Amos 5:16 - De Beebaa Dabu

¹⁶ Deenei ai, e hagadaba Tagi Maolunga, de Maadua o denga hagabuulinga hebagi, de Ia Aamua: “Dangada e tangi see naa i mommee alodahi e hagabuni ai laa dangada, ma honga denga haiava alodahi, ga hagataba, ‘Gu vakaa loo gidaadeu! Gu vakaa loo gidaadeu!’ Gilaadeu e hagahi naa de gau hai veelenga gi tangi, ma gilaadeu e iloo de hai e tangi ai.

Amos 5:16 Iomraidhean Croise

2 Chronicles 35:25

Gai Jeremiah ne hadu hogi hanu daahili i de magau o Josiah, gai de gau daahili alodahi goi hua donu huu denga daahili nei e hagamaanadu ai Josiah. Gai de hegau nei gu se dahulinga e hai i Israel; tilo, daahili nei gu sisi madali denga daahili o de magau.

Isaiah 15:8

De tangi o dangada gu dohu ai honga de henua go Moab; delaadeu tangi see gu tae loo gi Eglaim, delaadeu hinangalosaa gu tae hogi gi Beer Elim.

Isaiah 22:12

Gai de Ia Aamua, Tagi o denga hagabuulinga hebagi ne hagahi naa goodou i de laangi laa gi tangi ma de tangi see ma de dahi gi malali oodou biho, aama de kahu i malo daladala.

Jeremiah 30:5

“E hagadaba Tagi Maolunga: Gimaadeu gu langona de hevaalogi o de hellumi, ma de maatagu, e dee go de noho paba.

Jeremiah 4:31

Au e langona leo bei de dangi o de hine e dangi i de masavaa o ono hagalangona, ia e gonogono i de masavaa e haanau ai dana dama madua — go de leo o tamaa hine o Zion e ssala ai dana madangi, ma de haalo luoono lima ga hagadaba, “Gu vakaa loo au! Au gu dai ssili mada i dogu madagu i de gau daa dangada.”

Jeremiah 9:10

Au e dangi naa ma de dangi see i hiidinga o denga mounga, ma de dangi i hiidinga o mommee iai helii i lodo henua. Mommee laa gu ngadi daakodo ma teai dangada e seesee ai, gu dee langona hogi leo o denga manu haangai ai. Gai denga manu llele ma manu dolodolo gu hulo gee mai i kilaa.

Jeremiah 9:16

Au e hai naa gilaadeu gi mavaevae saele gi nnoho i denga huaahenua alaadeu ma olaadeu dubuna tigi iloo laa. Au e doolohi naa gilaadeu ma dagu gadilaasa, ga dae ai gi dagu daa gilaadeu gi odi i de maakau.”

Hosea 4:3

Deenei ai, de henua gu ngadi dagodo, gai alodahi e nnoho i kilaa gu deai olaadeu mahi, denga manu dolodolo o lodo henua ma manu llele ma mamu i lausedi gu maakau.

Joel 1:11

De gau hai veelenga, go goodou gi dookaa, de gau e dooa denga grapevine, goodou tangi see; goodou tangi i teai wheat ma barley; go hiidinga teai huamanu e hagihagi.

Joel 1:14

Hagailoo ina de hagahiikai dabu; hagailoo ina de hagabuni dabu. Hagabuni ina denga dagi ma dangada alodahi e nnoho i de henua gi de hale o Tagi Maolunga doodou Maadua, gai dalodalo ange gi Tagi Maolunga.

Joel 1:15

E vakaa naa gidaadeu i de laangi laa! Go hiidinga de laangi o Tagi Maolunga gu baa mai donu, gai de Ia Mmahi Mmao e oha naa donu de henua.

Joel 1:8

Goodou tangi bei de bua moe e gahu laa i malo daladala i hiidinga dono hinangalosaa i dono bodu.

Amos 3:13

Goodou hagalaangona ma de tala mee nei e hai baasi ange gi de aamuli o Jacob, go de Ia Aamua go Iahweh, de Maadua o denga hagabuulinga hebagi e hagadaba.

Amos 5:27

Deenei ai, au e hai naa goodou gi hulo gi dahi henua e mmao gee mai i Damascus,” go Tagi Maolunga e hagadaba, dono ingoo laa go de Maadua o denga hagabuulinga hebagi.

Amos 8:10

Au e sui naa oodou laangi daonga gi ni laangi niiodou e tangi ai, gai oodou daahili alodahi e sui gi ni daahili hagahinangalosaa. Au e hai naa goodou gi kahu i malo daladala, ma de dahi gi malali oodou biho. Au e hai naa goodou gi tangi bei tangada e dangi laa i hiidinga de magau o dana dama dagidahi, gai de hagaodi o de laangi laa gi bei dahi laangi mmala.

Amos 8:3

Denga daahili i lo te temple e hai naa gi se dangi see i de laangi laa, go de Ia Aamua go Iahweh e hagadaba. Gai e soa naa donu de gau maakau e daakodo saele. Gai gu dee hagalongaa!”

Micah 1:8

Go hiidinga o de mee nei oogu e dangi ai ma de dangi see; au e aau naa ogu mee vae ma de gilisau ga hano saele ai. Au e dangi naa bei denga jackal, ma de gonogono bei de owl.

Micah 2:4

De laangi laa gai dangada e hagadogaa naa i goodou; gilaadeu e hagammae manava naa goodou i dahi daahili, ga hai adu, ‘Gu vakaa loo gimaadeu; de henua o ogu dangada gu vaevae ma gu kave gee. Ia gu kave gee mee nei mai i de au! Ia gu gaavange omaadeu gelegele gi dangada ne hagadee kii ina gimaadeu.’ ”

Revelation 18:10

Gai gilaadeu e hulo naa ga tuu i de mommee mmao i delaadeu maatagu i de hagaduasala o de aduhale laa, ga hagataba, “Gu vakaa loo! Gu vakaa loo! De aduhale laumalie, go Babylon, de aduhale mmahi! Doo hagaduasala ne duu adu gi de goe i e dahi donu huu aoaa!”

Revelation 18:19

Gai gilaadeu ga hagamalili ange gelegele gi honga olaadeu biho ga tangi ai ma de tangi see i delaadeu hinangalosaa, ga hagataba, “Gu vakaa loo! Gu vakaa loo goe, de aduhale maolunga, go de mommee o dangada e hanu laa olaadeu vaga i honga tai ne hai ai ga kona de lagolago olaadeu goloa! Gai ne oha ga maoha i e dahi donu huu aoaa.”