Acts 28:7 - De Beebaa Dabu

⁷ Gai de mommee omaadeu iai laa e baa ange gi de alahenua o tagi o de modu laa, dono ingoo go Publius. Ia ne abodonu mai ma de tilo danuaa mai gimaadeu i e dolu laangi.

Acts 28:7 Iomraidhean Croise

Acts 13:7

Taane laa ne noho i daho Sergius Paulus, de goobenaa o de vaaenga laa, ia se daane iloo mee. Gai ia ne aalu mai Barnabas ma Saul gi loange, go hiidinga ia gu lodo e hagallongo muna a de Maadua.

Acts 18:12

Aagai de masavaa huu a Gallio ne dagi ai Achaia, gai de gau Ssuu ne hagabuni ga hai baasi ange gi a Paul, ga kave ia gi de mommee hagamodu muna,

Acts 23:24

Hagadabena ina hogi hanu hoosa e hagauda a Paul, ma de hagaloosi ange ai ia ga kave gi daho de goobenaa go Felix.”

Acts 28:2

Gai dangada o de henua laa ne kona donu de abodonu mai gi gimaadeu. Gilaadeu ne haula dahi ahi e hagamahanahana ai gimaadeu, go hiidinga gu daamada de pala de langi ma de hagamagalili.

Acts 28:6

Gai dangada ne tali gi hua dono lima aabe go de moolau dono magau; aagai gilaadeu ne tali ange i dahi masavaa looloa, gai teai donu mee ne hai ange gi de ia. Gai gilaadeu ga sui alaadeu maanadu ga hagataba bolo ia go dahi diinonga.

Acts 28:8

De masavaa laa gai tamana o Publius e vvela dono angaanga ma de hanohano. Gai a Paul ne hano gi ono daha, gai dua dono dalodalo, ga dugu luoono lima gi ono elunga, gai ia gu ieiangi.

1 Timothy 5:10

gai se hine gu iloo abodonu ana hegau danuaa — ia ne agoago danuaa ana dama, ma de abodonu ange gi dangada i dono hale, ma de hhui vae o dangada o de Maadua, ma de bale ange gilaadeu e hai ngadaa, aama de hagaduu ngae i denga hagadaagangaa hegau danuaa alodahi.

Hebrews 13:2

Goodou gi dee ngalo de abodonu ange gi de gau henua gee, go hiidinga deenei de hai a hanu ne abodonu ange ai gi hanu dangada de langi, gai gilaadeu tee iloo donu.