Acts 9:40 - De Beebaa Dabu

⁴⁰ Aagai Peter ga hai gilaadeu alodahi gi ssao gi duaahaho, gai ia ga duuduli ga dalodalo, gai ia ga huli ange gi de angaanga, ga hai ange, “Tabitha, hidi age.” Aagai de hine laa gu aala luoono mada, gai de masavaa huu aana ne gidee ai Peter gai ia ga noho age gi lunga.

Acts 9:40 Iomraidhean Croise

2 Kings 20:11

Gai de pelaabisi go Isaiah ne dalodalo ange gi Tagi Maolunga, gai Tagi Maolunga ga hai de goohunga o de laa gi ahe dua i honga e madaangahulu vae gaagenga, i honga de gaagenga o Ahaz.

Matthew 6:6

Gai noo goodou gu dalodalo, aagai goodou ulu gi lodo oodou aabi, ga pono de haitoga, aagai goodou ga dalodalo ange gi doodou Damana e dee gidee laa. Gai doodou Damana e gidee laa mee e dee gidee ga hagao adu goodou.

Matthew 9:25

Gai ga lava huu i dana hai de gau soa laa gi hulo gi duaahaho, gai ia ga ulu gi lodo ga poo de lima o de gauligi hahine laa, gai ia gu mouli age.

Mark 9:25

Gai ga gidee huu e Iesu dangada soa gu saavini mai gi kilaa, aagai ia ga hagasee de hagasaalunga baubau laa, ga hai ange gi de ia, “De hagasaalunga e noodia laa dono alelo ma de pono luoono dalinga, au e hai adu gi de goe, sao mai i ono daha, gai koe aude ahe ange donu gi ulu gi ono lodo!”

Luke 22:41

Aagai Iesu ga hano gee mai i olaadeu daha, agu made dono mmao e bei de mmao o de hadu a dahi e maga laa, aagai ia ga duuduli ga dalodalo,

Luke 8:54

Gai Iesu ga poo de lima o tamaa hine laa ga hagahi ange ia, ga hai ange, “Tamaa hine, hidi age!”

Acts 20:36

Aagai ga lava huu i dana tala ange muna laa gi gilaadeu, gai ia ga duuduli ga dalodalo madali gilaadeu alodahi.

Acts 21:5

Gai ga odi huu laangi omaadeu ne nnoho ai i kilaa, gai gimaadeu ga hiihidi age e hulo, gai gilaadeu alodahi ma olaadeu bodu ma alaadeu dama ne daudali mai i gimaadeu ga hulo ai gi tua de aduhale. Gai gimaadeu ne duuduli i honga de gelegele ga dalodalo.

Acts 28:8

De masavaa laa gai tamana o Publius e vvela dono angaanga ma de hanohano. Gai a Paul ne hano gi ono daha, gai dua dono dalodalo, ga dugu luoono lima gi ono elunga, gai ia gu ieiangi.

Acts 7:60

Gai Stephen ga duuduli ga basa i de leo mmahi ga hagadaba, “Tagi Maolunga, koe gi dee dau ina ange sala nei gi gilaadeu.” Gai ga lava huu i dana tala muna nei, gai ia gu magau.