Acts 6:9 - De Beebaa Dabu

⁹ Gai hanu dangada o synagogue e hagaingoo ange laa go synagogue o de gau ilaage, ma de gau Cyrene, ma de gau Alexandria, ma dangada mai i Cilicia aama Asia, ne hagadaumee ange gi Stephen.

Acts 6:9 Iomraidhean Croise

Matthew 10:17

Goodou dagidiiloo iho goodou, go hiidinga dangada e gaavange naa goodou gi de hagabuulinga hagasaele, ma de hagailiili goodou i lodo olaadeu synagogue.

Matthew 23:34

Deenei ai, au e hai naa gi loomai denga pelaabisi ma de gau heiangi aama de gau sisi gi oodou daha. Gai goodou e daa naa hanu ga daudau i de laagau lui; aagai hanu e hagailiili i lodo oodou synagogue aama de vaivai hai gilaadeu i denga aduhale.

Matthew 27:32

Gai de masavaa huu olaadeu e ssao ai e hulo gi tua de aduhale, gai gilaadeu gu hedae ange gi dahi daane Cyrene, dono ingoo go Simon. Gai gilaadeu ga hai ia gi sabaia de laagau lui o Iesu.

Mark 13:9

Aagai goodou kana ange dagidiiloo iho goodou. Dangada e gaavange naa goodou gi de hagabuulinga hagasaele, gai goodou e gaavee naa ga hagailiilia i lodo synagogue. Goodou e hai naa gi tuu i mada i mua o denga goobenaa aama denga hodooligi i ogu hiidinga, gai goodou ga tala hagadonu ange ai au gi gilaadeu.

Luke 21:12

Aagai i mua de tae mai o mee nei alodahi, gai dangada e booboo naa goodou ga vaivai hai. Gilaadeu e kave naa goodou ga hagamodu oodou muna i denga synagogue, ma de hhao gi lodo hale pono, ma de kave goodou gi mada i mua o denga hodooligi ma denga goobenaa i hiidinga o dogu ingoo.

Acts 11:20

Gai hanu gilaadeu mai i Cyprus ma Cyrene, ne hulo hogi gi Antioch ga agoago ange ai de gau Greek de longo danuaa o Tagi Maolunga go Iesu.

Acts 13:1

De masavaa laa gai e hanu pelaabisi ma dangada agoago i de nohoanga dabu o Antioch: go Barnabas, ma Simeon e hagaingoo ange laa hogi go Niger, ma Lucius taane Cyrene, ma Manaen (se dangada ne madua age madali Herod, de tetrarch), aama Saul.

Acts 13:45

Gai de masavaa huu a de gau Ssuu ne gidee ai dangada soa laa, gai gilaadeu gu llodo gaiaa, gai gilaadeu ne hagadaumee ange gi muna a Paul e tala laa ma de hagahadu muna ana muna.

Acts 15:23

ma de sisi dahi leda ga hai ange: “Gimaadeu de gau tala ma denga dagi aama denga daina i kinei e gaavadu demaadeu hagaboo gi goodou denga daina i kinaa, go denga Gentile e nnoho laa i Antioch ma Syria aama Cilicia.

Acts 15:41

Gai a Paul ne hagadaga i Syria ma Cilicia ga hagammahi ange ai denga nohoanga dabu i kilaa.

Acts 16:6

Gai gilaadeu ne hagadaga hogi i mommee i Phrygia ma Galatia, go hiidinga de Hagasaalunga Dabu tee dugu ange gilaadeu gi agoago ina de longo danuaa i Asia.

Acts 18:24

Gai e dahi daane Ssuu dono ingoo go Apollos, ia se daane mai i Alexandria, gai gu humai gi Ephesus. Ia se daane heiangi i de basa i honga o dangada gai ia e iloo de Beebaa Dabu.

Acts 19:10

Gai Paul ne agoago i kilaa i e lua ngadau. Gai de gau Ssuu ma de gau Greek alodahi e nnoho i de ungaamee o Asia gu langona muna a Tagi Maolunga.

Acts 19:26

Gai goodou gu gidee ma de iloo bolo taane go Paul gu hagabasa dangada soa i Ephesus, ma mommee alodahi o Asia, gilaadeu gi dee hagadonusia mee nei, ma de hagadaba bolo denga diinonga a dangada e hai e dee ni maadua abodonu.

Acts 21:27

Aagai ga odi ange ai huu denga laangi e hidu laa, gai hanu Ssuu ne loomai laa i Asia ne gidee e gilaadeu a Paul i de temple, gai gilaadeu ga hai gi hellumi dangada soa i kilaa, gai gilaadeu ga poo a Paul,

Acts 21:39

Paul ne hai ange, “Au se dangada Ssuu mai i Tarsus i Cilicia, gai se dangada niio dahi aduhale dau. Au e dangidangi adu, dugua mai e basa ange au gi dangada.”

Acts 22:19

Gai au ne hai ange, ‘Tagi Maolunga, de gau nei e iloo bolo au ne hhao gi lo te hale pono ma de daa gilaadeu gu hagadonusia au muna mai i denga synagogue.

Acts 22:3

“Au se dangada Ssuu ne haanau i Tarsus o Cilicia. Au ne agoago i daho Gamaliel i de aduhale nei, gai ne agoagona danuaa i dahulinga hai ngadaa o hainga a odaadeu dubuna madagidagi. Au ne lodo mmahi i de hai hegau a de Maadua, bei oodou dagodo anailaa nei.

Acts 23:34

Gai ga lava huu i de dau a de goobenaa de leda laa, gai ia ga ssili ange gi a Paul bee hee donu ungaamee ne humai ai. Gai ga iloo huu e ia bolo a Paul se dangada mai i Cilicia,

Acts 24:18

Gai de masavaa aagu e hai ai mee nei, aagai ogu hagadaumee ne gidee au i dua de lava dogu hagagilimalali i de temple, gai e deai hogi dangada soa i ogu daha aabe se hellumi e hai. Aagai e hanu hogi dangada Ssuu mai i Asia i kilaa,

Acts 26:11

Au ne hagadaga hogi i denga synagogue alodahi ga hagaduasala gilaadeu, ma de hai gilaadeu gi hagangadi mee ina Iesu. Au ne vaivai hai gilaadeu i aduhale o denga henua gee, i hiidinga dogu kino i gilaadeu.

Acts 6:10

Aagai gilaadeu tee maua i de hai baasi ange gi de heiangi aama de Hagasaalunga oona e basa ai laa.

1 Corinthians 1:20

Gai go hee ai naa iai tangada heiangi? Gai go hee ai naa iai tangada sisi? Gai go hee naa iai tangada e hagadau gaavange i muna iainei? Gai de Maadua tee hai laa de heiangi o henua i lalo gi se lodo senga?

Galatians 1:21

Dua mee laa gai au ne hano gi Syria ma Cilicia.