Acts 4:13 - De Beebaa Dabu

¹³ Gai ga gidee huu e gilaadeu de lo taane o Peter ma John, gai gilaadeu gu llele mouli i delaadeu iloo bolo gilaau ni dangada tee skuulu, gai e bei donu huu dagodo o dangada ange laa. Gai gilaadeu ne manadua hogi bolo gilaau ni daane nogo daudali ange i Iesu.

Acts 4:13 Iomraidhean Croise

Matthew 11:25

Gai Iesu ne hagadaba i de masavaa laa, “Au e tuhi goe, Tamana, Tagi Maolunga o de langi ma henua i lalo, go hiidinga koe gu hagammuni mee nei i gilaadeu e heiangi ma de iloo mee, gai gu hagaago ange gi denga gauligi vaaligiligi.

Matthew 26:71

Gai de masavaa oona ne sao ai ga hano gi honga de velanda, gai dahi damaa hine hai hegau ange laa ne gidee ia, gai ia ga hai ange gi dangada e tuu i kilaa, “Taane nei se daane donu madali Iesu taane Nazareth.”

Matthew 26:73

Muli mai gai hanu dangada e tuu laa i kilaa, ne loomai ga hai ange gi de ia, “Ni muna abodonu, koe se daane donu madali gilaadeu, go hiidinga doo hai e basa ai e hagaago mai doo mommee ne humai ai!”

Luke 22:8

Aagai Iesu ga hai gi hulo Peter ma John, ga hai ange, “Gooluu hulo hagadabena ina Taonga Hagasili e gaimee ai gidaadeu.”

John 19:26

Gai ga gidee huu e Iesu dono dinana, ma tangada agoago oona e aloha ai laa e tuu i ono gaogao, gai ia ga hai ange gi dono dinana, “De hine, deenei dau dama daane!”

John 7:15

Gai de gau Ssuu gu llele mouli ga hagataba, “Go hee a taane nei ne ago ai nei mee nei, gai ia tee hano i dahi sukulu?”

John 7:49

Aagai de gau soa e dee iloo donu e gilaadeu de hainga, gilaadeu gu hagamalaia.”

Acts 4:14

Aagai ga gidee huu e gilaadeu taane ne ieiangi laa gu duu madali gilaau, gai gu deai alaadeu muna e maua i de hai baasi ange ai.

Acts 4:19

Aagai Peter ma John ga hai ange gi gilaadeu, “Dee hee de mee e heohi i mada luu mada o de Maadua, go demaau hagallongo adu gi goodou, aabe go demaau hagallongo ange gi de Maadua?

Acts 4:29

Tagi Maolunga, koe gi hagalaangona alaadeu muna hagamaatagu, gai hai gi lodo mmahi luoo dangada hai hegau i de tala au muna.

Acts 4:31

Gai ga lava huu delaadeu dalodalo, gai gu ngalungalue de mommee olaadeu e hagabuni ai laa. Gai gilaadeu gu odi i de hoohonu i de Hagasaalunga Dabu, gai gilaadeu ga tala muna a de Maadua i de lo taane.

Acts 9:27

Aagai Barnabas ga kave ia gi daho de gau tala, ga tala ange gi gilaadeu dagodo de hakide ange o Tagi Maolunga gi a Saul, i honga de haiava ga basa ange gi de ia, aama dagodo de lo taane o Saul i de agoago i de ingoo o Iesu i Damascus.

Acts 9:28

Gai a Saul ga noho i olaadeu daha ma de hano saele madali gilaadeu i Jerusalem, gai ia ne lo taane i de agoago i de ingoo o Tagi Maolunga.

1 Corinthians 1:27

Aagai de Maadua ne hili gilaadeu e llodo ssenga i henua i lalo e hagadookaa ai gilaadeu e heiangi, gai de Maadua ne hili gilaadeu e baageaa i henua i lalo e hagadookaa ai gilaadeu e mmahi.

1 Corinthians 14:25

gai mee i ono lodo e dee iloo gu hagaago ange gi de ia. Gai ia e ino naa gi lalo ga daumaha ange gi de Maadua ga hagadaba, “De Maadua e noho donu i oodou daha!”

2 Corinthians 3:12

Go hiidinga e dahi amaadeu tali hagalodolodo, gimaadeu e lo taane mmao,