Amos 3:4 - De Beebaa Dabu

⁴ E aha, e maua de laiono gi goo i lodo henua, noo tigi ai sana manu ne mau? E aha, e maua e de laiono i de haganngolo i lodo mee muimui, i de masavaa tigi ai ana mee ne mau?

Amos 3:4 Iomraidhean Croise

Psalm 104:21

Denga laiono mmahi e hagangolo ange gi alaadeu manu e gai, ma de ssala ai alaadeu gai mai i daho de Maadua.

Hosea 11:10

Gilaadeu e daudali ange naa i Tagi Maolunga, ia e oo naa bei de laiono e goo laa; uaa, ia e oo naa bei de laiono e goo laa, gai ono dangada e bolebole naa ga loomai ai i dai.

Hosea 5:14

Au e hebagi ange naa gi Ephraim bei dahi laiono, gai e hebagi ange gi Judah bei dahi laiono mmahi. Au e hagalagolagohia naa gilaadeu ga tili gilaadeu gai au ga hano. Au e kave gee naa gilaadeu, gai e deai donu e maua i de hagaola gilaadeu.

Amos 1:2

Ia ne hagadaba: “Tagi Maolunga e hagangolo mai i Zion, ma de basa mai i Jerusalem bei de babaa o de hatuli; mommee iai helii a de gau hagaloosi manu e tangi naa, gai ulu de mounga go Carmel e mmae naa.”

Amos 3:3

E aha, e maua e dogolua dangada i de hagabuni e seesee ai, noo gilaau e dee hagaheloongoi?

Amos 3:5

E aha, e maua gi doo ange dahi manu lele gi lo te sele i honga de gelegele, noo tigi ai se mainu i lo te sele? E aha, e maua gi lele age ssele i honga de gelegele, noo tigi ai se manu ne lave ange aagena?

Amos 3:8

De laiono gu haganngolo — gai goai naa e dee madagu? De Ia Aamua go Iahweh gu basa — gai goai naa e maua i tee basa pelaabisi?