Acts 8:20 - De Beebaa Dabu

²⁰ Aagai Peter ga hai ange gi de ia, “Koe gi magau madali au sseene naa, go hiidinga koe e maanadu bolo koe e maua i de hagao de mee ngadi gaavange a de Maadua i sseene!

Acts 8:20 Iomraidhean Croise

Proverbs 15:26

Tagi Maolunga e kino i maanadu a tangada baubau, aagai ia e malangilangi i muna alaadeu e gilimalali.

Isaiah 55:1

Loomai, goodou alodahi e hieunu, loomai gi de vai; gai goodou e deai oodou sseene, loomai, hagao ina ma gi gaina! Loomai hagao ina uvaini ma vai uu e dee hagao i sseene, gai e deai sono hagaoanga.

Daniel 5:17

Gai Daniel ne basa ange gi de hodooligi, ga hai ange, “Dugua donu huu au mee ngadi gaavange naa, aabe e gaavange gi dahi dangada gee. Gai au e dau adu naa muna gu sisi naa gi de goe, de hodooligi, ma de tala adu dono hagadoonunga.

Zechariah 5:4

Tagi o denga hagabuulinga hebagi e hagadaba: Au e hai naa gi humai de hagamalaia gi ulu i de hale o tangada gaiaa, ma de hale o tangada e basa hagatoo donu i de hadu muna i dogu ingoo; gai e dagodo naa i dono hale ga dae ai gi dana oha ga odi denga laagau ma hadu iai.”

Matthew 10:8

Gai goodou ga hagaieiangi magi, ga hagamouli age gilaadeu gu maakau, ma de hagaieiangi denga lebelaa, ma de hai gi hulo denga hagasaalunga baubau. Goodou tee hagao mee gu gaavadu naa gi goodou, deenei ai, goodou ngadi gaavange hogi gi dangada.

Matthew 15:19

Gai aanei mee e loomai i lodo o tangada: go maanadu baubau, ma de daa tangada gi magau, ma de gaiaa de bodu o dahi, ma de hai be se manu, ma de gaiaa, ma de hadu muna i de tala hagadonu, aama de tala hagabaubau dahi.

Acts 1:18

(Gai taane nei ne hagao dahi alahenua i de hagaoanga o ana hegau baubau; ia ne doo iho hogi ga mahanga lua dono dinae ga too mai ono dae alodahi.

Acts 10:45

Aagai de gau Ssuu ne loomai laa madali Peter gu llele mouli i de hano iho hogi o de ngadi gaavange go de Hagasaalunga Dabu gi honga o denga Gentile.

Acts 11:17

Noo de Maadua gu gaavange hogi gi gilaadeu de mee ngadi gaavange gu gaamai laa gi gidaadeu, i de masavaa adaadeu ne hagadonu ai Tagi Maolunga go Iesu Klisdo, gai go au goai, gai au ga hai baasi ange ai gi de Maadua?”

Acts 2:38

Peter ne hai ange gi gilaadeu, “Goodou alodahi daahuli gee i oodou haisala, ga babudaisi i de ingoo o Iesu Klisdo, gi maatala ai oodou haisala. Gai goodou ga kave ai de mee ngadi gaamai go de Hagasaalunga Dabu.

Acts 8:19

ga hai ange, “Gaamai hogi ssauaa naa gi de au, gai be goai naa huu aagu e dugu ange dogu lima gi ono elunga, gai ia e kave hogi de Hagasaalunga Dabu.”

Acts 8:22

Deenei ai, koe gi dahuli oo lodo ma gi hano gee mai i oo baubau, ga dalodalo ange gi Tagi Maolunga, kana adu ia e degi adu gi maanadu dee heohi i oo lodo naa.

Deuteronomy 15:9

Gai koe aude maanadu baubau, ma gi hagadaba, “De hidu ngadau e degi ange ai gi muli a dangada gu baa mai donu,” gai koe ga dee gaavange ai dahi mee gi doo daina gu hagaaloha abodonu laa; gai noo ia e dangi ange ai gi Tagi Maolunga, gai koe e haisala ai donu.

Deuteronomy 7:26

Gai koe aude gaavee dahi diinonga hakino gee gi lo too hale, gi dee oohaa ai goe bei ono dagodo. Gai koe gi kino i de mee hakino gee nei, go hiidinga gu vvae gee e hagadabena ange e oha.

1 Timothy 6:9

Aagai dangada e llodo gi lava gilaadeu e too ange donu gi denga hagatale, gai e noodia i denga maanadu o de lodo senga aama lodo baubau alodahi e dagina ange laa gilaadeu gi de hagaduasala aama de magau.

James 5:3

Oodou goolo ma selevaa gu hongagelegele baalanga, gai de hongagelegele baalanga ina o mee nei e hagabaubau donu goodou, ma de oha oodou angaanga bei de ahi. Goodou gu hagabudu donu oodou goloa e hagadabena ange gi denga laangi hagaodi.

Revelation 18:15

Gai de gau hagao goloa alodahi ma de maua olaadeu lava mai i ono daha, e hulo naa ga tuu i de mommee mmao, i hiidinga delaadeu maatagu i de hagaduasala o de aduhale laa. Gilaadeu e tangi naa ma de tangi see,