Acts 5:33 - De Beebaa Dabu

³³ De masavaa a de hagabuulinga hagasaele ne langona ai muna laa, gai gilaadeu gu llili donu ma de llodo e daa gilaadeu gi maakau.

Acts 5:33 Iomraidhean Croise

Matthew 1:19

Gai dono bodu go Joseph se daane e hai hegau i de mee abodonu. Ia tee lodo e hagadogaa Mary, gai ia ne lodo e hagammuni dono maavae ange gi Mary.

Matthew 10:21

Dahi dangada e gaavange naa dono daina daane e daa gi magau, gai tamana e gaavange naa dana dama. Denga dama e hai baasi ange naa gi olaadeu maadua ga daa gilaadeu gu maakau.

Matthew 10:25

Gai tangada e agoago i daho dahi gi malangilangi noo ia gu bei dagodo o dono dangada agoago, gai tangada hai hegau gi malangilangi noo ia gu bei dagodo o dono dangada aamua. Noo dangada e hagahi ange Beelzebul gi tangada aamua o de hale, gai e kii ange naa donu de baubau mee alaadeu e hagahi ange gi dangada i dono hale.

Matthew 24:9

Dangada e gaavange naa goodou e hagaduasala ma de daa goodou ga maakau, gai dangada alodahi e kino naa i goodou i hiidinga o dogu ingoo.

Luke 20:19

De gau sisi ma de gau haimeedabu maolunga ne ssala de hai e poo ai Iesu i de masavaa laa, go hiidinga gilaadeu e iloo bolo ia ne tala de mee hagasengasenga laa e hagaago ange ai olaadeu dagodo; aagai gilaadeu e maatagu i dangada.

Luke 6:11

Aagai de gau sisi ma denga Pharisee gu llili mmao, gai gilaadeu ga daamada de hagasaele delaadeu hai e hai ai Iesu.

John 15:20

Goodou manadua agu muna gu tala adu gi goodou, ‘Tangada hai hegau e dee maolunga ange i dono dangada aamua.’ Noo gilaadeu ne vaivai hai au, gai gilaadeu e vaivai hai naa hogi goodou. Noo gilaadeu ne daohi agu muna, gai gilaadeu e daohi naa hogi oodou muna.

John 16:2

Dangada e hai naa goodou gi dee ulu i olaadeu synagogue, gai e dae mai naa donu de masavaa a tangada e daia goodou ga maakau, e maanadu ai bolo ia e hai lodo o de Maadua.

Acts 2:37

De masavaa a dangada ne langona ai muna nei, gai gu velosia olaadeu lodo, gai gilaadeu ga hai ange gi Peter ma de gau tala ange laa, “Denga daina, ni aha ai amaadeu e hai?”

Acts 22:22

Gai dangada ne hagallongo ana muna ga dae ai gi dana tala de mee nei. Aagai gilaadeu ga hevaalogi ga hagataba, “Daia gi magau taane naa! E dee danuaa donu dono mouli!”

Acts 7:54

De masavaa huu alaadeu ne langona ai muna nei, gai gilaadeu gu kona donu de llili, ga kadi ange olaadeu gauvae gi de ia.

Acts 9:23

Aagai dua hanu huu laangi lagolago, gai de gau Ssuu gu nnoho e daa ia gi magau.