Acts 8:5 - De Beebaa Dabu

⁵ A Philip ne hano gi de aduhale go Samaria ga agoago ange ai dangada i dagodo o Klisdo.

Acts 8:5 Iomraidhean Croise

Acts 1:8

Aagai goodou e kave naa ssauaa i dua de hano iho o de Hagasaalunga Dabu gi oodou elunga; gai goodou e hai naa ga ni dangada e daalaa hagadonu ogu dagodo i Jerusalem, ma Judea alodahi, aama Samaria, ga dae ai loo gi de bido laa o henua i lalo.”

Acts 21:8

Aagai de laangi i ono dua, gai gimaadeu ne malanga ga hulo gi Caesarea; gai gimaadeu ne loage gi de hale o Philip ga nnoho ai i ono daha, ia se taane e hagadele ina de longo danuaa, gai go dahi i magavaa o denga daane dogohidu.

Acts 5:42

Gai gilaadeu tee helui donu delaadeu agoago ma de tala i de temple aama hale o dangada bolo Iesu go de Klisdo donu.

Acts 6:5

Aagai dangada alodahi gu malangilangi i muna nei. Gai gilaadeu ga hili Stephen, ia se daane e honu i de gai ma de Hagasaalunga Dabu, madali a Philip, ma Procorus, ma Nicanor, ma Timon, ma Parmenas, ma Nicolaus taane Antioch gu daumaha laa bei de gau Ssuu.

Acts 8:1

Gai a Saul ne buni ange donu gi de magau o Stephen. Gai go de laangi laa ne daamada ai de vaivai haia o de nohoanga dabu i Jerusalem. Gai dangada alodahi gu mavaevae saele gi denga mommee i Judea ma Samaria, go de gau tala donu huu e doe.

Acts 8:26

Gai tangada de langi o Tagi Maolunga ne basa ange hogi gi a Philip, ga hai ange, “Hidi age hannoo gi de baasi i ngaage, gi de haiava i lodo henua e humai laa i Jerusalem ma e hano gi Gaza.”

Acts 8:30

Gai a Philip ga savini ga hano gi baa ange ia gi de hada laa, gai ia gu langona taane laa e dau de beebaa a de pelaabisi go Isaiah. Gai a Philip ga ssili ange gi de ia, “Koe e donu ange naa gi au mee e dau naa?”

Acts 8:40

Aagai a Philip gu dae gi Azotus, gai ia ga hagadaga i denga aduhale alodahi ga agoago ai de longo danuaa, ga dae ai loo gi Caesarea.

Acts 8:6

Gai dangada soa ne kana ange ga hagallongo mee a Philip ne agoago ange ai gilaadeu, i de masavaa alaadeu ne langona ai ma de gidee sauaa aana e hai.

Acts 9:20

Gai ia ne moolau donu de daamada de agoago i dagodo o Iesu i denga synagogue ga tala bolo Iesu go Tama Daane donu a de Maadua.

1 Corinthians 1:23

aagai gimaadeu e agoago dagodo de daudau o Klisdo i de laagau lui, go mee e hagahaisala ina de gau Ssuu, gai ni ngadi muna i daho denga Gentile.

1 Corinthians 2:2

Go hiidinga au ne hagababa i ogu lodo bolo au e dee iloo ange dahi mee i dogu masavaa e noho ai i oodou daha, gai go de agoago donu huu i dagodo o Iesu Klisdo ma dono daudau i de laagau lui.

1 Corinthians 3:11

Gai e deai ange donu se dangada e maua i de hagadagodo dahi dagelo gee ma tagelo gu lava laa i de hagadagodo, go Iesu Klisdo.