Acts 8:33 - De Beebaa Dabu

³³ Ia ne hagangadi mee ina, gai tee hagamodu ono muna i de heohi. Gai goai e maua i de tala dagodo o dono aamuli? Go hiidinga dono mouli gu kave gee mai i henua i lalo.”

Acts 8:33 Iomraidhean Croise

De Beebaa go Job 27:2

“Au e hagatoo donu i de mouli o de Maadua, go de ia hagamodu ina ogu muna i de heohi, go de Ia Mmahi Mmao laa, go de ia ne haia gi daemaha ogu lodo:

De Beebaa go Job 34:5

Gai a Job ne hai ange, ‘Au e heohi donu huu, gai de Maadua gu kave gee dogu heohi.

Psalm 22:15

Ogu mahi gu masa bei de gumedi hadu, gai dogu ua gu buni; koe gu danu au i lo te gelegele o de magau.

Psalm 22:30

Denga hagadiilinga i muli mai e daumaha ange naa gi de ia; dagodo o de Ia Aamua laa e tala ange naa gi denga atangada e loomai.

Isaiah 10:2

ma de kave gee de heohi o de gau hagaau aloha, ma tee hagamodu muna o ogu dangada gu duasala laa i de heohi, ma de vaivai hai denga haahine gu maakau olaadeu bodu ma de gaiaa mee o denga gauligi gu deai olaadeu damana.

Isaiah 5:23

go gilaadeu e degi ange gi tangada gu haisala i hiidinga o de ngadi gaavange hagasenga, aagai e dee hagamodu muna o tangada tigi haisala i de mee heohi.

Isaiah 53:10

Aagai se hagatau nii Tagi Maolunga, de hagammae ia ma de hagaduasala ia, gai dono mouli ne hai ai ssigidaumaha o tagasala. Deelaa ai, ia e gidee naa ono hagadiilinga soa, ma de lagolago ono laangi e mouli ai; gai de hagatau a Tagi Maolunga e hagasula naa i ono daha.

Isaiah 53:12

Deenei ai, au e vvae ange naa gi de ia dahi duuhanga madali de gau maolunga, gai ia e vaevae naa denga goloa o de hebagi madali denga daane mmahi; go hiidinga ia ne dugu ange dono mouli gi de magau; ia gu dau madali de gau haisala. Ia ne hagauda haisala o dangada soa, aama de dalodalo i hiidinga o de gau haisala.

Isaiah 53:7

Ia ne vaivai haia ma de hagaduasala, aagai ia tee hhanga donu dono ngudu; ia ne dagina bei dahi ssiibi gauligi e kave laa gi de mommee e daa ai denga manu, ia e bei ssiibi e dee muu laa i mada i mua, o dangada e duuduudia ono huluhulu, gai ia tee hhanga donu dono ngudu.

Isaiah 53:8

Ia ne gaavee ga vaivai haia ma de hagaduasala, gai goai e maua i de hagasaelea dagodo o dono atangada? Ia ne daa ga magau ga kave gee mai i daho dangada; ia ne hagailiilia i hiidinga haisala o ogu dangada.

Daniel 9:26

Gai dua naa huu de madaono ma lua uvigi laa, gai de ia gu hagadabu laa e daa naa ga magau, gai ia e deai naa donu ana mee. Gai dangada o tagi gu dai tae mai laa, e loomai naa ga oha de aduhale ma de mommee dabu laa. Gai de hagaodi e dae mai naa bei de humai o tolona. Gai de hebagi e duudagi naa donu huu ga dae ai gi de hagaodi, gai de oha o de aduhale gu lava donu i de hagamodu.

Habakkuk 1:4

Deenei ai, de hainga gu dee hai hegau, gai de hagamodu heohi gu dee sula age. De gau baubau gu soa ange i gilaadeu e heohi, de hagamodu heohi gu dee hai hegau.

Zechariah 13:7

“De gadilaasa, alahage, hai baasi ange gi dogu dangada hagaloosi, gai hai baasi ange gi tangada e baa mai gi de au! go Tagi o denga hagabuulinga hebagi e hagadaba. Daia gi magau tangada hagaloosi, gi mavaevae saele ai denga ssiibi, gai au e hagaabo naa dogu lima e hai baasi ange ai gi denga ssiibi gauligi.

Acts 8:34

Gai de eunuch laa ne ssili ange gi a Philip, “Daalaa mai be goai o de pelaabisi e basa ai nei. Ia e basa nei donu huu i de ia, aabe go dahi dangada gee?”