Amos 1:13 - De Beebaa Dabu

¹³ E hagadaba Tagi Maolunga: “Tolu hanonga o de gau Ammon e haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga gilaadeu ne hangahanga dinae o denga haahine hai tama i Gilead, gi kii ange de lahalaha delaadeu henua.

Amos 1:13 Iomraidhean Croise

2 Samuel 12:31

Gai ia ne kave dangada i de aduhale laa, ga hagahai hegau gilaadeu i denga soaa, ma denga piigi iron, ma denga hagadaguu iron, ma de hai gilaadeu gi haia denga duudangaa hadu. Deenei dana hai ne hai ai dangada i aduhale alodahi o de gau Ammon. Gai David ma dono hagabuulinga hebagi alodahi ne aahe gi Jerusalem.

2 Kings 15:16

De masavaa laa gai Menahem ne humai i Tirzah ga hebagi ange gi Tiphsah, ma dangada alodahi i de aduhale ma ono mommee alodahi, go hiidinga gilaadeu tee llodo e hhuge ono haitoga. Ia ne oha Tiphsah ma de hangahanga dinae o denga haahine hai tama alodahi.

2 Kings 24:2

Gai Tagi Maolunga ga hai gi loomai denga hagabuulingaa daane o de gau Babylon, ma de gau Syria, ma de gau Moab, aama de gau Ammon gi hebagi ange ma de oha Judah, e hagassula ai muna a Tagi Maolunga gu tala laa i daho ono dangada hai hegau, go denga pelaabisi.

2 Kings 8:12

Gai Hazael ga ssili ange, “Dogu dangada aamua, gu aha gu dangi ai naa goe?” “Go hiidinga au e iloo bolo koe e hai ange naa dahi hegau baubau gi de gau Israel. Koe e dudu naa olaadeu aduhale buibui, ma de daa gi maakau alaadeu dama daane i de gadilaasa, ma de maga alaadeu gauligi gi honga de gelegele, aama de hangahanga dinae o denga haahine hai tama.”

2 Chronicles 20:1

Dua mee laa, gai de gau Moab, ma de gau Ammon aama hanu dangada Meun ne loomai e hebagi ange gi Jehoshaphat.

2 Chronicles 20:10

Aagai aanei denga daane mai Ammon ma Moab aama de mounga go Seir, go de mommee aau tee dugu ange de gau Israel gi hebagi ange aagena, i de masavaa olaadeu ne loomai ai i Egypt; gai gilaadeu ne hulo ga hagaui gee, tee daa gilaadeu gi maakau.

Nehemiah 2:19

Aagai ga langona huu e Sanballat, taane Horon, ma taane hai hegau go Tobiah, taane Ammon, aama Geshem, taane Arab, gai gilaadeu ga hakadanga ma de hagangadi mee gimaadeu ga hagataba, “Ni aha oodou ga hai naa? Goodou ga hai baasi ange naa gi de hodooligi?”

Psalm 83:7

ma de gau Gebal, ma de gau Ammon, ma de gau Amalek, ma de gau Philistia aama dangada o Tyre;

Isaiah 5:8

E vakaa naa gilaadeu e haia ga lagolago olaadeu hale, ma de hagallaha ange olaadeu alahenua, ga dae ai gi teai ange mommee e doe, gai go goodou donu huu e nnoho i honga de gelegele laa.

Jeremiah 25:21

ma Edom, ma Moab, ma de gau Ammon;

Ezekiel 21:28

Gai koe, tama a tangada, basa pelaabisi hai ange, ‘E hagadaba de Ia Aamua go Iahweh i de gau Ammon, ma alaadeu muna hagadookaa: Dahi gadilaasa, dahi gadilaasa gu dada mai e daa ai dangada, gai gu hai gi malamalama e daa ai ma de hai gi dabadaba bei de uila.

Ezekiel 25:1

Gai Tagi Maolunga ne hagaago mai ana muna gi de au, ga hai mai,

Ezekiel 35:10

Go hiidinga koe ne hagadaba, ‘Luu huaahenua ma luu henua nei niiogu, gimaadeu e kave naa ga henua ai,’ e dee galemu donu Tagi Maolunga i kilaa;

Hosea 13:16

Dangada o Samaria e hagaduasala donu i hiidinga olaadeu haisala, go hiidinga gilaadeu ne hai baasi ange gi delaadeu Maadua. Gilaadeu e daa naa ga maakau i de gadilaasa; alaadeu gauligi e dagadagahia naa gi lo te gelegele, alaadeu haahine hai tama e hangahanga ina naa olaadeu dinae.

Hosea 14:1

Israel, ahe mai gi Tagi Maolunga doo Maadua, oo baubau gu hagahaisala goe.

Amos 1:3

E hagadaba Tagi Maolunga: “Tolu hanonga o Damascus ne haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga gilaadeu ne duuduu Gilead i de mee duuduu grain e hai laa i iron.

Deuteronomy 2:19

Gai ga tae naa huu goodou gi de mommee o de gau Ammon, gai goodou e dee hakoso gilaadeu, gi hebagi adu ai gilaadeu gi goodou, i hiidinga au e dee gaavadu donu gi goodou dahi mommee i de henua o de gau Ammon, go hiidinga au gu gaavange de mommee laa gi de aamuli o Lot gi henua ai.”