Acts 28:4 - De Beebaa Dabu

⁴ Gai ga gidee huu e dangada o de henua laa de labodo e daudau laa i dono lima, gai gilaadeu ga hagataba, “Taane nei se daane daa dangada donu. Ia ne ola mai i de moana, gai de hagamodu heohi e dee dugu ange donu ia gi mouli.”

Acts 28:4 Iomraidhean Croise

Genesis 3:1

Gai de labodo se manu e heiangi ange i denga manu lodo henua alodahi a Tagi Maolunga de Maadua ne hai, gai ia ga hai ange gi de hine, “Ni muna abodonu de Maadua ne hai adu gooluu gi dee gaina hua o dahi manu somo daudahi i lo te veelenga?”

Proverbs 28:17

Tangada e dee baba laa ono lodo i dana daa tangada ga magau, e silivaahea saele naa ga dae ai gi dono magau; gai e deai naa donu se dangada e balea ange.

Isaiah 26:21

Tilo, Tagi Maolunga gu dai sao mai naa i dono mommee e hagaduasala dangada o henua i lalo i hiidinga olaadeu baubau; gai gilaadeu gu daia laa ma gu maakau e gidee mai naa i henua i lalo; henua i lalo gu dee maua i de hagammuni ana dangada ne daa ga maakau.

Isaiah 43:20

Denga manu lodo henua bei jackal ma ostrich e hagadubu au, go hiidinga au e hai gi hanu vai i de vao, ma saalingaa vai i de mommee e deai vai iai, e hagaunu ai ogu dangada, go gilaadeu aagu ne hili,

Zephaniah 2:15

Deenei de aduhale nogo duuhia laa ono dagodo, ma de noho baba i mua, ma de hagadaba i ono lodo, “Go au tahi, gai e deai ange donu e bei ogu dagodo.” Iainei de aduhale laa gu maoha ma e dagodo ai, gai gu se mommee e nnoho ai denga manu aada! Alodahi e seesee laa ono gaogao e doo mee naa ma de tugi ange olaadeu lima.

Matthew 23:35

Gai dodo o de gau heohi oodou gu daa ga maakau i henua i lalo alodahi, e dau adu naa gi goodou, mai i dodo o Abel ga dae ai gi dodo o Zechariah tama daane a Berekiah, go taane oodou ne daa ga magau i magavaa o de Aabi Dabu ma de mommee o ssigidaumaha.

Matthew 27:25

Gai dangada alodahi ne hai ange, “Ono dodo gi dau mai gi gimaadeu ma amaadeu dama.”

Luke 13:2

Iesu ne hai ange, “Goodou e hagataba bolo de gau Galilee laa e baubau ange i dangada i Galilee alodahi, go hiidinga gilaadeu ne hagaduasala ai?

Luke 13:4

Gai dangada e tinoangahulu ma dogovalu ne baguu iho laa de hale maolunga i Siloam ga daa gu maakau, goodou e maanadu bolo gilaadeu e baubau ange i dangada alodahi nogo nnoho laa i Jerusalem?

John 7:24

Goodou aude hagamodu ina muna i oodou mee e gide, gai hagamodu ina i de heohi.”

Acts 28:2

Gai dangada o de henua laa ne kona donu de abodonu mai gi gimaadeu. Gilaadeu ne haula dahi ahi e hagamahanahana ai gimaadeu, go hiidinga gu daamada de pala de langi ma de hagamagalili.

Acts 28:3

Paul ne hano ga hagabudu hanu lahhie e velo ange gi lo te ahi, gai dahi labodo hagammau ne sao mai, i hiidinga de vvela o de ahi laa, ga kadi dono lima ga pigi ai.

Acts 28:5

Gai a Paul ga luuluu de labodo laa gu doo ange gi lo te ahi. Gai ia tee beaha donu.

Revelation 21:8

Aagai de gau madagudagu, ma dangada tee hagadonusia, ma de gau hakino gee, ma de gau daa dangada, ma de gau dagodo haisala, ma de gau hai huuhuaa mee, ma dangada e daumaha ange gi denga diinonga, ma de gau hadu muna alodahi — delaadeu duuhanga go de ahi ula ma denga sulfur e sali laa bei de vai, deenei de lua magau.”