi ma dahi e hano gi de aabi iai ada o ono diinonga? Gai gilaadeu e hagataba, ‘Tagi Maolunga e dee gidee donu gidaadeu; Tagi Maolunga gu tili de henua.’ ”

Ezekiel 8:17

Gai ia ne hai mai gi de au, “Tama a tangada, koe gu gidee naa mee nei? Dangada o Judah e dee anga ange donu gi denga hegau hakino gee alaadeu gu hai i kinei; gilaadeu gu hai ma gu dohu honga de henua i denga dahulinga hakino gee, ga hai ai gi kii ange dogu lili. Galo ange diiloo gilaadeu e dugu ange de laa manu gi mada olaadeu usu.

Ezekiel 8:6

Gai ia ne hai mai gi de au, “Tama a tangada, koe e gidee naa alaadeu mee e hai — go mee hakino gee mmao a de gau Israel e hai i kinei, aanei mee e haia gi dee maua e au i de noho i dogu mommee dabu? Gai koe e gidee naa denga mee e hakino gee ange i mee nei.”

Hosea 9:7

Denga laangi o de hagaduasala gu tae mai donu, laangi e hagao ange ai hegau a dangada gu paa mai. Haia gi iloo e Israel de mee nei. De pelaabisi gu bei tangada lodo senga; gai taane iai de hagasaalunga gu senga ange, go hiidinga oodou baubau gu lagolago mmao gai goodou gu kona mmao de hagadau kino.

Amos 7:8

Gai Tagi Maolunga ne ssili mai gi de au, “Amos, se aha aau e gidee laa?” Gai au ne hai ange, “Au e gidee dahi uga haide iai dahi soodo.” Gai de Ia Aamua ne hai mai gi de au, “Tilo, au e hai naa de uga haide iai dahi soodo, e haide ai dagodo o ogu dangada, go de gau Israel; au gu dee hagaola donu gilaadeu.

Amos 8:1

Gai deenei de mee a de Ia Aamua go Iahweh ne hagaago mai gi de au: tilo, au ne gidee dahi gede iai hanu huamanu lleu.

Micah 7:1

Gu vakaa loo au! Au gu bei tangada e hagihagia laa huamanu lleu, ma de ogo i dua de hagihagi o de veelengaa grape; gu deai donu gau looloa grape aagu e gai, gai gu deai hogi hua fig lleu aagu e hiigaina laa.

Zechariah 5:2

Gai ia ne ssili mai gi de au, “Ni aha aau e gide laa?” Au ne hai ange, “Au e gidee dahi beebaa mulo e lele i lo te moana; dono looloa se madalua sugilima, gai de lahalaha se madaangahulu sugilima.”