Amos 1:3 - De Beebaa Dabu

³ E hagadaba Tagi Maolunga: “Tolu hanonga o Damascus ne haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga gilaadeu ne duuduu Gilead i de mee duuduu grain e hai laa i iron.

Amos 1:3 Iomraidhean Croise

1 Kings 19:17

Jehu e daa naa ga maakau dangada e ola mai i de gadilaasa a Hazael, gai Elisha e daa naa ga maakau gilaadeu e ola mai i de gadilaasa a Jehu.

2 Kings 13:3

Gai Tagi Maolunga gu bole mmao i hiidinga o de gau Israel, gai ia ga dugu ange gi lalo ssauaa o Hazael, de hodooligi o Syria, ma Ben-Hadad dana dama.

2 Kings 13:7

Gai gu dinolima donu daane e kage i honga hoosa, ma e madaangahulu hada hebagi, aama e dahisemada daane e seesee e doe i de hagabuulinga hebagi o Jehoahaz, go hiidinga de hodooligi o Syria gu daa gilaadeu ma gu maakau; gilaadeu ne bei donu dagodo o de mama i de masavaa e duuduu ai denga grain.

2 Kings 16:9

Gai de hodooligi o Assyria ne hagallongo ange gi de ia, ga hano ga hagadee kii Damascus. Gai ia ga kave gee dangada e nnoho i Kir, gai ga daa Rezin gu magau.

2 Kings 8:12

Gai Hazael ga ssili ange, “Dogu dangada aamua, gu aha gu dangi ai naa goe?” “Go hiidinga au e iloo bolo koe e hai ange naa dahi hegau baubau gi de gau Israel. Koe e dudu naa olaadeu aduhale buibui, ma de daa gi maakau alaadeu dama daane i de gadilaasa, ma de maga alaadeu gauligi gi honga de gelegele, aama de hangahanga dinae o denga haahine hai tama.”

De Beebaa go Job 19:3

Gu madaangahulu odi huu hanonga oodou ne hagadogaa ai au, gai goodou tee dookaa donu i de vaivai hai au.

De Beebaa go Job 5:19

Ia e hagaola goe mai i de hai ngadaa i e ono hanonga, gai de hidu hai ngadaa e dee maua naa donu gi baa i de goe.

Proverbs 6:16

E ono mee o Tagi Maolunga e kino ai, gai e hidu mee hakino gee i ono daha:

Ecclesiastes 11:2

Duuhaa ange gai gi e dogohidu aabe e dogovalu dangada, go hiidinga koe e dee iloo be se hai ngadaa bee hee e humai gi honga de henua.

Isaiah 28:27

Denga dill e dee duuduu donu i de mee duuduu, denga cummin e dee hai dahi hada iai hagasii gi savini laa ono elunga, aagai denga dill e hagailiili i laa manu, gai denga cummin e hagailiili i dahi laagau.

Isaiah 41:15

Tilo, au e hai naa goe gi bei de baabaa duuduu grain, e hoou laa ma de kangi, gai e lagolago niho iai. Koe e duuduu naa denga mounga ga ulu iho, ma de hai denga duuduu gi bei denga gili grain.

Isaiah 7:16

Aagai i mua de iloo a tama daane gauligi de kino i de baubau gai ga hilihili de mee heohi, gai henua o luu hodooligi oou e madagu ai naa e oohaa naa ga ngadi daakodo.

Isaiah 7:8

go hiidinga de biho o Syria go Damascus, gai de biho o Damascus go Rezin. E madaono ma lima ange naa donu huu ngadau gai Ephraim gu oohaa, gilaadeu gu dee dau bolo se huaadangada.

Isaiah 8:4

go hiidinga i mua dana iloo de hagaagahi adu, ‘Dogu damana’ aabe go ‘Dogu dinana’, gai de lava o Damascus ma goloa o Samaria e gaavee gee naa e de hodooligi o Assyria.”

Amos 1:11

E hagadaba Tagi Maolunga: “Tolu hanonga o Edom ne haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga ia ne doolohi ono daina ga daa i de gadilaasa, ia tee lodo aaloha ange gi gilaadeu. Gai ia tee tuu donu de hebagi i hiidinga dono lili, ia ne golo age dono lili ga hano ai.

Amos 1:13

E hagadaba Tagi Maolunga: “Tolu hanonga o de gau Ammon e haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga gilaadeu ne hangahanga dinae o denga haahine hai tama i Gilead, gi kii ange de lahalaha delaadeu henua.

Amos 1:6

E hagadaba Tagi Maolunga: “Tolu hanonga o Gaza e haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga gilaadeu ne noonoa dahi huaadangada ga gaavange gi de gau Edom.

Amos 1:9

E hagadaba Tagi Maolunga: “Tolu hanonga o Tyre e haisala ai, ga dae ai loo gi de haa hanonga, gai au e dee tuu donu dono hagaduasala. Go hiidinga gilaadeu ne noonoa dahi huaadangada ga gaavange gi de gau Edom; gilaadeu tee manadua de hagatoo donu hagaheloongoi madali olaadeu daina.

Amos 2:1

E hagadaba Tagi Maolunga: “Tolu hanonga o Moab e haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga gilaadeu ne dudu ga ni lehu ivi o de hodooligi o Edom.

Amos 2:4

E hagadaba Tagi Maolunga: “Tolu hanonga o Judah e haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga gilaadeu gu tili hainga a Tagi Maolunga, ma tee daohi ana mee gu hagasauaa, aagai gilaadeu ne hagasengalia i denga diinonga hadu muna, go diinonga a olaadeu dubuna ne daumaha ange laa aagena.

Amos 2:6

E hagadaba Tagi Maolunga: “Tolu hanonga o Israel e haisala ai, ga dae ai loo gi de haa hanonga, gai au e dee tuu naa donu dono hagaduasala; go hiidinga gilaadeu ne hagahesuihagi gilaadeu e heohi i denga selevaa, ma de gaavange de gau hagaau aloha e hagao ai olaadeu mee vae.

Zechariah 9:1

Muna hagadaemaha a Tagi Maolunga i dagodo o de henua o Hadrak ma de aduhale go Damascus. Go hiidinga dangada ma aamuli o Israel alodahi e daumada Tagi Maolunga.

Zechariah 9:2

Gai niiona hogi Hamath, e baa ange laa gi Hadrak, ma Tyre aama Sidon, e dee galemu donu delaadeu heiangi.