Amos 1:8 - De Beebaa Dabu

⁸ Au e daa naa gi maakau dangada e nnoho i Ashdod, ma de ia e hodooligi i Ashkelon. Au e hai baasi ange donu gi Ekron, ga dae ai gi de odi de gau Philistia i de maakau,” go de Ia Aamua go Iahweh e hagadaba.

Amos 1:8 Iomraidhean Croise

2 Chronicles 26:6

Gai ia ne hano ga hebagi ange gi de gau Philistia, ga oha de buibui i luu baasi o Gath, ma de buibui o Jabneh, aama de buibui o Ashdod. Gai ia ne hagatuu age hogi hanu aduhale i gaogao o Ashdod aama mommee o de gau Philistia ange laa.

Psalm 81:14

E moolau naa donu dagu hagadee kii olaadeu hagadaumee, ma de hebagi ange gi dangada e kino i gilaadeu.

Isaiah 1:25

Au e hagaabo naa dogu lima e hai baasi adu ai gi de goe, au e kave gee naa mee baubau e pigi adu laa gi de goe, ma de aau gee mee hakino alodahi mai i oo daha.

Isaiah 20:1

De ngadau a Sargon de hodooligi o Assyria, ne hai ai gi humai tagi o denga daane hebagi, gi hebagi ange ma de hagadee kii de aduhale go Ashdod —

Jeremiah 47:1

Gai aanei muna a Tagi Maolunga ne hagaago ange gi de pelaabisi go Jeremiah, i dagodo o de gau Philistia, i mua de hebagi ange o de gau Pharaoh gi Gaza.

Ezekiel 25:16

deelaa ai, e hagadaba de Ia Aamua go Iahweh: Tilo, au e hagaabo naa dogu lima e hagaduasala ai de gau Philistia, ma de daa gi maakau de gau Kereth, aama dangada e nnoho i tagudai.

Joel 3:4

Tyre ma Sidon, aama Philistia alodahi, ni aha oodou gu hai mai nei gi de au? Goodou gu llodo nei e sui mai agu mee gu hai adu gi goodou? Noo goodou e llodo e sui mai gi de au, gai e moolau naa donu dagu sui adu oodou hegau gu hai.

Amos 1:7

Au e gaamai naa de ahi gi duungia de buibui o Gaza, gai e dudu naa donu ga deai ono mommee buibui makaga.

Amos 3:9

Hagailoo ina ange gi denga mommee buibui makaga o Ashdod, ma ange gi mommee buibui makaga i de henua go Egypt, hai ange, “Goodou hagabuni mai gi honga mounga o Samaria; diiloo ai de hellumi laumalie i kilaa, ma de hagaduasala gu hai i magavaa o ono dangada.”

Obadiah 1:18

Dangada o Jacob e bei naa dahi ahi, dangada o Joseph e bei naa de ula o dahi ahi; gai dangada o Esau e bei naa denga gainga, gai gilaadeu e dudu naa gilaadeu ga odi. Gai e deai naa donu dangada e ola i dangada o Esau,” go Tagi Maolunga e hagadaba.

Zechariah 13:7

“De gadilaasa, alahage, hai baasi ange gi dogu dangada hagaloosi, gai hai baasi ange gi tangada e baa mai gi de au! go Tagi o denga hagabuulinga hebagi e hagadaba. Daia gi magau tangada hagaloosi, gi mavaevae saele ai denga ssiibi, gai au e hagaabo naa dogu lima e hai baasi ange ai gi denga ssiibi gauligi.

Zechariah 9:5

Ashkelon e madagu naa i dana gidee mee nei; Gaza e mmae naa hogi ma de duasala; gai e bei ai hogi Ekron, go hiidinga gu deai sana tali. Gaza e deai naa sono hodooligi; gai Ashkelon e deai naa dangada e nnoho ai.

Zechariah 9:6

De gau henua gee e loomai naa ga nnoho i Ashdod; gai au e oha naa de mee a de gau Philistia e tuhi laa.

1 Samuel 6:17

Gai aanei denga mee be ni hagahoa e hai laa i goolo, a de gau Philistia ne gaamai laa e hai ai ssigidaumaha o tagasala ange gi Tagi Maolunga: e dahi ange gi Ashdod, e dahi ange gi Gaza, e dahi ange gi Ashkelon, e dahi ange gi Gath, gai e dahi ange gi Ekron.