Acts 3:6 - De Beebaa Dabu

⁶ Aagai Peter ga hai ange gi de ia, “Au e deai donu agu selevaa be ni goolo, gai au e gaavadu gi de goe de mee e dahi i ogu daha: i de ingoo o Iesu Klisdo o Nazareth, hidi age seesee!”

Acts 3:6 Iomraidhean Croise

Matthew 10:9

Goodou aude gaavee hanu goolo be ni selevaa, aabe go hanu copper i lodo oodou beele.

Matthew 7:22

De laangi laa gai e soa naa dangada e hai mai gi de au, ‘Tagi Maolunga, Tagi Maolunga, gimaadeu ne pasa pelaabisi i doo ingoo, ma de hai gi hulo denga hagasaalunga baubau, aama de hai denga mee hagalele mouli lagolago i doo ingoo!’

Mark 14:8

De hine nei gu hai dana mee e mau i de hai; ia gu hagamanongi dogu angaanga i mua dogu magau ga danu.

Mark 16:17

Gai denga hagailonga nei e hai i daho olaadeu e hagadonusia: gilaadeu e hai naa ga hulo denga hagasaalunga baubau i dogu ingoo; gilaadeu e pasa naa i muna henua gee;

John 19:19

Gai Pilate ne sisi dahi mee ga hagapigi age gi ulu de laagau lui, e hai ange, “Iesu taane Nazareth, de Hodooligi o de gau Ssuu.”

Acts 10:38

e bei dagodo de hagadabu a de Maadua Iesu taane Nazareth i de Hagasaalunga Dabu ma ssauaa, aama dagodo o dono hagadaga ga hai denga hegau danuaa, ma de hagaieiangi dangada alodahi gu hagaduasala laa i lalo ssauaa o de ia hagabaubau laa, go hiidinga de Maadua e noho i ono daha.

Acts 16:18

Gai ne lagolago laangi aana ne hai ai de hegau nei. Aagai a Paul gu daemaha, gai ia ga huli dua ga hai ange gi de hagasaalunga baubau, “Au e hai adu gi de goe i de ingoo o Iesu Klisdo, sao mai i ono daha.” Gai de hagasaalunga baubau gu sao mai i de masavaa laa donu huu.

Acts 2:22

De gau Israel, nnoho mai hagalaangona muna nei: Iesu taane Nazareth gu lava i de hagaago danuaa adu a de Maadua gi goodou i denga hegau sauaa ma mee hagalele mouli, aama hagailonga, i mee a de Maadua ne hagahai hegau i ono daha i oodou magavaa, bei doodou hai gu iloo ai naa.

Acts 2:36

Deenei ai, de gau Israel alodahi gi tonu ange gi de mee nei: de Maadua gu hai Iesu go Tagi Maolunga ma de Klisdo, deenei donu Iesu oodou ne daudau laa i de laagau lui.”

Acts 3:16

Gai go de gai ange gi de ingoo o Iesu, o taane oodou e gidee nei ma de iloo ne ieiangi ai. Gai go de ingoo o Iesu ma de gai ange gi de ia ne haia ga ieiangi taane nei, bei doodou hai ne gidee ai nei.

Acts 3:5

Gai taane laa ga galo ange ga haaina gilaau, ia ne maanadu i ono lodo bolo ia e kave naa hanu mee mai i olaau daha.

Acts 3:7

Gai Peter ga poo dono lima madau ga hagaduu age ia gi lunga, gai de masavaa laa donu huu gai gu hanu mahi i lodo luoono alohi vae ma lodo luoono gubu vae.

Acts 4:10

gai goodou alodahi i kinei aama dangada o Israel alodahi gi iloo bolo taane nei ne hagaieiangi i de ingoo o Iesu Klisdo taane Nazareth. Deenei taane oodou ne daudau laa i de laagau lui, gai de Maadua ne hagamouli age ia mai i de magau.

Acts 4:7

Gai gilaadeu ga gaamai gilaau gi olaadeu mada i mua ga ssili ange, “Niioai ssauaa be go de ingoo ooluu e hai ai naa hegau naa?”

Acts 9:34

Gai Peter ga hai ange gi de ia, “Aeneas, Iesu Klisdo e hagaieiangi goe, hidi age heedua doo moenga.” Gai taane laa gu hidi age i de masavaa laa donu huu.

1 Corinthians 4:11

Iainei donu gai gimaadeu e hiikai ma de hieunu, gimaadeu e deai omaadeu malo, gai e hagailiilia ma teai semaadeu mommee e nnoho ai.

2 Corinthians 6:10

ni dangada e hagadaemaha ina, aagai e malangilangi i masavaa alodahi; ni dangada hagaau aloha, aagai e hai lava dangada soa; ni dangada e deai omaadeu mee, aagai gu bolo ange aagena mee alodahi.

2 Corinthians 8:12

Go hiidinga noo tangada gu baba ange, gai ia gi gaavange gi bei mee e hanu i ono daha, e dee go mee e deai i ono daha.

2 Corinthians 8:9

Gai goodou gu iloo dagodo de abodonu o Iesu Klisdo taadeu Dagi Maolunga, ia e lava mmao, gai ia ne hai gi se dangada hagaau aloha i oodou hiidinga, gi maua ai e goodou i de hai gi ni dangada e lava i dono hagaau aloha.

James 2:5

Denga daina hagamogomogo, goodou nnoho hagasaelea age! E dee go gilaadeu e hagaau aloha i henua i lalo a de Maadua ne hai laa gi lava i de gai, aama de henua i de nohoanga hodooligi, gu lava laa i dana hagatoo donu ange gi gilaadeu e aaloha i de ia?

1 Peter 4:10

Dahi ma dahi gi hagahai hegau ina tuuhanga gu gaavange gi de ia, e bale ange ai de gau ange laa, bei dagodo o tangada e hagahai hegau ina denga hagadaagangaa duuhanga mai i de abodonu o de Maadua.