Acts 5:21 - De Beebaa Dabu

²¹ Gai ga langona huu e gilaadeu muna laa, gai gilaadeu ga hulo ga ulu gi lo te buibui o de temple i de ao de mee ga agoago ai. Aagai ga dae mai huu tangada haimeedabu maolunga ma gilaadeu alodahi madali ia, gai gilaadeu ga hagahi de hagabuulinga hagasaele, go de hagabuulinga o dagi o de gau Israel, ga hai hanu gi hulo gi gaamai de gau tala i de hale pono.

Acts 5:21 Iomraidhean Croise

Psalm 105:22

gai ia ga agoago ange ai de gau aamua alodahi bei dono hai e lodo ai, ma de agoago ange ai denga dagi i de iloo mee.

Matthew 5:22

Aagai au e tala adu gi goodou, be goai e lili i dono daina, gai e hagamodu donu ono muna; gai e bei ai hogi, be goai e hai ange gi dono daina, ‘Raca’, gai e hagamodu ono muna i mada i mua o de hagabuulinga hagasaele. Gai be goai e hai ange gi dono daina, ‘Koe se boi donu’, gai e hagaduasala donu i de ahi.

Luke 22:66

Taiao age gai gu hagabuni denga dagi, madali de gau haimeedabu maolunga ma de gau sisi. Gai gilaadeu ne dagi ia ga kave gi mada i mua o de hagabuulinga hagasaele.

John 18:35

Pilate ne hai ange, “Au e dee se dangada Ssuu! Go doo huaahenua ma de gau haimeedabu maolunga ne gaamai nei goe gi de au. Gai ni aha donu aau gu hai?”

John 8:2

Gai boo taiao donu huu gai ia ne ahe gi de temple. Gai dangada alodahi gu loomai gi ono daha, gai ia ga noho i kilaa ga agoago ange ai gilaadeu.

Acts 22:15

Gai koe e hai naa ga se dangada tala hagadonu niiona, gai koe ga tala ange ai gi dangada alodahi mee aau gu gide ma de langona.

Acts 22:5

Gai tangada haimeedabu maolunga ma de hagabuulinga hagasaele e maua donu i de hagadonu agu muna, go hiidinga gilaadeu ne gaamai hanu leda au gi gaavee gi olaadeu soa i Damascus. Aagai au ne hano gi kilaa e noonooa ai dangada e nnoho i kilaa e gaamai gi Jerusalem e hagaduasala ai gilaadeu.

Acts 5:17

Gai tangada haimeedabu maolunga ne hidi age aama gilaadeu alodahi madali ia (go de hagabuulinga o denga Sadducee), gilaadeu gu kona mmao de llodo gaiaa,

Acts 5:27

Gai ga tae mai huu de gau tala, ga tuu i mada i mua o de hagabuulinga hagasaele, gai tangada haimeedabu maolunga ga ssili ange gi gilaadeu, ga hai ange,

Acts 5:34

Aagai e dahi Pharisee i magavaa o de hagabuulinga hagasaele laa, dono ingoo go Gamaliel, ia se dangada e agoagona de hainga ma de hagadubu i daho dangada alodahi, ia ne duu age ga hai gi hulo de gau tala gi duaahaho i dahi damaa masavaa,

Acts 5:41

Gai de gau tala ga hulo gee mai i daho de hagabuulinga hagasaele, gu malangilangi i delaadeu hagaduasala ina i hiidinga o de ingoo o Iesu.