Amos 4:13 - De Beebaa Dabu

¹³ Tilo, de ia ne haia denga mounga, ma de hai de madangi, ma de hagaago ange ana maanadu gi tangada, gai go de ia e haia de laangi gi gohu, ma de seesee i honga mommee maolunga o henua i lalo — dono ingoo go Iahweh, de Maadua o denga hagabuulinga hebagi.

Amos 4:13 Iomraidhean Croise

De Beebaa go Job 9:7

Ia e basa ange gi de laa gai gu dee sobo age; ia e haoli de maalama o denga heduu.

Psalm 135:7

Ia e hai denga hagausinga gi loage i de bido laa o henua i lalo, gai ia e hai gi loomai denga uila madali de langi ma de hagasao mai de madangi i dana mommee doange mee.

Psalm 139:2

Koe e iloo dogu noho gi lalo ma dogu hidi age; koe e donu ange gi agu maanadu e dee galemu dogu mmao gee.

Psalm 147:18

Ia e basa donu huu, gai gilaadeu gu vaivai; ia e hai gi ssau mai dana madangi, gai denga vai gu ssali.

Psalm 65:6

Koe ne hagatuu denga mounga i oo mahi, ma de hagahai hegau oo mahi;

Exodus 10:22

Gai Moses ga haalo dono lima gi lo te langi i lunga, gai gu gohu boo dangodango honga de henua alodahi o Egypt i e dolu laangi.

Exodus 14:20

gai ne duu i magavaa o de hagabuulinga hebagi o de gau Egypt ma de gau Israel. Gai ne hagagohu de baasi ange ⌊gi de gau Egypt⌋, aagai ne hagamaalama de baasi ange ⌊gi de gau Israel⌋; gai tee maua donu e dahi hagabuulinga, i de hano e hagabaa ange gi de hagabuulinga ange laa, i de boo laa alodahi.

Isaiah 40:12

Goai gu hagabaulia denga vai i lo tono lima, aabe go de maaga de lahalaha o lo te langi? Gai goai gu daohia denga gelegele o henua i lalo i lo te gede, aabe go de hagahidi denga mounga i denga mee hagahidi, ma de hagahidi denga duuduu?

Isaiah 45:7

Au ne hagaholi de maalama ma de hagadau de gohu; go au e haia de nnoho paba ma de hai ngadaa; go au go Iahweh, ne haia mee nei alodahi.

Isaiah 47:4

Demaadeu Ia Hagaola, dono ingoo go Tagi o denga hagabuulinga hebagi, gai go de Ia Dabu o Israel.

Isaiah 48:2

Goodou e hagataba bolo goodou ni dangada e dau ange gi de aduhale dabu, gai goodou e dau ange gi de Maadua o Israel; dono ingoo go Tagi o denga hagabuulinga hebagi.

Isaiah 5:30

Gilaadeu e hagangolo naa i de manu laa i de laangi laa, bei de hagangolo o beau o de moana. Gai noo tangada e galo ange ga tilo de henua, gai tilo, gu gohu ma de hai ngadaa; denga hagausinga e haoli naa de maalama.

Jeremiah 10:13

De masavaa oona e basa ai, gai vai i lo te langi gu hagalongaa; gai ia e hai de mama o denga vai gi hanage i luu bido o henua i lalo. Ia e hai gi laba de uila i de masavaa e pala ai de langi, ma de hagasao mai de madangi i lodo ana mommee doange mee.

Jeremiah 10:16

Gai e dee aanei dagodo o de ia e hagabinga laa go Tuuhanga o Jacob; go hiidinga go ia ne haia mee alodahi, gai ia hogi ne haia Israel, de aamuli o dono boolonga; dono ingoo go Iahweh o denga hagabuulinga hebagi.

Jeremiah 13:16

Hagamahamaha ina Tagi Maolunga doodou Maadua i mua dana gaamai de gohu, ma mua doodou baakuu i honga denga mounga gohu. Goodou e tali gi humai de maalama, aagai ia e hai gi kona de gohu, ma de hai gi gohu boo dangodango.

Jeremiah 46:18

Au e hagatoo donu i dogu mouli, go de Hodooligi e hagadaba, dono ingoo go Tagi o denga hagabuulinga hebagi: E humai naa dahi bei dagodo o Tabor i magavaa o denga mounga, ma dagodo o Carmel i gaogao tai.

Jeremiah 51:16

De masavaa oona e basa ai, gai vai i lo te langi gu hagangolo; ia e hai de mama o denga vai gi hanage i luu bido o henua i lalo. Ia e hai gi labalaba de uila i de masavaa e pala ai de langi, ma de hagasao mai de madangi i lodo ono mommee doange goloa.

Jeremiah 51:19

Gai e dee deenei tagodo o de ia e hagabinga laa go Tuuhanga o Jacob; gai go ia ne haia mee alodahi, aama Israel de aamuli o dono boolonga — dono ingoo go Iahweh o denga hagabuulinga hebagi.

Daniel 2:28

aagai e dahi Maadua i de langi e maua i de hagaago mai mee e dee iloo laa. Ia gu hagaago ange gi de hodooligi go Nebuchadnezzar mee e hai i muli mai. Deenei de midi ma midi hagaago ange aau ne gidee i de masavaa oou e dagodo ai i honga doo moenga:

Daniel 2:30

Aagai de mee e dee iloo laa gu hagaago mai gi de au, e dee go hiidinga au e heiangi ange i dangada alodahi e mouli, aagai au ga tala adu ai gi de goe, de hodooligi, de hagadoonunga o dau midi, gi donu ange ai goe gi au mee ne maanadu i oo lodo.

Hosea 12:6

Deenei ai, koe gi aahe mai gi doo Maadua; hai hegau i de abodonu ma de hagamodu heohi, ma de tali hagalodolodo ange gi doo Maadua i masavaa alodahi.

Joel 2:2

se laangi gohu ma teai se maalama iai, se laangi hagausinga ina ma de gohu boo dangodango. Gai de hagabuulinga hebagi soa ma de mmahi gu bei de haolia o honga denga mounga i de gohu, gai tigi ai donu mee bee nei ne hai madagidagi, gai e deai naa hogi mee bee nei e hai i muli mai, i ngadau o denga atangada alodahi e loomai.

Amos 3:13

Goodou hagalaangona ma de tala mee nei e hai baasi ange gi de aamuli o Jacob, go de Ia Aamua go Iahweh, de Maadua o denga hagabuulinga hebagi e hagadaba.

Amos 5:27

Deenei ai, au e hai naa goodou gi hulo gi dahi henua e mmao gee mai i Damascus,” go Tagi Maolunga e hagadaba, dono ingoo laa go de Maadua o denga hagabuulinga hebagi.

Amos 5:8

(de ia ne haia de hagabuulingaa heduu go de Pleiades ma de Orion ma de sui de gohu gi se maalama i taiao, ma de hagagohu de laangi gi bei de boo, ia e basa ange naa gi denga lausedi ma de hai gi pala iho gi honga de henua — dono ingoo go Iahweh;

Amos 6:8

De Ia Aamua go Iahweh gu hagatoo donu i dono ingoo, go Tagi Maolunga, de Maadua o denga hagabuulinga hebagi e hagadaba: “Au e kino i de hagamaolunga o Jacob, ma ono mommee buibui makaga; gai au e dugu ange naa de aduhale ma mee alodahi iai gi olaadeu hagadaumee.”

Amos 8:9

Gai e hagadaba de Ia Aamua go Iahweh, “De laangi laa gai au e hai naa gi danu de laa i lo te madohi lua o de laangi, gai de henua e hagagohu i de masavaa goi ao ai de mee.

Amos 9:6

ia ne hagatuu ono aabi i lo te langi, ma de hai dahi moana i honga henua i lalo; ia ne hagahi denga vai o tai ga llingi ange gi honga de henua — dono ingoo go Iahweh.

Micah 1:3

Tilo, Tagi Maolunga e humai i dono mommee noho, ia gu hano iho e seesee i honga mommee maolunga o henua i lalo.

Habakkuk 3:19

De Ia Aamua go Iahweh go ogu mahi; ia e hai luoogu vae gi bei luu vae o dahi dia, ia e hai gi maua e au i de seesee i honga mommee maolunga. Ange gi tagi o taahili. Gai e hua madali mee hagadangidangi iai daula.

Zechariah 12:1

Muna hagadaemaha a Tagi Maolunga i dagodo o Israel. E hagadaba Tagi Maolunga, go de ia ne hoolaa laa de langi ma de hai henua i lalo, gai go de ia ne haia de hagasaalunga o tangada:

Matthew 9:4

Aagai Iesu gu iloo e ia alaadeu maanadu, gai ia ga hai ange, “Gu aha goodou gu maanadu baubau ai naa i oodou lodo?

John 2:25

Gai e dee se dangada donu ne daalaa ange gi de ia dagodo o dangada, go hiidinga ia e lava donu i dana iloo dagodo lodo o tangada.

John 3:8

De madangi e ssau mai ga hano be go hee e hano laa aagena, koe e langona de leo o de madangi, aagai koe e dee iloo be go hee ne humai ai aabe go hee e hano laa aagena; gai e bei ai hogi dagodo o dangada gu haanau laa i de Hagasaalunga.”

Deuteronomy 32:13

Ia ne hai gilaadeu gi saavini laa honga denga mommee maolunga o de henua, ma de gai hua o denga manu ssomo i lo te duu malaelae; ia e haangai ange gilaadeu i denga hooni lo te baba, aama lolo o denga olive i lodo hadu makaga.

Deuteronomy 33:29

De gau Israel, goodou gu manuuia! Goai e bei oodou dagodo, dangada a Tagi Maolunga gu hagaola? Ia e bei doodou mee hungihungi ma doodou bale aama doodou gadilaasa e kii ai. Oodou hagadaumee e maatagu naa i goodou, gai goodou e dagadagahi naa olaadeu mommee daumaha.”