Acts 28:2 - De Beebaa Dabu

² Gai dangada o de henua laa ne kona donu de abodonu mai gi gimaadeu. Gilaadeu ne haula dahi ahi e hagamahanahana ai gimaadeu, go hiidinga gu daamada de pala de langi ma de hagamagalili.

Acts 28:2 Iomraidhean Croise

Ezra 10:9

Gai e dolu donu huu laangi gai daane alodahi o Judah ma Benjamin gu hagabuni mai gi Jerusalem. Gai de madalua laangi huu o ssiva malama, gai dangada alodahi gu loomai ga nnoho i lo te duu malaelae i mada i mua o de hale o de Maadua, gai gilaadeu gu manavasaa i hiidinga o de hegau gu hai laa aama hiidinga o de langi gu pala.

Leviticus 19:18

Aude suuia ange de baubau, aabe e golo age doo lili i dahi oo dangada, aagai koe aloha i tangada e baa adu gi de goe, bei doo aloha donu i de goe. Go au go Iahweh.

Leviticus 19:34

Gai haia tangada henua gee e noho i oodou daha gi bei dagodo o tangada de henua donu, gai goodou aaloha i de ia bei doodou aaloha donu i goodou; i hiidinga goodou ni dangada henua gee i de masavaa oodou nogo nnoho ai i de henua go Egypt. Go au donu go Iahweh doodou Maadua.

Matthew 10:42

Gai be goai e gaavange dahi ubu vai maluulu gi dahi gilaadeu e maolalo nei, i hiidinga ia se dangada agoago niiagu, ni muna abodonu aagu e hai adu nei gi goodou, ia e kave naa donu dono hagaoanga.”

John 18:18

Gai de gau hai hegau ma de gau hagaloosi gu dahu dahi ahi, i hiidinga gu hagamagalili de mee. Gai gilaadeu e tuu ma e hagamahanahana i de ahi. Gai Peter ne duu hogi madali gilaadeu ma e hagamahanahana.

Acts 27:3

De laangi i ono dua gai gimaadeu ne tau i Sidon; gai Julius ne abodonu ange gi a Paul, ga dugu ange ia gi hano gi daho ono soa, gai gilaadeu ga bale ange ai ia.

Acts 28:3

Paul ne hano ga hagabudu hanu lahhie e velo ange gi lo te ahi, gai dahi labodo hagammau ne sao mai, i hiidinga de vvela o de ahi laa, ga kadi dono lima ga pigi ai.

Acts 28:4

Gai ga gidee huu e dangada o de henua laa de labodo e daudau laa i dono lima, gai gilaadeu ga hagataba, “Taane nei se daane daa dangada donu. Ia ne ola mai i de moana, gai de hagamodu heohi e dee dugu ange donu ia gi mouli.”

Romans 1:14

Au e muli ange gi dangada alodahi gu skuulu aama gilaadeu tigi skuulu, ma gilaadeu e heiangi aama gilaadeu e ssenga.

Romans 14:1

Goodou abodonu ange gi tangada e baageaa i de gai, aagai gi dee hagadaumee i mee e dagodo geegee ai maanadu a dangada.

Romans 14:3

Tangada e gaina mee alodahi gi dee hagangadi mee ina tangada e dee maua i de gai mee alodahi. Gai tangada e dee gaina mee alodahi gi dee hagabaubau ina tangada e gaina; go hiidinga de Maadua gu abodonu ange gi de ia.

Romans 2:27

Gilaadeu e dee tuu dagaholiage laa gai e daudali i de hainga e hagabaubau naa de gau Ssuu ne gaavee laa de hainga gu sisi ma de tuu dagaholiage aagai e oha de hainga.

1 Corinthians 14:11

Aagai noo au e dee donu ange gi hanu muna, gai au e dee se dangada de henua i daho tangada e basa laa, gai mai gi de au, ia se dangada dahi henua gee.

2 Corinthians 11:27

ma de kona agu hegau e hai ma de hai ngadaa, ma tee seni i boo lagolago, ma de hiigai ma de hieunu, ma tee modu teai agu gai, ma teai sogu mommee e noho ai aama teai ogu malo.

Colossians 3:11

Gai de mouli hoou nei e deai donu se dangada Ssuu be se dangada Greek, se dangada gu tuu dagaholiage be se dangada tigi tuu dagaholiage, se dangada lodo henua be se dangada tigi skuulu, se dangada hai hegau be se dangada ilaage; aagai go Klisdo e hagamogomogo, gai ia e noho i olaadeu lodo alodahi.

Hebrews 13:2

Goodou gi dee ngalo de abodonu ange gi de gau henua gee, go hiidinga deenei de hai a hanu ne abodonu ange ai gi hanu dangada de langi, gai gilaadeu tee iloo donu.