Acts 5:24 - De Beebaa Dabu

²⁴ Gai ga langona huu e tagi o de gau hagaloosi o de temple ma de gau haimeedabu maolunga alaadeu muna, gai gilaadeu gu dee tonu ange gi tagodo laa, gai gilaadeu ne hagasaele be dee hee tagodo laa.

Acts 5:24 Iomraidhean Croise

Isaiah 9:7

Gai dono nohoanga hodooligi ma de nnoho paba e hagadagadaga, e deai naa donu se odi. Gai ia e dagi naa i de nohoanga o David, ma dono nohoanga hodooligi, gai ia e hai naa gi duu gi makaga ma tee ngalungalue i de hagamodu e soe ma de heohi, mai i de masavaa laa ga hano ai. Go de lodo mmahi o Tagi o denga hagabuulinga hebagi e hagassula ina de mee nei.

Luke 22:4

Gai ia ne hano ga hagaheloongoi ange gi de gau haimeedabu maolunga ma de gau hagaloosi o de hale daumaha, i dana hai e gaavange ai Iesu gi gilaadeu.

Luke 22:52

Iesu ne hai ange hogi gi de gau haimeedabu maolunga, ma de gau hagaloosi o de temple, aama denga dagi ne loomai laa e boogia ia, “Goodou e loomai naa ma denga gadilaasa ma laagau hebagi e hebagi ange gi dahi bei dagodo o tangada gaiaa ma de daa dangada.

John 12:19

Gai denga Pharisee ne hagataba i olaadeu magavaa, “Kalo ange diiloo, gu deai donu adaadeu mee e mau i de hai. Tilo, henua i lalo alodahi gu daudali ange i de ia.”

Acts 2:12

Gai gilaadeu alodahi gu llele mouli ma de ssenga ange, ga hagadau ssili ga hagataba, “Dee hee de hagadoonunga o mee nei?”

Acts 4:1

De masavaa o Peter ma John e pasa ange ai gi dangada, gai gu tae mai hanu dangada haimeedabu madali tagi o de gau hagaloosi o de temple aama hanu Sadducee gi olaau daha,

Acts 4:21

Aagai dua huu delaadeu hagamaatagu gilaau gai gilaadeu ga dugu gilaau gi hulo, gilaadeu tee maua i de hagaduasala gilaau i hiidinga gilaadeu ne maatagu i dangada; go hiidinga dangada alodahi gu tuhi de Maadua i hiidinga de hegau gu hai laa.

Acts 5:23

ga hai ange, “Gimaadeu ne hulo ga gidee bolo de hale pono e pono ma e makaga, gai de gau hagaloosi e tuu i gaogao denga haitoga. Aagai de masavaa amaadeu ne hhuge ai de haitoga, gai gu deai donu dangada i lodo!”

Acts 5:25

Aagai dahi dangada gu humai ga tala ange gi gilaadeu, ga hai ange, “Denga daane oodou ne hhao laa gi lo te hale pono e tuu i lo te buibui o de temple ma e agoago ange ai dangada.”

Acts 5:26

Gai tagi laa ma hanu ono daane ne hulo ga gaamai de gau laa. Gai gilaadeu tee hai gi de mahi gilaadeu, go hiidinga gilaadeu e maatagu dangada kana maga gilaadeu i hadu.