Amos 3:11 - De Beebaa Dabu

¹¹ Deenei ai, e hagadaba de Ia Aamua go Iahweh: “Dahi hagadaumee e duuli naa luu baasi de henua ga oha oodou buibui, ma de gaiaa mee i lodo oodou mommee buibui makaga.”

Amos 3:11 Iomraidhean Croise

Genesis 34:27

Gai denga dama daane a Jacob ga hulo gi de mommee gu maakau ai denga daane ga kave ai goloa o de aduhale laa, go hiidinga gilaadeu ne hai gi de mahi delaadeu daina hahine.

2 Kings 15:19

Gai Pul, de hodooligi o Assyria, ne humai e hebagi ange gi de henua, gai Menahem ne gaavange gi de ia e mano talent selevaa, gai ia ga balea ange ai ia e daohi de nohoanga hodooligi laa.

2 Kings 15:29

Gai de masavaa o Pekah e hodooligi ai i Israel, gai Tiglath-Pileser, de hodooligi o Assyria ne humai ga hagadee kii Ijon, ma Abel Beth Maacah, ma Janoah, ma Kedesh, ma Hazor, ma Gilead, ma Galilee, aama de vaaenga alodahi o Naphtali, ga noonooa dangada ga kave gi Assyria.

2 Chronicles 36:19

Gai gilaadeu ne dudu de hale o de Maadua, ma de oha de buibui o Jerusalem; gilaadeu e dudu naa denga hale danuaa alodahi ma de oha denga goloa hagamogomogo alodahi i kilaa.

De Beebaa go Job 20:21

Gu deai donu mee e doe i dua dono gaimee, gai dono lava e dee maua donu gi daulooloa.

Amos 2:5

Au e gaamai naa de ahi e dudu ai Judah gai e dudu naa donu gi deai mommee buibui makaga o Jerusalem.”

Amos 3:10

“Gilaadeu e dee iloo de hai de mee heohi, go Tagi Maolunga e hagadaba. Gilaadeu e hagabudu mee alaadeu e gaiaa ma de vaivai hai ai dangada i lodo olaadeu mommee buibui makaga.”

Amos 3:15

Au e oha iho naa denga hale ange gi de masavaa hagamagalili madali denga hale ange gi de masavaa mahanahana; gai denga hale e hagalaagii i ivory e oha naa, gai denga hale danuaa e odi naa hogi i de maoha,” go Tagi Maolunga e hagadaba.

Amos 6:14

“De gau Israel, tilo, au e hai naa gi humai dahi huaahenua gi hebagi adu gi goodou, go Tagi Maolunga, de Maadua o denga hagabuulinga hebagi e hagadaba; gai gilaadeu e hagaduasala naa goodou mai i Lebo Hamath ga hano ai gi de geelonga o Arabah.”

Amos 6:8

De Ia Aamua go Iahweh gu hagatoo donu i dono ingoo, go Tagi Maolunga, de Maadua o denga hagabuulinga hebagi e hagadaba: “Au e kino i de hagamaolunga o Jacob, ma ono mommee buibui makaga; gai au e dugu ange naa de aduhale ma mee alodahi iai gi olaadeu hagadaumee.”