Amos 3:10 - De Beebaa Dabu

¹⁰ “Gilaadeu e dee iloo de hai de mee heohi, go Tagi Maolunga e hagadaba. Gilaadeu e hagabudu mee alaadeu e gaiaa ma de vaivai hai ai dangada i lodo olaadeu mommee buibui makaga.”

Amos 3:10 Iomraidhean Croise

De Beebaa go Job 20:21

Gu deai donu mee e doe i dua dono gaimee, gai dono lava e dee maua donu gi daulooloa.

Psalm 14:4

E aha, dangada e haia de baubau tigi heiangi nei donu — gilaadeu e vaivai hai ogu dangada bei de gai a dangada pelaoaa, ma gilaadeu e dee dalodalo ange gi Tagi Maolunga?

Proverbs 1:13

gidaadeu e maua naa denga hagadaagangaa goloa danuaa, e hhao ai lodo odaadeu hale gi hoohonu i goloa ne hai gi de mahi;

Proverbs 11:16

Dangada e hagadubu de hine abodonu, aagai de gau alasala go de lava donu huu alaadeu e mau.

Proverbs 28:5

De gau baubau e dee tonu ange gi dagodo o de hagamodu heohi, aagai gilaadeu e saalaa Tagi Maolunga e honu delaadeu tonu ange.

Ecclesiastes 4:1

Gai au ne ahe ange hogi ga tilo de vaivai haia o dangada i lalo de laa. Au ne gidee loimada o dangada e vaivai haia, gai e deai dangada e hagaaneane ina gilaadeu. Ssauaa gu gaavange gi gilaadeu e vaivai haia dangada; gai e deai donu se dangada e balea ange gilaadeu.

Jeremiah 4:22

⌊Tagi Maolunga e hagadaba,⌋ “Ogu dangada ni dangada llodo ssenga; gilaadeu e dee iloo au. Gilaadeu ni dama llodo ssenga; gilaadeu e dee tonu ange. Gilaadeu e heiangi i de hai mee baubau, gai e dee iloo i de hai tanuaa.”

Jeremiah 5:4

Gai au ne hagadaba, “De gau nei ni dangada hagaau aloha; gilaadeu e llodo ssenga; go hiidinga gilaadeu e dee iloo haiava o Tagi Maolunga, ma hainga a delaadeu Maadua.

Ezekiel 18:7

Ia e dee vaivai hai dahi dangada, aagai e hagaahe ange ana mee ne kave e hagadonu ai de hagao muli a tangada. Ia e dee gaiaa donu, aagai e gaavange ana gai gi gilaadeu e hiikai, ma de gaavange malo gi tangada e deai ono malo.

Ezekiel 22:29

Dangada e nnoho i honga de henua e hai hegau hagasenga ma de gaiaa. Gilaadeu e vaivai hai de gau hagaau aloha ma gilaadeu e duasala, aama de gau henua gee.

Ezekiel 8:17

Gai ia ne hai mai gi de au, “Tama a tangada, koe gu gidee naa mee nei? Dangada o Judah e dee anga ange donu gi denga hegau hakino gee alaadeu gu hai i kinei; gilaadeu gu hai ma gu dohu honga de henua i denga dahulinga hakino gee, ga hai ai gi kii ange dogu lili. Galo ange diiloo gilaadeu e dugu ange de laa manu gi mada olaadeu usu.

Hosea 7:1

de masavaa aagu e lodo ai e hagaieiangi Israel, gai gu gidee mai baubau a Ephraim, ma hegau dee heohi a Samaria. Gilaau ne hai hegau i de hagasenga, de gau gaiaa e ulu gi lodo hale e gaiaa ai, denga hagabuulinga e gaiaa mee o dangada i honga denga haiava;

Amos 4:1

Hagalaangona muna nei, goodou denga kaau haahine o Bashan, i honga de mounga o Samaria, goodou denga haahine e vaivai haia de gau hagaau aloha, ma de hagahai ngadaa gilaadeu e duasala; goodou e hai ange gi oodou bodu, “Gaamai ange hanu mee e unu!”

Amos 5:7

Goodou dangada e suuia de hagamodu heohi gi bei de mee mmala ma de dagadagahi gi honga de gelegele de mee heohi —

Amos 6:12

E aha, denga hoosa e saavini laa i honga hadu? E aha, tangada e hagabalabala laa kilaa i denga kaau daane? Aagai goodou gu hai de hagamodu heohi gi se mee hagammau gai e hai denga hegau heohi gi ni mee mmala —

Amos 6:3

Goodou gu hagangalo de laangi hai ngadaa laa, gai gu hai gi moolau mai de hagaduasala laa.

Amos 6:8

De Ia Aamua go Iahweh gu hagatoo donu i dono ingoo, go Tagi Maolunga, de Maadua o denga hagabuulinga hebagi e hagadaba: “Au e kino i de hagamaolunga o Jacob, ma ono mommee buibui makaga; gai au e dugu ange naa de aduhale ma mee alodahi iai gi olaadeu hagadaumee.”

Micah 6:10

E aha, e maua e au i de hagangalo goloa i de hale o tangada baubau, ne maua i hegau dee heohi, ma de ephah e dee odi ange ma de hagabaubau ina?

Zephaniah 1:9

De laangi laa, gai au e hagaduasala naa dangada alodahi e dee llaga laa honga de laagau i ma te abaaba, go dangada e haoa de hale o olaadeu dangada aamua i goloa alaadeu e mau i de vaivai hai ma de daahanga dangada.

2 Peter 3:5

Aagai gilaadeu gu ngalo donu bolo madagidagi gai de Maadua ne basa ga hai ai de langi, gai henua i lalo ne hai i lo te vai.