Amos 4:1 - De Beebaa Dabu

¹ Hagalaangona muna nei, goodou denga kaau haahine o Bashan, i honga de mounga o Samaria, goodou denga haahine e vaivai haia de gau hagaau aloha, ma de hagahai ngadaa gilaadeu e duasala; goodou e hai ange gi oodou bodu, “Gaamai ange hanu mee e unu!”

Amos 4:1 Iomraidhean Croise

1 Kings 16:24

Ia ne hagao hogi tuuduu go Samaria mai i daho Shemer i e lua talent selevaa, ga hagaduu ai dahi aduhale i honga tuuduu laa. Gai ia ga hagaingoo ange go Samaria, go de ingoo o Shemer, taane niiona tuuduu laa i mua.

De Beebaa go Job 20:19

Go hiidinga ia ne vaivai hai ma de tili de gau hagaau aloha; ia ne hai gi de mahi denga hale aana tee hagaduu.

De Beebaa go Job 24:4

Gilaadeu e sseu gilaadeu e duasala gi hulo gee i honga de haiava, gai e hai de gau hagaau aloha alodahi i honga henua gi hulo gi mmuni.

Psalm 12:5

“Go hiidinga de gau hagaau aloha e vaivai haia, gai gilaadeu e duasala e gonogono,” e hagadaba Tagi Maolunga, “Au e hidi age naa. Au e hai naa gilaadeu gi nnoho paba bei olaadeu lodo.”

Psalm 140:12

Au e iloo bolo Tagi Maolunga e tala hagadonu dagodo o de gau hagaau aloha, ma de hagamodu olaadeu muna olaadeu e duasala i de heohi.

Psalm 22:12

Denga kaau lagolago e duuli luoogu baasi; denga kaau mmahi o Bashan e duuli au;

Proverbs 22:7

Tangada lava e dagi de gau hagaau aloha, gai tangada muli se dangada hai hegau niio tangada ne gaavange sseene gi de ia.

Ecclesiastes 4:1

Gai au ne ahe ange hogi ga tilo de vaivai haia o dangada i lalo de laa. Au ne gidee loimada o dangada e vaivai haia, gai e deai dangada e hagaaneane ina gilaadeu. Ssauaa gu gaavange gi gilaadeu e vaivai haia dangada; gai e deai donu se dangada e balea ange gilaadeu.

Ecclesiastes 5:8

Koe gi dee lele oo mouli i dau gidee de vaivai haia o de gau hagaau aloha i dahi ungaamee, ma teai se hagamodu heohi ma heohi o dangada; go hiidinga dahi dagi maolunga e dagitilo tagi i ono lalo, gai denga dagi i olaau elunga e dagitilo gilaau.

Isaiah 28:1

E vakaa naa de hau hagadubu a de gau ssenga o Ephraim e tuhi laa, go dono mahamaha gu dai lilo bei de huaala gu mmae laa, go de aduhale e duu laa i honga tuuduu o de geelonga iai gelegele danuaa, go de mommee a de gau ssenga i uvaini e tuhi laa.

Isaiah 5:8

E vakaa naa gilaadeu e haia ga lagolago olaadeu hale, ma de hagallaha ange olaadeu alahenua, ga dae ai gi teai ange mommee e doe, gai go goodou donu huu e nnoho i honga de gelegele laa.

Isaiah 56:12

Gilaadeu e hagataba, “Loomai, gidaadeu ga gaamai uvaini! Gidaadeu ga unu gi ssenga i mee mmahi! Gai daiao gidaadeu ga aahe ange hogi e hai mee mau, aabe e hai gi dubu ange i mee anailaa nei.”

Isaiah 58:6

E aha, e dee deenei de hagahiikai aagu ne hili: go de hagadangadanga daula o hegau baubau, ma de tala daula o de laagau hagahai hegau, ma de hai gi ilaage gilaadeu e vaivai haia, aama de hadihadi laagau hagahai hegau alodahi?

Jeremiah 50:11

Goodou e haia gi de mahi mee o dogu boolonga, go hiidinga goodou ne malangilangi, go hiidinga goodou ne llodo danuaa, goodou e bei de kaau e lele duuduudia laa denga grain, ma de goo bei denga hoosa mmahi,

Jeremiah 50:27

Daia gi maakau ana kaau alodahi; haia gilaadeu gi loiho gi de mommee e daa ai manu. E vakaa naa gilaadeu! Go hiidinga gu dae mai delaadeu masavaa, go de laangi olaadeu e hagaduasala ai.

Jeremiah 51:34

⌊Dangada o Jerusalem e hagataba,⌋ “De hodooligi o Babylon go Nebuchadnezzar gu holo gimaadeu, ia gu hai gi ssenga ange gimaadeu, ia gu hai gimaadeu bei de ssaa gu deai mee i ono lodo. Ia gu holo gimaadeu bei dahi manu hagamaatagu, ma de hhao dono dinae i agu gai mammami, ga lava ga luei mai gimaadeu.”

Jeremiah 6:6

Gai e hagadaba Tagi o denga hagabuulinga hebagi: “Selea iho denga manu ssomo i kilaa ma de hagatuu age mee e oha ai Jerusalem. De aduhale nei e hagaduasala naa donu; go hiidinga e honu i dangada e vaivai haia dangada.

Jeremiah 7:6

noo goodou e dee vaivai hai de gau henua gee, ma denga gauligi gu deai olaadeu damana, ma haahine gu maakau olaadeu bodu, aama tee daa dangada gi maakau i de mommee nei, ma tee daudali ange i denga diinonga ga hagaduasala ai donu huu goodou,

Ezekiel 18:12

gai e vaivai hai de gau hagaau aloha ma de duasala, ia e gaiaa, ia e dee hagaahe ange mee aana ne kave e hagadonu ai de hagao ana muli, ia e daumaha ange gi denga diinonga, gai ia e hai mee hakino gee,

Ezekiel 22:12

Hanu dangada i oo daha e kave mee ngadi gaavange hagasenga e daa ai dangada gi maakau; koe e hai gi laumalie de mee a dangada e paa adu gi de goe e hagao i au sseene e gaavange gi gilaadeu. Gai koe gu ngalo donu au, go de Ia Aamua go Iahweh e hagadaba.

Ezekiel 22:27

Ono dangada aamua e bei denga wolf e hangahanga ina laa alaadeu manu gu mau. Gilaadeu gu hagassali dodo o dangada ma de daa gilaadeu ga maakau gi maua ai olaadeu goloa i hegau dee heohi.

Ezekiel 22:29

Dangada e nnoho i honga de henua e hai hegau hagasenga ma de gaiaa. Gilaadeu e vaivai hai de gau hagaau aloha ma gilaadeu e duasala, aama de gau henua gee.

Ezekiel 22:7

Gilaadeu ne hagangadi mee denga damana ma dinana i oo daha, ma de vaivai hai de gau henua gee, ma denga gauligi gu deai olaadeu damana aama haahine gu maakau olaadeu bodu.

Ezekiel 34:16

Au e ssala naa ssiibi gu dee maleva laa, ma de hagaahe mai gilaadeu gu hulo gee. Au e saabini naa maanuga o ssiibi gu lagohia laa ma de hagammahi gilaadeu e baageaa, aagai au e daa naa gi maakau denga ssiibi pedi ma de mmahi. Au e hagaloosi ange naa gilaadeu i de hagamodu heohi.

Ezekiel 39:18

Goodou e gai naa kano o denga daane dau o de hebagi, ma de unu dodo o denga dagi o henua i lalo — e dagodo be go dodo o denga ssiibi daane, ma ssiibi gauligi, ma guudi, aama denga kaau daane, gilaadeu alodahi ni manu gu haangai ma gu pedi mai i Bashan.

Joel 3:3

Gilaadeu ne hai tada i ogu dangada, ma de hagao dahi gauligi daane i dahi haahine hai be se manu; gilaadeu ne hagao alaadeu uvaini i dahi gauligi haahine.

Amos 3:1

De gau Israel, goodou hagalaangona muna a Tagi Maolunga e hai baasi adu ai gi goodou, ma e hai baasi ange ai gi denga huaabodu alodahi aagu ne hagassao mai i de henua go Egypt:

Amos 3:3

E aha, e maua e dogolua dangada i de hagabuni e seesee ai, noo gilaau e dee hagaheloongoi?

Amos 5:11

Goodou e vaivai hai de gau hagaau aloha ma de hai ia gi hagao ina taagisese o alaadeu grain. Gai goodou e hagatuu denga hale hadu danuaa aagai goodou e dee nnoho ai naa donu; goodou e doo naa denga veelengaa grape lau kohu, aagai goodou e dee unu naa donu uvaini e hai ai.

Amos 6:1

E vakaa naa gilaadeu e nnoho duadonu i Zion, ma gilaadeu e nnoho paba i honga de mounga go Samaria, goodou denga daane dau o de huaahenua e maolunga i denga huaahenua, go gilaadeu o de gau Israel e hulo aagena!

Amos 6:6

Koe e unu denga uvaini i lodo boolo hoohonu, ma de hulu i lolo danuaa, aagai koe e dee daemaha naa donu i de maoha o Joseph.

Malachi 3:5

“Gai au e humai naa e hagamodu oodou muna. Gai e moolau naa donu dagu hagabaubau de gau hai huuhuaa mee, ma de gau dagodo haisala, ma gilaadeu e hagatoo donu i de hadu muna, ma gilaadeu e daohia hagaoanga o de gau hai hegau, ma gilaadeu e vaivai haia denga haahine gu maakau olaadeu bodu ma denga gauligi gu deai olaadeu damana, ma gilaadeu e dee abodonu ange gi de gau henua gee, aagai e dee maatagu i de au,” go Tagi o denga hagabuulinga hebagi e hagadaba.

Numbers 21:33

Dua mee nei gai gilaadeu ne loage i de haiava e hano laa gi Bashan; gai Og de hodooligi o Bashan ma ono daane hebagi, ne loomai e hebagi ange gi gilaadeu i Edrei.

Deuteronomy 24:14

Aude vaivai haia tangada hagaau aloha aau gu hagao, gi hai hegau adu gi de goe, e dee hilihili be ia se dangada Israel aabe se dangada henua gee e noho i dahi aduhale i doodou henua.

Deuteronomy 28:33

Dahi huaahenua aau e dee iloo laa e loomai naa ga gai huamanu i honga oo gelegele ma de hagadanuaa i au hegau ne hai; gai koe go de vaivai haia ma de hagaduasala donu huu aau e gidee.