Amos 4:3 - De Beebaa Dabu

³ Goodou e ssao naa ga hulo i lodo mommee maoha i de buibui o de aduhale, gai goodou alodahi e hagasoe naa ga hulo; goodou e maga naa gi de baasi ange gi Harmon, go Tagi Maolunga e hagadaba.

Amos 4:3 Iomraidhean Croise

2 Kings 25:4

Gai de buibui o de aduhale gu oha ga masaavava, gai denga daane alodahi gu saavini ga hulo, gai gilaadeu ne ssao ga hulo i de haitoga i magavaa luu buibui i gaogao de veelenga a de hodooligi, i de masavaa a de gau Babylon e duuli ai luu baasi de aduhale. Gai gilaadeu ne ssao ga hulo i de haiava e hano laa gi Arabah.

2 Kings 7:15

Gai gilaau ne hulo ga daudali ange i gilaadeu ga dae loo gi Jordan, gai gilaau ne gidee denga malo ma goloa hebagi o denga daane Syria e tili saele i honga de haiava, i de masavaa o dangada ne saavini ai ga hulo. Gai gilaau ne aahe mai ga tala ange gi de hodooligi.

Isaiah 2:20

De laangi laa gai dangada e tili ange naa olaadeu diinonga selevaa ma diinonga goolo, e daumaha ange laa aagena, gi denga mole ma gimoo llele.

Isaiah 31:7

Go hiidinga de laangi laa gai dahi ma dahi e tili naa ono diinonga selevaa, ma diinonga goolo, go mee oodou ne hai i oodou lima i de baubau.

Jeremiah 52:7

Gai gu oohaa ga masaavava de buibui o de aduhale, gai denga daane hebagi alodahi ne saavini ga hulo gee. Gilaadeu ne ssao ga hulo laa lo te haitoga i magavaa luu buibui, i gaogao de veelenga a de hodooligi, i de masavaa a de gau Babylon e duuli ai luu baasi de aduhale. Gai gilaadeu ne ssao ga hulo i de haiava e hano laa gi Arabah.

Ezekiel 12:12

Delaadeu dagi e hagauda naa hogi dono sabiningaa mee gi honga dono eu madali gilaadeu i de gohugohu de mee ga sao ai ga hano; gai gilaadeu e geli naa dahi mommee i lo te buibui e ssao ai e hulo. Gai ia e haoli naa luoono mada gi dee gidee ai e ia de henua.

Ezekiel 12:5

De masavaa alaadeu e haaina ai goe, gai koe ga gelia dahi haonga i lo te buibui o de aduhale, ga sao ai gi tua madali oo goloa.

Amos 6:7

Deenei ai, go goodou naa hugadoo e gaavee gi denga henua gee; gai oodou daonga e daakodo ai laa ga gaimee e tuu naa.

Zephaniah 1:18

Alaadeu selevaa ma alaadeu goolo e dee maua naa donu i de hagaola gilaadeu i de laangi o Tagi Maolunga e bole ai. Dono magiaa e bei naa de ahi e dudu naa ga odi henua i lalo alodahi, gai ia e moolau naa donu dana daa ga maakau dangada alodahi i henua i lalo.

Matthew 16:26

Ni haigamaiana aha de maua e tangada henua i lalo alodahi, aagai dono mouli e tili? Aabe se aha a tangada e gaavange e sui ai dono mouli?

Judges 5:17

Dangada o Gilead ne noho donu huu i baasi dua o Jordan; gai de aamuli o Dan, gu aha goodou gu nnoho ai naa donu huu i honga tai? De aamuli o Asher goi nnoho donu huu i tagudai, ma de nnoho i gaogao denga daulanga.