Acts 4:29 - De Beebaa Dabu

²⁹ Tagi Maolunga, koe gi hagalaangona alaadeu muna hagamaatagu, gai hai gi lodo mmahi luoo dangada hai hegau i de tala au muna.

Acts 4:29 Iomraidhean Croise

Isaiah 58:1

“Oo daalaa, aude haganoho ina. Hagaleo laumalie bei de leo o de hanga manu. Daalaa ange gi ogu dangada olaadeu baubau, gai daalaa ange gi dangada o Jacob olaadeu haisala.

Isaiah 63:15

Koe gi galo iho i de langi ma gi diiloo, ma mai i doo nohoanga maolunga, i de dabu ma de mahamaha. I hee iai doo lodo mmahi ma doo sauaa? Koe gu daohi doo abodonu ma doo lodo aloha i gimaadeu.

Lamentations 3:50

ga dae ai gi de galo iho o Tagi Maolunga i de langi ga gidee.

Lamentations 5:1

Tagi Maolunga, aude ngalo mee gu hai mai gi gimaadeu; galo mai ma gi diiloo, gimaadeu gu hagangadi mee ina!

Ezekiel 2:6

Gai koe, tama a tangada, aude madagu i gilaadeu ma alaadeu muna, e dee galemu donu de duuli a denga manu duiduia ma manu daladala goe, ma doo noho i magavaa o denga manu manga lua. Gai koe aude madagu donu i alaadeu muna e tala adu gi de goe, aabe gi madagu i olaadeu mada, e dee galemu donu gilaadeu ni dangada hagamaanege.

Daniel 9:18

Dogu Maadua, hagahuuhulia mai luoo dalinga hagalaangona; gai huli mai luoo mada diiloo de ngadi dagodo o de aduhale e hagaingoo laa i doo ingoo. Gai e deai donu omaadeu heohi e maua ai i de dangidangi adu gi de goe i dahi mee, aagai go hiidinga donu huu o doo degi laumalie.

Micah 3:8

Aagai ogu dagodo, au gu hhao ma gu honu i de mmahi ma de Hagasaalunga o Tagi Maolunga, ma de hagamodu heohi, aama de mmahi, e tala ange ai gi Jacob ono haisala, ma de tala ange gi Israel ono baubau.

Acts 13:46

Gai Paul ma Barnabas ne pasa ange gi gilaadeu i de lo taane, ga hai ange, “Ne heohi donu de tala adu gi goodou muna a de Maadua i mua, gai go hiidinga goodou ne kino ai, ma de maanadu bolo goodou e dee heohi ange gi de mouli e dee ngado mai, deenei ai, iainei gimaau ga hulo gi denga Gentile.

Acts 14:3

Gai Paul ma Barnabas ne daulooloa delaau nnoho i kilaa, ma de lo taane i de agoago muna a Tagi Maolunga, gai ia ne hagadonu agoago o dono abodonu, i dana hai gi maua e gilaau i de hai denga hagailonga ma mee hagalele mouli.

Acts 19:8

Paul ne hano hogi gi de synagogue i e dolu malama, ga agoago ai i de lo taane ma de usuusu ange dangada i dagodo de nohoanga hodooligi o de Maadua.

Acts 26:26

Gai de hodooligi e iloo donu dagodo o mee nei, gai au e malangilangi donu i de tala agu muna, go hiidinga au e donu ange bolo mee nei alodahi e odi i dau iloo, go hiidinga mee nei tee hai hagammuni.

Acts 28:31

Gai ia ne lodo mmahi i de agoago i dagodo o de nohoanga hodooligi o de Maadua aama dagodo o Tagi Maolunga go Iesu Klisdo — gai teai donu mee ne buibui ina ia.

Acts 4:13

Gai ga gidee huu e gilaadeu de lo taane o Peter ma John, gai gilaadeu gu llele mouli i delaadeu iloo bolo gilaau ni dangada tee skuulu, gai e bei donu huu dagodo o dangada ange laa. Gai gilaadeu ne manadua hogi bolo gilaau ni daane nogo daudali ange i Iesu.

Acts 4:21

Aagai dua huu delaadeu hagamaatagu gilaau gai gilaadeu ga dugu gilaau gi hulo, gilaadeu tee maua i de hagaduasala gilaau i hiidinga gilaadeu ne maatagu i dangada; go hiidinga dangada alodahi gu tuhi de Maadua i hiidinga de hegau gu hai laa.

Acts 4:31

Gai ga lava huu delaadeu dalodalo, gai gu ngalungalue de mommee olaadeu e hagabuni ai laa. Gai gilaadeu gu odi i de hoohonu i de Hagasaalunga Dabu, gai gilaadeu ga tala muna a de Maadua i de lo taane.

Acts 9:27

Aagai Barnabas ga kave ia gi daho de gau tala, ga tala ange gi gilaadeu dagodo de hakide ange o Tagi Maolunga gi a Saul, i honga de haiava ga basa ange gi de ia, aama dagodo de lo taane o Saul i de agoago i de ingoo o Iesu i Damascus.

Acts 9:28

Gai a Saul ga noho i olaadeu daha ma de hano saele madali gilaadeu i Jerusalem, gai ia ne lo taane i de agoago i de ingoo o Tagi Maolunga.

1 Corinthians 14:13

Deenei ai, tangada e basa i denga hagadaagangaa muna, gi dalodalo gi maua e ia i de hagadonu ana muna.

2 Corinthians 3:12

Go hiidinga e dahi amaadeu tali hagalodolodo, gimaadeu e lo taane mmao,

Philippians 1:14

Gai de baasi soa o denga daina gu lo taane ai hogi i lodo o Tagi Maolunga, i hiidinga dogu hhao gi lo te hale pono, ma de kii ange tee maatagu i de tala de longo danuaa.

1 Thessalonians 2:2

Gai goodou ne iloo hogi dagodo o demaadeu vaivai haia aama de hagadookaa ina i Philippi i mua demaadeu loadu gi oodou daha. Gai de Maadua ne gaamai gi gimaadeu de lo taane i de tala adu de longo danuaa gi goodou, e dee galemu de soa dangada e buibuia amaadeu hegau.

2 Timothy 4:17

Aagai Tagi Maolunga ne noho madali au ma de hagammahi mai ogu lodo, gai au ga tala ai gi langona e denga Gentile de longo danuaa alodahi. Deelaa ai, au ne ola mai i de ngudu o de laiono.