Acts 4:26 - De Beebaa Dabu

²⁶ Denga hodooligi o henua i lalo gu hagadabena, gai denga dagi gu hagabuni i dahi mommee e hai baasi ange gi Tagi Maolunga ma dana Klisdo.’

Acts 4:26 Iomraidhean Croise

Psalm 2:1

Gu aha gu hagabuni ai denga huaahenua e hai hanu ngadi hagatau, gai dangada gu hagasaele de hai dahi hegau dee haigamaiana?

Psalm 2:2

Denga hodooligi o henua i lalo gu hagadabena, gai denga dagi gu hagabuni e hai baasi ange ai gi Tagi Maolunga ma de Ia aana gu hagadabu i de lolo, ⌊ma de hagataba,⌋

Isaiah 7:7

Aagai de Ia Aamua go Iahweh e hagadaba, De hegau nei e dee hai naa donu, gai e dee maua naa donu gi sula,

Daniel 9:24

E madahidu uvigi gu hagamodu ange gi oo dangada ma doo aduhale dabu, e hagaodi ange ai de masavaa o olaadeu haisala, ma de hai gi deai haisala, aama de degi ange gi baubau, gai ga hai gi sula de heohi ga hano ai, ma de hai gi bei de midi hagaago ange ma muna pelaabisi, aama de hagadabu i de lolo de mommee dabu mmao.

Luke 4:18

“De Hagasaalunga o Tagi Maolunga e noho i ogu daha, go hiidinga ia gu hagadabu au gi agoagona ange de longo danuaa gi de gau hagaau aloha. Ia ne hai au gi humai gi hagassao ina mai gilaadeu i lo te hale pono, ma de hai gi kide gilaadeu e dee kide, ma de hagailaage gilaadeu e vaivai haia,

Acts 10:38

e bei dagodo de hagadabu a de Maadua Iesu taane Nazareth i de Hagasaalunga Dabu ma ssauaa, aama dagodo o dono hagadaga ga hai denga hegau danuaa, ma de hagaieiangi dangada alodahi gu hagaduasala laa i lalo ssauaa o de ia hagabaubau laa, go hiidinga de Maadua e noho i ono daha.

Hebrews 1:9

Koe e lodo i de heohi gai e kino i de baubau. Deenei ai, de Maadua, doo Maadua gu hai goe gi maolunga ange i oo soa ange laa, i dana hagasulu goe i de lolo o de malangilangi.”

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”

Revelation 12:10

Gai au ne langona dahi leo mmahi i de langi e hagadaba, “Gu baa mai de hagaola, ma ssauaa, ma de nohoanga hodooligi o taadeu Maadua, ma ssauaa o dana Klisdo e dagi ai. Go hiidinga de ia e hagabaubau ina odaadeu daina, ma de hagabaubau ina gilaadeu i mada luu mada o de Maadua, i de laangi ma de boo gu tili iho gi lalo.

Revelation 17:17

Go hiidinga de Maadua gu hai gi gilaadeu gi llodo e hagasula dana hagatau, i delaadeu buni ga gaavange ssauaa o olaadeu nohoanga hodooligi gi de manu alasala laa, ga dae ai gi de hagassula muna a de Maadua.