Acts 3:19 - De Beebaa Dabu

¹⁹ Deenei ai, goodou daahuli oodou lodo gi sooloa ai oodou haisala, gai gi humai ai de masavaa o de ilaage i daho Tagi Maolunga,

Acts 3:19 Iomraidhean Croise

Psalm 103:12

Gai ia gu hagammao odaadeu haisala mai i gidaadeu bei de mmao o dua mai i dai.

Psalm 51:13

Gai au ga agoago ange ai de gau haisala oo haiava, gai gilaadeu e aahe mai naa gi de goe.

Psalm 51:9

Hagamuunia luoo mada i ogu haisala, gai sooloa ogu baubau alodahi.

Isaiah 43:25

Go au, go au donu e sooloa gi deai oo haisala i hiidinga o dogu ingoo; au e dee ahe ange naa donu e maanadu oo haisala.

Isaiah 44:22

Au gu ili gi hulo oo haisala bei dahi giliiga, ma de hai oo haisala gi bei de mama o denga vai. Ahe mai gi de au, go hiidinga au gu hagaola goe.

Isaiah 51:11

Gilaadeu a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de lodo danuaa e dee odi laa go de hau i honga olaadeu biho. Gai gilaadeu e kona naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Isaiah 6:10

Hagamakaga ina lodo o de huaadangada nei, haia olaadeu dalinga gi longoduli, gai haia olaadeu ganomada gi dee kide. Kana gidee e gilaadeu i olaadeu ganomada ma de langona i olaadeu dalinga, gai gilaadeu gu tonu ange i olaadeu lodo, ga daahuli olaadeu lodo, gai gilaadeu gu ieiangi.”

Isaiah 61:3

ma de gaavange gi gilaadeu e hinangalosaa i Zion de hau mahamaha e sui ai lehu, ma de lolo o de malangilangi, e sui ai de hinangalosaa olaadeu lodo, ma de hakahu gilaadeu i de tuhi, e sui ai teai selaadeu tali. Gai gilaadeu e hagaingoo ange naa go denga oak o de heohi, a Tagi Maolunga ne doo laa e hagaago mai ai dono mahamaha.

Isaiah 61:9

Gai denga huaahenua e iloo naa dagodo o olaadeu aamuli, gai denga huaadangada e iloo naa dagodo o olaadeu hagadiilinga. Dangada alodahi e gidee gilaadeu e iloo naa bolo gilaadeu go de huaadangada a Tagi Maolunga gu hagamanuuia.

Jeremiah 36:3

Kana adu dangada o Judah e daahuli gee naa i alaadeu dahulinga baubau i delaadeu langona dagodo o denga hai ngadaa alodahi aagu gu hagatau e hai ange gi gilaadeu; gai au ga degi ange ai gi alaadeu hegau baubau ma olaadeu haisala.”

Jeremiah 50:20

Laangi laa ma de masavaa laa, go Tagi Maolunga e hagadaba, gai e ssala naa gi gidee baubau o Israel, aagai e deai naa donu haisala e gidee; e ssala naa hogi gi gidee haisala o Judah, aagai e deai naa hogi e gidee, go hiidinga au e degi ange naa gi dangada aagu e hagaola.

Lamentations 3:40

Gidaadeu gi dagidiiloo adaadeu hegau, ma de aahe mai gi Tagi Maolunga.

Lamentations 5:21

Tagi Maolunga, hagaahea mai gimaadeu gi oo daha, gi maua ai e gimaadeu i de aahe mai. Hagahoou ina omaadeu laangi, bei omaadeu dagodo madagidagi —

Ezekiel 33:11

Hai ange gi gilaadeu, ‘Au e hagatoo donu i dogu mouli, go de Ia Aamua go Iahweh e hagadaba: Au e dee malangilangi donu i de magau o tangada baubau, aagai tangada baubau gi dahuli gee i ana hegau baubau, gi mouli ai i. Goodou daahuli gee, goodou daahuli gee i oodou hegau baubau! De gau Israel, ni haigamaiana aha doodou maakau?’

Daniel 9:13

Denga hai ngadaa nei alodahi gu hai mai gi gimaadeu, bei de hai gu sisi ai laa i lodo hainga a Moses, aagai gimaadeu tigi dangidangi donu Tagi Maolunga demaadeu Maadua, gi abodonu mai, aabe e daahuli gee i omaadeu baubau, ma de kana ange e hagallongo de muna abodonu.

Hosea 14:2

Goodou gaavee muna nei madali goodou gai aahe mai gi Tagi Maolunga, ga hai ange gi de ia: “Degi mai gi omaadeu baubau alodahi, ma de abodonu mai gi gimaadeu i doo lodo aloha, gai gimaadeu ga tuhi goe i omaadeu ngudu bei demaadeu hai gu hagatoo donu ai.

Joel 2:13

Hagaagona mai de daemaha abodonu oodou lodo, e dee go de saesae donu huu oodou malo. Gai aahe mai gi Tagi Maolunga doodou Maadua, go hiidinga ia e abodonu ma de lodo aloha. Ia e dee moolau de lili, gai e honu i de lodo aloha, gai ia ga dee gaamai de baubau gu dai humai laa.

Matthew 13:15

Go hiidinga de huaadangada nei e makaga olaadeu lodo, gai olaadeu dalinga gu longoduli, gai gu pono olaadeu ganomada; kana gidee naa e gilaadeu i olaadeu ganomada ma de langona i olaadeu dalinga, ga tonu ange i olaadeu lodo, ga daahuli olaadeu lodo, gai au ga hagaieiangi gilaadeu.’

Matthew 18:3

ga hai ange gi gilaadeu, “Ni muna abodonu aagu e hai adu nei gi goodou, noo goodou e dee daahuli bei dagodo o denga gauligi vaaligi, gai goodou e dee maua i de ulu i de nohoanga hodooligi o de langi.

Luke 1:16

Gai ia e hagaahe mai naa de gau Israel soa gi Tagi Maolunga delaadeu Maadua.

Luke 22:57

Aagai Peter ga hagadee iloo muna laa, ga hai ange, “De hine nei, au e dee iloo donu ia!”

Acts 1:6

Gai de masavaa huu olaadeu ne hagabuni ai, gai gilaadeu ga ssili ange gi de ia, “Tagi Maolunga, koe ga hagaahe ange naa de nohoanga hodooligi gi de gau Israel iainei?”

Acts 11:18

Gai ga langona huu e gilaadeu muna laa, gai gilaadeu gu dee maua i de hai baasi ange, gai gilaadeu ga tuhi de Maadua ga hagataba, “De Maadua gu hai hogi gi daahuli lodo o denga Gentile gi hagamouli ai gilaadeu.”

Acts 11:21

Gai ssauaa o Tagi Maolunga ne hano madali gilaadeu, gai gu soa dangada ne hagadonusia ga daahuli mai gi Tagi Maolunga.

Acts 15:3

Gai ga haia huu e de nohoanga dabu gilaadeu gi hulo, gai gilaadeu ga hulo laa Phoenicia ma Samaria, ga tala ai dagodo de daahuli lodo o denga Gentile. Gai denga daina alodahi i kilaa gu malangilangi mmao.

Acts 17:26

Gai ia ne hai denga huaahenua alodahi i daho dahi dangada daudahi, gai gilaadeu ga nnoho ai i honga henua i lalo alodahi. Madagidagi gai ia gu hagamodu denga masavaa ma goinga o olaadeu mommee e nnoho ai,

Acts 2:38

Peter ne hai ange gi gilaadeu, “Goodou alodahi daahuli gee i oodou haisala, ga babudaisi i de ingoo o Iesu Klisdo, gi maatala ai oodou haisala. Gai goodou ga kave ai de mee ngadi gaamai go de Hagasaalunga Dabu.

Acts 28:27

Go hiidinga de huaadangada naa e makaga olaadeu lodo, olaadeu dalinga gu longoduli, gai gu pono olaadeu ganomada. Kana gidee naa e gilaadeu i olaadeu ganomada ma de langona i olaadeu dalinga, ga tonu ange i olaadeu lodo, ga daahuli olaadeu lodo, gai au ga hagaieiangi gilaadeu.’

Acts 3:20

gai ia ga hai ai gi humai Iesu, go de Klisdo gu hili adu laa gi goodou.

Acts 3:21

Gai ia e noho donu i de langi ga dae ai gi de laangi e hagahoou ai mee alodahi, go mee a de Maadua gu tala i daho ono pelaabisi dabu madagidagi.

Romans 11:25

Denga daina, au e lodo goodou gi tonu ange gi dagodo o de mee nogo dee iloo laa, gi dee hagataba ai goodou bolo goodou e heiangi i doodou hagassoenga: hanu dangada Israel ne hagamakaga olaadeu lodo ga dae ai gi de odi ange taelodo o denga Gentile i de loomai.

2 Thessalonians 1:10

i dono masavaa e humai ai i de laangi laa, e hagamahamaha i daho ono dangada dabu, gai gilaadeu alodahi gu hagadonusia e llele naa olaadeu mouli i de ia. Goodou e dau hogi madali gilaadeu, i hiidinga goodou ne hagadonusia amaadeu muna gu tala hagadonu adu gi goodou.

2 Thessalonians 1:7

ma de hagamaamaane oodou lodo i doodou vaivai haia aama gimaadeu hogi, i de laangi o Tagi Maolunga go Iesu e hagasula mai ai i de langi, madali ono dangada de langi mmahi,

2 Timothy 2:25

Gai ia gi hagaheohi ange tangada e hai baasi ange gi de ia i de lodo e daudonu, ga tali ange de Maadua gi balea ange gilaadeu gi daahuli olaadeu lodo, ma de dagi ange gilaadeu gi de muna abodonu,

Hebrews 4:1

Deenei ai, go hiidinga goi dagodo huu de hagatoo donu e ulu ai i de hagamaabunga laa, gidaadeu gi maatagu, kana dee maua e dahi goodou i de ulu ai.

1 Peter 2:25

I mua gai goodou e bei denga ssiibi gu ssenga saele laa, aagai iainei goodou gu aahe mai gi de Ia Hagaloosi ma de ia e hagaloosi ina oodou hagasaalunga.

2 Peter 3:8

Ogu soa hagamogomogo, goodou gi dee ngalo bolo dahi laangi sogosogo, e bei de mano ngadau i daho Tagi Maolunga, gai de mano ngadau e bei donu huu dahi laangi.

Revelation 21:4

Ia e ssolo naa olaadeu loimada alodahi, gai gu deai ange naa donu se maakau, be go de hinangalosaa, be go de tangi, aabe go de mmae. Go hiidinga mee ne hai i taamada gu odi i de llilo ma gu deai.”