Acts 9:6 - De Beebaa Dabu

⁶ Hidi age hannoo gi de aduhale, gai ga tala adu ai gi de goe au mee e hai.”

Acts 9:6 Iomraidhean Croise

Psalm 25:12

Goai naa huu tangada e madagu i Tagi Maolunga? Gai ia e agoago ange ia i de haiava oona e hano ai.

Psalm 94:12

Tagi Maolunga, e manuuia tangada aau e haele, ma tangada aau e agoago ange i au hainga;

Isaiah 57:18

Au gu gidee donu ana haingaa mee, aagai au e hagaieiangi naa donu ia, au e dagi naa ia ma de hagaaneane ia, aama ono dangada e hinangalosaa,

Isaiah 66:2

E aha, e dee go dogu lima ne haia mee nei alodahi, deenei ai, gu hanu mee nei alodahi? go Tagi Maolunga e hagadaba. Deenei tangada aagu e hagadubu: go tangada e lodo maolalo ma de dahuli abodonu ono lodo, ma de bolebole i dono madagu i agu muna.

Ezekiel 2:1

Ia ne hai mai gi de au, “Tama a tangada, hidi age duu gi lunga, gai au ga basa adu gi de goe.”

Ezekiel 3:22

Gai de lima sauaa o Tagi Maolunga ne hano iho gi ogu elunga i kilaa, gai ia ga hai mai, “Hidi age hannoo gi de geelonga, gai au ga basa adu ai gi de goe.”

Habakkuk 3:16

Au ne langona mee nei, gai dogu angaanga gu bolebole, luoogu malaungudu gu bolebole hogi i dagu longo mee nei; ogu ivi gu daamada de pobo, gai luoogu vae gu pole. Aagai au e noho naa ga tali de masavaa o de hai ngadaa e humai ai gi honga o dangada gu hebagi mai gi gimaadeu.

Matthew 19:30

Gai e soa naa dangada i mua e hai go gilaadeu e hagaodia, gai dangada e hagaodia e hai naa go gilaadeu i mua.”

Luke 3:10

Gai dangada soa ne ssili ange gi de ia, “Ni aha amaadeu e hai?”

Acts 10:22

Gai gilaadeu ga hai ange, “Cornelius, dahi dagi o de lau, se daane heohi ma de madagu i de Maadua, ma de tuhi i daho de huaahenua o de gau Ssuu, dahi dangada de langi dabu ne hai ange ia gi alumia mai goe gi hanadu gi dono hale, gai ia ga hagallongo ai au muna e tala ange.”

Acts 10:32

Deenei ai, haia gi hulo hanu dangada gi Joppa gi alumia Simon, e hagaingoo ange laa hogi go Peter. Ia e noho i de hale o Simon, taane hai gili manu, gai dono hale e duu i gaogao tai.’

Acts 10:6

Ia e noho i daho Simon taane hai gili manu, gai dono hale e duu i gaogao tai.”

Acts 2:37

De masavaa a dangada ne langona ai muna nei, gai gu velosia olaadeu lodo, gai gilaadeu ga hai ange gi Peter ma de gau tala ange laa, “Denga daina, ni aha ai amaadeu e hai?”

Acts 22:10

Aagai au ne ssili ange, ‘Tagi Maolunga, se aha aagu e hai?’ Gai Tagi Maolunga ne hai mai gi de au, ‘Hidi age hannoo gi Damascus. Gai go kilaa naa e tala adu ai gi de goe mee alodahi a de Maadua gu hagadabena adu koe gi haia.’

Acts 26:16

Aagai koe hidi duu gi lunga. Go hiidinga au ne hakide adu gi de goe e hili ai goe gi se dangada hai hegau gai gi se dangada e daalaa hagadonu mee aau gu gidee, aama mee aagu gu dai hagaago adu gi de goe.

Acts 9:5

Gai a Paul ne ssili ange, “Tagi Maolunga, go koe goai?” Iesu ne hai ange, “Go au donu go Iesu aau e vaivai hai naa.

Romans 10:20

Gai Isaiah ne lo taane donu i de hagadaba, “Gilaadeu e dee saalaa ngau gu gidee au; au gu hagaago ange au gi gilaadeu e dee siilia ogu dagodo.”

Romans 10:3

Go hiidinga gilaadeu tigi tonu ange gi de hai a de Maadua e hagaheohi ai dangada, gai e ssala donu huu delaadeu hai e hagaheohi ai, gilaadeu e dee llodo e dugu ange gilaadeu gi de hagaheohi a de Maadua.

Romans 5:20

De hainga ne gaamai gi kii ange ai de laumalie de haisala. Aagai ga hagadaga ange naa donu de laumalie de haisala, gai de abodonu o de Maadua e kii ange donu de laumalie.

Romans 7:9

I mua gai au tee mouli i de hainga, aagai de masavaa huu ne gaamai ai de hainga, gai de haisala gu mouli gai au gu magau.

Philippians 2:12

Deenei ai, ogu daina hagamogomogo, goodou e daudali i agu muna i masavaa alodahi, e dee go dogu masavaa donu huu e noho ai i oodou daha, gai e kii ange donu de heohi doodou hai de mee nei i dogu masavaa e dee maleva ai. Goodou duudagi ina de hagaago mai i oodou hegau bolo goodou gu hagamouli, i de maatagu ma de bolebole,

James 4:6

Aagai ia e abodonu mmao; deelaa ai, gu sisi e hai ange, “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”

1 Samuel 16:3

Gai koe ga ssala ange Jesse gi de hai ssigidaumaha, gai au ga hagaago adu au mee e hai. Gai koe ga hagasulu ai tangada aagu e tala adu gi de goe.”

1 Samuel 28:5

De masavaa huu a Saul ne gidee ai de hagabuulinga hebagi o de gau Philistia, gai ia gu madagu, ma tee baba mmao ono lodo.