Acts 6:8 - De Beebaa Dabu

⁸ Gai Stephen gu honu i de abodonu ma ssauaa o de Maadua, gai ia ga hai denga mee hagalele mouli ma hagailonga i magavaa o dangada.

Acts 6:8 Iomraidhean Croise

John 4:48

Iesu ne hai ange gi de ia, “Goodou e dee hagadonusia donu, noo goodou e dee gidee denga hagailonga ma mee hagalele mouli.”

Acts 6:10

Aagai gilaadeu tee maua i de hai baasi ange gi de heiangi aama de Hagasaalunga oona e basa ai laa.

Acts 6:15

Gai de masavaa huu a dangada alodahi i de hagabuulinga hagasaele laa ne haaina ai ia, aagai gilaadeu gu gidee bolo luoono mada gu bei luu mada o tangada de langi.

Acts 6:3

Deenei ai, denga daina, goodou hilihilia e dogohidu daane i oodou magavaa e hai hegau i de muna abodonu, gai e hoohonu i de Hagasaalunga ⌊Dabu⌋ ma de heiangi, gai gidaadeu ga dugu ange gilaadeu gi haia de hegau nei.

Acts 6:5

Aagai dangada alodahi gu malangilangi i muna nei. Gai gilaadeu ga hili Stephen, ia se daane e honu i de gai ma de Hagasaalunga Dabu, madali a Philip, ma Procorus, ma Nicanor, ma Timon, ma Parmenas, ma Nicolaus taane Antioch gu daumaha laa bei de gau Ssuu.

Acts 7:55

Aagai Stephen gu honu i de Hagasaalunga Dabu, ga galo age gi de langi gu gidee e ia de mahamaha o de Maadua, gai Iesu e duu i de baasi madau o de Maadua;

Acts 8:6

Gai dangada soa ne kana ange ga hagallongo mee a Philip ne agoago ange ai gilaadeu, i de masavaa alaadeu ne langona ai ma de gidee sauaa aana e hai.

Ephesians 4:11

Gai ia ne hai hanu gi ni dangada tala, hanu ni pelaabisi, hanu ni dangada e hagadele ina de longo danuaa, hanu ni dangada agoago taumaha, gai hanu ni dangada agoago,

1 Timothy 3:13

Gai denga deacon e hai hegau danuaa laa e hagadubu i daho dangada, gilaadeu e lo taane i de tala dagodo o olaadeu kai i lodo o Klisdo Iesu.