Amos 3:12 - De Beebaa Dabu

¹² E hagadaba Tagi Maolunga: “De gau Israel e nnoho laa Samaria ma Damascus i honga olaadeu moenga ma olaadeu sea, e hagaola naa bei dagodo o ssiibi, a tangada hagaloosi e dada mai laa ivi o luoono vae, aabe go dahi ono dalinga i lo te ngudu o de laiono.

Amos 3:12 Iomraidhean Croise

1 Kings 20:30

Gai denga daane e doe ne saavini ga hulo ga ulu gi lo te aduhale go Aphek, gai de buibui o de aduhale laa ne baguu iho ga daa gu maakau e 27,000 daane i olaadeu magavaa. Gai Ben-Hadad ne savini ga hano ga mmuni i de aabi e mua gi lodo i dahi hale i lo te aduhale.

1 Kings 20:34

Gai Ben-Hadad ga hai ange gi Ahab, “Au e hagaahe adu naa gi de goe denga aduhale a dogu damana ne kave gee laa i daho doo damana, gai koe ga hagatuu age ai hanu mommee hagao mee i Damascus, bei dagodo hegau a dogu damana ne hai i Samaria.” Gai Ahab ga hai ange, “Au e dugu adu goe gi hano, noo gidaau e hai dahi hagaheloongoi.” Gai gilaau ne hai dahi hagatoo donu hagaheloongoi, gai Ahab ga dugu Ben-Hadad gi hano.

1 Kings 22:25

Gai Micaiah ne hai ange, “Tilo, koe e gidee naa i de laangi oou e hano ai e mmuni i dahi aabi i lodo.”

2 Kings 16:9

Gai de hodooligi o Assyria ne hagallongo ange gi de ia, ga hano ga hagadee kii Damascus. Gai ia ga kave gee dangada e nnoho i Kir, gai ga daa Rezin gu magau.

Esther 1:6

Gai de mommee laa e daudau age ai linen tea ma de buluu ma e hagalaagii ai, gai e noonooa ange gi denga buulei selevaa i denga duludulu marble i daula linen tea ma de purple. Gai denga mommee nnoho e hai i goolo ma selevaa ma e hagatuu i honga de mommee gu hola i hadu hagalaagii, ma denga marble ma denga baa, aama denga hagadaagangaa hadu hagamogomogo ange laa.

Esther 7:8

Gai ga ahe mai huu de hodooligi i de veelenga o de hale o de hodooligi gi de mommee e hai ai laa taonga, gai ia gu gidee Haman gu hagabaguu ange gi honga de mee dagodo o Esther e noho ai laa. Gai de hodooligi ga hagadaba, “Ia ga hai gi de mahi nei donu hogi de hine hodooligi, i de masavaa oogu e noho ai i de hale?” De masavaa a de hodooligi ne tala ai muna nei, gai de gau hai hegau ga haoli luu mada o Haman.

Psalm 132:3

“Au e dee ulu naa donu i dogu hale, aabe e hano e dagodo i dogu moenga;

Isaiah 17:7

De laangi laa gai dangada e tali ange naa de ia ne haia gilaadeu, ma de daahuli ange naa gi de Ia Dabu o Israel.

Isaiah 31:4

Gai Tagi Maolunga ne hai mai gi de au, “De laiono e hagangolo, go de laiono mmahi gu maua laa ana gai — gai ga hagahi mai naa donu hanu hagabuulingaa hagaloosi ssiibi gi hebagi ange gi de laiono laa, gai ia e dee madagu donu i delaadeu hevaalogi aabe e anga ange gi delaadeu hagalongaa; gai e bei ai hogi de hano iho o Tagi o denga hagabuulinga hebagi i honga de mounga go Zion ma ono mommee maolunga.

Isaiah 8:4

go hiidinga i mua dana iloo de hagaagahi adu, ‘Dogu damana’ aabe go ‘Dogu dinana’, gai de lava o Damascus ma goloa o Samaria e gaavee gee naa e de hodooligi o Assyria.”

Amos 6:4

E vakaa naa gilaadeu e daakodo i honga denga moenga ivory, ma de nnoho i honga olaadeu seaa danuaa, ga gai ai kano o denga ssiibi gauligi mai i de hagabuulingaa ssiibi, aama kano o dama a denga kaau i lo te buibui manu.

Amos 9:8

Tilo, de Ia Aamua go Iahweh e dagitilo donu de nohoanga hodooligi e haisalasala laa. Au e oha naa ga aau gee mai i honga henua i lalo; aagai au e dee daa naa gi odi i de maakau dangada o Jacob, go Tagi Maolunga e hagadaba.