Acts 9:27 - De Beebaa Dabu

²⁷ Aagai Barnabas ga kave ia gi daho de gau tala, ga tala ange gi gilaadeu dagodo de hakide ange o Tagi Maolunga gi a Saul, i honga de haiava ga basa ange gi de ia, aama dagodo de lo taane o Saul i de agoago i de ingoo o Iesu i Damascus.

Acts 9:27 Iomraidhean Croise

Acts 11:22

Gai longo o mee laa gu tae hogi gi de nohoanga dabu i Jerusalem, aagai gilaadeu ga hai gi hano Barnabas gi Antioch.

Acts 11:25

Gai Barnabas ne hano gi Tarsus ga ssala ai a Saul,

Acts 12:25

Gai Barnabas ma Saul ga aahe mai i Jerusalem i de masavaa ne lava ai delaau hegau, ga gaamai a John, e hagaingoo ange laa hogi go Mark madali gilaau.

Acts 13:2

Gai de masavaa olaadeu ne daumaha ange ai gi Tagi Maolunga, ma de hagahiikai, aagai de Hagasaalunga Dabu ga hai ange, “Goodou vaaea gee Barnabas ma Saul, ange gi de hegau aagu gu dai hagahi ange gilaau aagena.”

Acts 15:2

Gai gu kona de hagadaumee ange o Paul ma Barnabas gi denga daane laa. Deelaa ai, gilaadeu ne hili a Paul ma Barnabas aama hanu dangada i kilaa gi hulo gi Jerusalem, i daho de gau tala ma denga dagi gi siilia ai dagodo o de mee laa.

Acts 4:13

Gai ga gidee huu e gilaadeu de lo taane o Peter ma John, gai gilaadeu gu llele mouli i delaadeu iloo bolo gilaau ni dangada tee skuulu, gai e bei donu huu dagodo o dangada ange laa. Gai gilaadeu ne manadua hogi bolo gilaau ni daane nogo daudali ange i Iesu.

Acts 4:29

Tagi Maolunga, koe gi hagalaangona alaadeu muna hagamaatagu, gai hai gi lodo mmahi luoo dangada hai hegau i de tala au muna.

Acts 4:36

Gai Joseph, taane e hagaingoo ange laa go Barnabas (e bei go “taane e hagammahi ina ange lodo o dangada”) gai se dangada de aamuli o Levi mai i Cyprus,

Acts 9:17

Aagai Ananias ne hano ga ulu i de hale laa ga dugu ange luoono lima gi honga o Saul, ga hai ange, “Dogu daina go Saul, Tagi Maolunga, go Iesu ne hakide adu laa gi de goe i honga de haiava, ia ne hai au gi humai gi gide ai goe ma de hhao gi honu i de Hagasaalunga Dabu.”

Acts 9:29

Ia ne agoago ma de hagadaumee ange gi de gau Ssuu e pasa Greek laa; deelaa ai, gilaadeu gu nnoho e daa ia gi magau.

1 Corinthians 15:8

Gai ia ne hakide mai hogi gi de au i de hanonga hagaodi. Au e bei dagodo o tama ne haanau i mua de odi ange ono malama.

1 Corinthians 9:6

Aabe go gimaau donu huu ma Barnabas e hai gi hegau e hagadanuaa ai gimaau?

Galatians 2:13

Gai ia ne kave lodo o denga daane Ssuu ange laa gi hai hegau i de mee dee heohi, gai gilaadeu ne kave ai hogi lodo o Barnabas, gai ia ga daudali ange i alaadeu hegau dee heohi.

Galatians 2:9

Gai ga gidee huu e James, ma Cephas, aama John, go gilaadeu e hagabinga laa bolo ni dagi, de abodonu o de Maadua gu gaamai laa gi de au, gai gilaadeu ga luuluu omaau lima ma Barnabas, ga hai gimaau gi hulo gi denga Gentile, gai gilaadeu ne hulo gi de gau Ssuu.