Acts 8:6 - De Beebaa Dabu

⁶ Gai dangada soa ne kana ange ga hagallongo mee a Philip ne agoago ange ai gilaadeu, i de masavaa alaadeu ne langona ai ma de gidee sauaa aana e hai.

Acts 8:6 Iomraidhean Croise

2 Chronicles 30:12

Gai de Maadua ne bale ange hogi dangada e nnoho i Judah, ga hai gilaadeu gi buni i de hai mee alodahi a Tagi Maolunga gu tala i daho de hodooligi ma denga dagi o de henua.

Acts 13:44

Gai de laangi huu o Sabbath i ono dua, gai gu dai odi mai donu dangada i de aduhale laa e hagallongo muna a de Maadua.

Acts 8:13

Taane go Simon gu hagadonusia hogi; gai ia gu babudaisi, muli mai gai ia gu hano saele madali a Philip. Gai ia ne lele hogi ono mouli i dana gide denga sauaa ma mee hagalele mouli gu hai laa.

Acts 8:5

A Philip ne hano gi de aduhale go Samaria ga agoago ange ai dangada i dagodo o Klisdo.

Acts 8:7

Gai denga hagasaalunga baubau ne oo ma de ssao ga hulo gee mai i daho dangada soa; ne soa hogi de gau balagelage ma de gau baagia ne ieiangi.