Amos 4:12 - De Beebaa Dabu

¹² Deenei ai, Israel, deenei dagu mee e hai adu gi goe; gai go hiidinga au gu baba ange e hai adu de mee nei gi goodou, deenei ai, Israel, hagadaabena oo mee e hedae ange gi doo Maadua!”

Amos 4:12 Iomraidhean Croise

Isaiah 32:11

Goodou denga haahine duadonu e bolebole naa; goodou denga damaa hine nnoho paba e maatagu naa! Goodou e hagaui oodou malo, gai ga nnoa oodou ungaalodo i malo daladala.

Isaiah 47:3

Gai dangada e gidee naa doo gilisau, gai koe e dogaa naa i de hagaui oo malo; au e sui adu naa oodou hegau baubau, gai au e dee dugu naa donu dahi goodou gi ola.

Isaiah 64:2

Bei de hai a de ahi e haula ai denga laa manu vaaligiligi, ma de hai gi kai denga vai, haia hogi gi iloo e oo hagadaumee dagodo ssauaa o doo ingoo, ma de hai gi maatagu denga huaahenua i mada luoo mada!

Jeremiah 5:22

E aha, goodou e dee maatagu naa i de au? go Tagi Maolunga e hagadaba. E aha, goodou e dee maatagu i de tuu i mada luoogu mada? Goodou e dee bolebole i doodou tuu i ogu mada i mua? Au ne hai de gelegele dea go de ngaadonga o tai, gai se buibui e dagodo gai tai e dee maua i de hano gi ui ai. Denga beau e hadihadi mai, aagai e dee maua i de oha; denga beau e hagangolo mai, aagai e dee maua i de hulo gi ui ai.

Ezekiel 13:5

Goodou tee hulo e hagaahe age mommee gu maoha i de buibui, aabe go hagaduu age de buibui o dangada o Israel, gi duu ai gi makaga de masavaa o de hebagi, i de laangi o Tagi Maolunga.

Ezekiel 22:30

Au ne ssala dahi dangada i olaadeu magavaa gi hagaduulia age de buibui ma de duu i de mommee masaavava i lo te buibui o de henua, gi dee oohaa ina ai e au de aduhale, aagai au tee gidee dahi dangada daudahi.

Hosea 13:8

Au e lele ange naa ga gadigadi gilaadeu bei hegau a de bea gu gaavee laa ana dama. Au e gai naa gilaadeu bei hegau a de laiono; gai dahi manu alasala e hangahanga naa gilaadeu.

Amos 2:14

Taane gemo e dee maua naa donu gi ola, taane mmahi e dee maua naa donu i de hagammahi ia, taane hebagi dau e dee maua naa hogi i de hagaola dono mouli.

Matthew 24:44

Deenei ai, haia donu hogi gi paba goodou, go hiidinga Tama a Tangada e humai naa i de masavaa oodou e dee maanadu ai bolo ia e humai.

Matthew 5:25

Hagamoolau hagaheloongoi ina ooluu magavaa ma doo hagadaumee, i de masavaa ooluu e seesee ai e hulo gi de mommee hagamodu muna, ana vakaa ga gaavange e ia goe gi de ia hagamodu muna, gai de ia hagamodu muna ga gaavange goe gi tangada hagaloosi, gai koe gu tili ange gi lo te hale pono.

Revelation 3:3

Deenei ai, manadua au mee gu lava i de kave ma de longo; daohia mee laa, gai dahuli oo lodo. Aagai noo koe e dee alahage, gai au e humai naa bei dagodo o tangada gaiaa. Gai koe e dee iloo donu de aoaa oogu e dae adu ai.