Amos 4:9 - De Beebaa Dabu

⁹ Gu lagolago hanonga aagu ne oha ai oodou veelenga ma oodou veelengaa grape, ma de hai gi mmagi oodou manu ma de dongidongi. Gai denga itebuubuu ne gai oodou fig ma oodou olive aagai goodou tee aahe mai gi de au, go Tagi Maolunga e hagadaba.

Amos 4:9 Iomraidhean Croise

1 Kings 8:37

De masavaa naa huu e humai ai de onge be go de mee hagamaakau gi honga de henua, be go manu e haia ga mmae ma de dongidongi denga manu ssomo, be go de loomai o denga itebuubuu ma madanigono, be go de masavaa o de hagadaumee e duuli ai hanu olaadeu aduhale, aabe go de tae mai o de hai ngadaa ma de magi,

2 Chronicles 6:28

De masavaa naa huu e humai ai de onge be go de mee hagamaakau gi honga de henua, be go de manu e haia ga mmae ma de dongidongi denga manu ssomo, be go de loomai o denga itebuubuu ma madanigono, be go de masavaa o de hagadaumee e duuli ai hanu olaadeu aduhale, aabe go de tae mai o de hai ngadaa ma de magi,

Isaiah 1:5

Gu aha gu hai ai gi duudagi doodou hagailiilia? Gai gu aha gu duudagi ai doodou hagamaanege? De biho alodahi gu magi, gai de lodo alodahi gu baageaa.

Isaiah 50:11

Tilo, goodou alodahi e haulasia dahi ahi, ma de kave denga lama e haula laa, goodou seesee i de maalama o oodou ahi, ma denga lama oodou gu haula laa. Deenei dagu hai e hai ai goodou: goodou e daakodo gi lalo i doodou mmae.

Isaiah 9:12

De gau Assyria mai i dua ma de gau Philistia mai i dai e hhanga naa olaadeu ngudu ga holo Israel. Gai mee nei alodahi tee maua donu i de hagahelui dono lili, gai dono lima goi hagaabo donu huu.

Jeremiah 3:10

Gai mee nei alodahi tee maua i de hai dono daina hahine dee hai hegau i de mee abodonu go Judah gi ahe mai gi de au i ono lodo alodahi, aagai ne daahanga mai au,” go Tagi Maolunga e hagadaba.

Jeremiah 5:3

Tagi Maolunga, e aha, e dee go de muna abodonu aau e ssala? Koe ne hagailiili gilaadeu, aagai gilaadeu tee langona iho de mmae; koe ne hagahai ngadaa gilaadeu, aagai gilaadeu tee llodo e hai de mee heohi. Gilaadeu ne hagamakaga olaadeu lodo bei de hadu, ma tee llodo e daahuli olaadeu lodo.

Hosea 11:5

E aha, gilaadeu e dee aahe naa gi Egypt, gai Assyria e dee dagi naa gilaadeu, i hiidinga delaadeu dee llodo e daahuli olaadeu lodo?

Joel 1:4

Mee ne doe i gai a denga itebuubuu, gai de hagabuulingaa itebuubuu gu gai; mee ne doe mai i de hagabuulingaa itebuubuu gai denga itebuubuu e tolo laa gu gai; mee ne doe mai i denga itebuubuu e tolo laa gai denga itebuubuu ange laa gu gai.

Joel 1:7

Gilaadeu gu oha agu grapevine, ma de hagabaubau agu fig. Gai gu holehole ma gu deai gili o denga manu, gai laa o denga manu gu tea.

Joel 2:25

Au e hagaahe adu naa gi goodou mee i ngadau a de hagabuulingaa itebuubuu gu gai — go itebuubuu e tolo, ma de oha, aama de duuduudia mee — go de hagabuulinga hebagi soa aagu ne hai gi loadu gi oodou magavaa.

Amos 4:6

Au ne hai gi deai gai i lodo oodou aduhale alodahi, ma de hai gi deai gai i oodou mommee alodahi, aagai goodou tee aahe mai gi de au, go Tagi Maolunga e hagadaba.

Amos 4:8

Gai dangada e hagadaga naa i denga aduhale e ssala ai hanu vai unu, gai gilaadeu tee boobosu i de unu ai; aagai goodou tee aahe mai gi de au, go Tagi Maolunga e hagadaba.

Habakkuk 3:17

Gai e dee galemu naa donu teai huaala o de fig, gai gu deai hogi grape i denga grapevine, gai e dee galemu naa donu teai hua o de olive, ma teai gai e ssomo i honga denga veelenga, gai e dee galemu naa donu teai ssiibi i lodo buibui manu, ma teai kaau i lodo buibui e dugu ai manu,

Haggai 2:17

Au ne hai gi mmae ma de dongidongi oodou manu, ma de gaamai denga dibadibaa haisi gi oohaa oodou manu; aagai goodou tee aahe mai gi de au, go Tagi Maolunga e hagadaba.

Malachi 3:11

Gai au e hai naa gi dee gaina oodou huamanu, gai denga grapevine i honga oodou gelegele e dee tuu naa donu de hhua lagolago, go Tagi o denga hagabuulinga hebagi e hagadaba.

Deuteronomy 28:22

Tagi Maolunga e hai naa goe gi mmagi iviivi, ma de mahana, ma de hua doo angaanga ma de vvela, ma teai vai i honga de henua, ma manu ma mee dongidongi e daia laa denga manu ssomo. Mee nei e hai adu naa donu gi de goe ga dae ai gi doo magau.

Deuteronomy 28:42

Gai denga itebuubuu e oha naa denga manu ssomo ma olaadeu hua i lo tau veelenga.