Acts 7:44 - De Beebaa Dabu

⁴⁴ Odaadeu dubuna madagidagi ne kave de hale malo o de hagatoo donu hagaheloongoi i de vao. Gai ne hai bei de hai a de Maadua ne tala ange ai laa gi Moses, gai ia ne hai gi bei de ada aana ne gidee laa.

Acts 7:44 Iomraidhean Croise

1 Chronicles 28:11

Gai David ne gaavange gi dana dama go Solomon de hagatau o de velanda o de temple, ma denga hale iai, ma ono mommee doange, ma denga aabi i teege i lunga, ma denga aabi e mua gi lodo, aama de aabi o de pono o de tala haisala.

1 Chronicles 28:19

⌊Gai David ne hagadaba,⌋ “Mee nei alodahi gu lava i de sisi bei dagodo de hagatau a Tagi Maolunga gu gaamai gi de au.”

2 Chronicles 24:6

Gai de hodooligi ne hagahi tangada haimeedabu maolunga go Jehoiada ga ssili ange gi de ia, “Gu aha goe tigi hai ai naa daane de aamuli o Levi gi hulo gi hagabudulia mai i Judah ma Jerusalem taagisese gu hagamodu i daho Moses, tangada hai hegau o Tagi Maolunga, ma de gau Israel e hai ai de hale malo o de tala hagadonu?”

Exodus 25:40

Gai koe diiloo haia gi bei de hagatau aagu ne hagaago adu gi de goe i honga de mounga.

Exodus 26:30

Gai koe ga hagaduu age de tabernacle bei de hagatau gu hagaago adu gi de goe i honga de mounga.

Exodus 27:8

Gai koe ga hagaduu de mommee o ssigidaumaha i hanu baabaa ga hai gi avaava ono lodo; hagaduulia gi bei de hai gu hagaago adu ai gi de goe i honga de mounga.

Exodus 38:21

Deenei de hagaoanga o mee ne hagaduu ai de tabernacle, go de tabernacle o de Tala Hagadonu, go mee a Moses ne tala ange gi denga daane o Levi gi siia gi daohia, i lalo o delaadeu dagi go Ithamar, tama daane a Aaron, tangada haimeedabu.

Numbers 10:11

Gai de lua ngadau huu, i de madalua laangi o de lua malama, gai de hagausinga gu ngalue gee mai i honga de tabernacle o de tala hagadonu,

Numbers 18:2

Gai koe gaamai oo daina i de aamuli o Levi, mai i de huaabodu o doo damana, gilaadeu gi balea adu goodou ma au dama, i de masavaa oodou e hegau ai i mada i mua o de hale malo o de tala hagadonu.

Numbers 9:15

Gai de laangi huu ne duu age ai de tabernacle, gai de hagausinga ne haoli de tabernacle, go de hale malo o de tala hagadonu; gai de ahiahi huu gai gu bei dagodo o de ahi ula i honga de tabernacle ga dae ai gi taiao age.

Hebrews 8:2

gai go ia e haia hegau i lo te hale dabu, go de hale malo abodonu a Tagi Maolunga ne hagaduu laa, gai tee hagaduu i lima o dangada.

Hebrews 8:5

Gilaadeu ne hai hegau i de mommee dabu e hagadulagi ange laa gi de mee i de langi. Go hiidinga de masavaa a Moses ne baba ange ai e hagaduu de hale malo, gai de Maadua ne tala ange, ga hai ange, “Diiloo hagatuulia mee alodahi gi bei dagodo o de hagadulagi gu hagaago adu gi de goe i honga de mounga.”

Joshua 18:1

Gai dangada o Israel ne hagabuni i Shiloh, ga hagaduu de hale malo hagabuni i kilaa. De masavaa laa gai gilaadeu e huahua i de henua,

Joshua 3:14

Gai de masavaa huu o dangada ne hagangaalue ai olaadeu hale malo e hulo gi de baasi laa o Jordan, gai de gau haimeedabu e sabaia de ngavesi o de hagatoo donu hagaheloongoi, ne hulo i olaadeu mada i mua.