Acts 9:31 - De Beebaa Dabu

³¹ Aagai denga nohoanga dabu alodahi i Judea ma Galilee aama Samaria gu nnoho paba ma de hagadagadaga age. Gilaadeu gu hai hegau i de madagu i Tagi Maolunga ma de hagaaneane i daho de Hagasaalunga Dabu, gai gilaadeu gu hagadaga ange donu de soa.

Acts 9:31 Iomraidhean Croise

1 Chronicles 22:18

“E aha, Tagi Maolunga doodou Maadua e dee noho nei madali goodou? Ia tee hai laa gi nnoho paba goodou madali dangada i luu baasi de henua? Ia ne dugu mai au gi hagadee kii ina dangada nogo nnoho i de henua. Gai de henua gu hai hegau ange gi Tagi Maolunga ma ono dangada.

1 Chronicles 22:9

Tilo, koe e hagadili naa dahi dama daane; ia e haia gi nnoho paba dangada ma de duadonu. Gai au e hai naa gi mabu ia i de hebagi ange gi hagadaumee alodahi i luu baasi dono henua. Gai ia e hagaingoo ange naa go Solomon. Au e hai naa gi nnoho paba dangada ma de malino honga de henua go Israel i de masavaa oona e hodooligi ai.

Nehemiah 5:15

Denga goobenaa i ogu mua ne hai ga hai ngadaa dangada, i delaadeu kave gai ma uvaini mai i olaadeu daha, madali e madahaa shekel selevaa, gai olaadeu dangada hai hegau ne vaivai hai hogi dangada. Aagai au tee hai hegau bei gilaadeu, i hiidinga au e madagu i de Maadua.

Nehemiah 5:9

Gai au ne hai ange, “Oodou hegau gu hai naa e dee heohi donu! E aha, e dee danuaa ange laa doodou maatagu i taadeu Maadua, gi dee dookaa ai gidaadeu i denga huaahenua o odaadeu hagadaumee?

De Beebaa go Job 28:28

Gai ia ne hai ange gi tangada, ‘Tilo, de madagu i de Ia Aamua go de heiangi abodonu, gai de kino i de baubau go de donu ange abodonu.’ ”

Psalm 111:10

De madagu i Tagi Maolunga go taamada o de heiangi; dangada alodahi e seesee i ana hainga e tonu danuaa ange. Dono tuhi gi dee helui ga hano ai!

Psalm 86:11

Tagi Maolunga, agoagona mai au i oo lodo, gai au ga seesee ai i de muna abodonu; haia gi madagu au i de goe i ogu lodo alodahi.

Psalm 94:13

koe e hai ia gi noho baba i laangi hai ngadaa, ga dae ai gi de geli de haonga ange gi tangada baubau.

Proverbs 1:7

De madagu i Tagi Maolunga go taamada o de heiangi; aagai tangada lodo senga e kino i de heiangi ma agoago heohi.

Proverbs 23:17

Aude lodo gaiaa ange gi de gau haisala, aagai madagu mmao i Tagi Maolunga i taiao ga boo ai.

Proverbs 8:13

De madagu i Tagi Maolunga e kino i de baubau; au e kino i de hagamaolunga ma de lodo maolunga, ma dahulinga baubau aama de hadu muna.

Isaiah 11:10

De laangi laa gai de uli o Jesse e duu age naa e hai ai de hagailonga ange gi denga huaadangada; gai denga huaahenua e hagabuni mai naa gi kilaa, gai dono mommee hagammabu e hai naa ga mahamaha.

Isaiah 33:6

Gai ia e hai naa go doo dagelo makaga i de laangi laa, ma de hagaola laumalie, ma de heiangi, aama de iloo mee. De madagu i Tagi Maolunga se mee hagamogomogo mmao.

Zechariah 8:20

E hagadaba Tagi o denga hagabuulinga hebagi: “Denga huaahenua ma dangada e nnoho i aduhale lagolago e loomai naa;

Acts 12:24

Gai muna a de Maadua gu dele gi mommee lagolago aama de soa dangada e hagadonusia.

Acts 16:5

Gai denga nohoanga dabu gu lodo mmahi i de gai ma de hagadaga ange de soa dangada e dau ai i laangi alodahi.

Acts 2:47

ma de tuhi de Maadua, gai dangada alodahi gu hagadubu gilaadeu. Gai Tagi Maolunga ga hagapuni ange hogi gi gilaadeu dangada gu hagamouli i laangi alodahi.

Acts 20:32

Aagai iainei au e dugu ange goodou gi de Maadua gi diiloo ange, aama dono abodonu, go ia e maua i de hagatuu goodou gi makaga, ma de hai gi maua e goodou de manuuia madali dangada alodahi gu lava i de vvae gee.

Acts 5:11

Gai de nohoanga dabu ma dangada alodahi ne langona laa e gilaadeu hegau ne hai laa gu maatagu mmao.

Acts 6:7

Gai muna a de Maadua gu hagadagadaga age, gai gu kii ange de soa dangada gu hagadonusia i Jerusalem, gai gu soa hogi dangada haimeedabu gu gaavee de gai.

Acts 8:1

Gai a Saul ne buni ange donu gi de magau o Stephen. Gai go de laangi laa ne daamada ai de vaivai haia o de nohoanga dabu i Jerusalem. Gai dangada alodahi gu mavaevae saele gi denga mommee i Judea ma Samaria, go de gau tala donu huu e doe.

Romans 14:17

Go hiidinga de nohoanga hodooligi o de Maadua e dee go gai ma mee unu, aagai go de heohi ma de baba aama de malangilangi mai i daho de Hagasaalunga Dabu.

Romans 14:19

Deenei ai, gidaadeu ga hagaduu ngae e nnoho hagabuni i de baba ma de hagadau hagammahi odaadeu lodo.

Romans 15:13

Gai de Maadua o de tali hagalodolodo gi haia gi honu doodou malangilangi ma doodou nnoho paba i doodou hagadonusia, gai gi hagadagadaga age ai doodou tali hagalodolodo i ssauaa o de Hagasaalunga Dabu.

Romans 5:5

Gai de tali hagalodolodo nei e hai gi dee llodo baageaa gidaadeu, go hiidinga de Maadua gu gaamai dono aloha gi odaadeu lodo, i daho de Hagasaalunga Dabu aana ne gaamai laa gi noho i odaadeu lodo.

1 Corinthians 14:12

Gai e bei ai hogi oodou dagodo; go hiidinga goodou e llodo mmao i duuhanga mai i daho de Hagasaalunga, deenei ai, goodou hagammahi gi kii ange doodou maua i de hai gi hagadagadaga age de nohoanga dabu.

1 Corinthians 14:26

Denga daina, dee hee ai tagodo o mee i doodou masavaa e hagabuni ai? Dahi dangada e hai dahi daahili, e dahi se agoago, e dahi dangada e dahi ana mee e hagaago adu, dahi e basa i denga hagadaagangaa muna, aabe e hagadonu muna laa. Gai haia mee alodahi gi hagadagadaga age ai alodahi.

2 Corinthians 10:8

Gai gu kii ange donu dagu tala tuhi mmahi a Tagi Maolunga gu gaamai e hai ai gi hagadagadaga age goodou, e dee se mee e oha ai goodou, gai au e dee dogaa donu.

2 Corinthians 12:19

Goodou e maanadu naa bolo gimaadeu e hagaheohi adu gimaadeu? Gimaadeu e pasa adu nei i mada luu mada o de Maadua bei dagodo o dangada e seesee i lodo o Klisdo, denga daina hagamogomogo, mee nei alodahi ne hai e hagammahi ai oodou kai.

2 Corinthians 13:10

Au e sisi adu de leda nei i de masavaa oogu e dee maleva ai i oodou daha, gi dee kona ai dagu hagaduasala goodou i ssauaa gu gaamai gi de au i daho Tagi Maolunga, i de masavaa oogu e dae adu ai gi oodou daha, gai au ga hai ai gi tuu goodou gi makaga i de gai, e dee se hai e hagabaageaa ai goodou.

2 Corinthians 7:1

Denga daina hagamogomogo, go hiidinga denga hagatoo donu nei ni mee mai gi gidaadeu, deenei ai, gidaadeu ga hagagilimalali gidaadeu mai i denga mee alodahi e haia gi dee gilimalali de angaanga ma de hagasaalunga. Gai gidaadeu ga hai gi honu taadeu hai gi dabu gidaadeu i de madagu i de Maadua.

Ephesians 4:12

e hagadabena ange ai ono dangada gi denga duuhanga hegau, e hagaduu age ai de angaanga o Klisdo,

Ephesians 4:16

Go ia e haia gi duu age de angaanga alodahi, i denga sugusuguinga alodahi iai. Gai ga hai hegau naa huu denga diba alodahi, gai de angaanga gu somo danuaa ma de hagadagadaga age i de aloha.

Ephesians 4:29

Goodou aude daalaa hanu muna baubau i oodou ngudu, aagai goodou daalaa donu huu muna danuaa e hagammahi ina lodo o dangada, ma de heohi ange gi de masavaa, ma de bale ange ai gilaadeu e langona.

Ephesians 5:21

Goodou hagadau hagadubu i oodou magavaa i doodou maatagu i Klisdo.

Deuteronomy 12:10

Gai de masavaa naa huu oodou e hulo ai ga tae gi baasi dai o Jordan, ga nnoho i de henua a Tagi Maolunga doodou Maadua e gaavadu gi goodou gi henua ai, gai ia e hai naa hogi gi nnoho paba goodou, gai goodou gu dee maatagu i oodou hagadaumee e paa adu gi goodou.

Philippians 2:1

Deenei ai, noo e dahi oodou llodo mmahi i daho Klisdo, be se hagaaneane i de aloha, be go de buni i lodo o de Hagasaalunga ⌊Dabu⌋, aabe go de lodo aloha ma de abodonu ange gi dangada,

Colossians 1:10

Gai gi maua ai e goodou i de mouli bei dagodo lodo o Tagi Maolunga, ma de hagamalangilangi ia i mee alodahi, ma de hagadili hua danuaa i denga hegau danuaa alodahi, aama de hagadaga ange doodou iloo de Maadua.

1 Thessalonians 5:11

Deenei ai, goodou hagadau hagaaneane ina oodou lodo aama de hagadau bale i de tuu gi makaga, bei oodou dagodo iainei.

1 Timothy 1:4

gilaadeu gi dee anga ange gi denga daalanga hhadu ma hagatau o denga atangada. Mee nei e hai gi dee buni dangada, e dee bale ange hegau a de Maadua e daamada mai laa i de gai.

Hebrews 4:9

Deelaa ai, goi dahi huu Sabbath e hagammabu ai dangada o de Maadua;

Joshua 21:44

Gai Tagi Maolunga ne hai gilaadeu gi nnoho paba ma dangada e paa ange gi luu baasi delaadeu henua, bei dana hai gu hagatoo donu ange ai laa gi olaadeu dubuna madagidagi. Teai olaadeu hagadaumee ne maua i de hai baasi ange gi gilaadeu, go hiidinga Tagi Maolunga ne dugu ange gilaadeu gi hagadee kii ina olaadeu hagadaumee alodahi.

Jude 1:20

Aagai goodou, ogu daina hagamogomogo, goodou hagadau hagammahi ina goodou i de gai e dabu mmao laa, ma de dalodalo i ssauaa o de Hagasaalunga Dabu.

Judges 3:30

Gai de gau Moab gu nnoho i lalo o de gau Israel, gai de henua ne nnoho paba i e madavalu ngadau.