Acts 27:35 - De Beebaa Dabu

³⁵ Gai de masavaa aana e tala ange ai muna nei gi gilaadeu, gai ia ga poo mai hanu pelaoaa ga dalodalo ga hagaahe ange de abodonu gi de Maadua i madamada o denga daane laa alodahi, gai ia ga tohi hanu ga daamada de gai.

Acts 27:35 Iomraidhean Croise

Psalm 119:46

Au e tala hogi au muna i madamada o denga hodooligi, gai au e dee dogaa naa donu;

Matthew 14:19

Aagai ia ga hai dangada gi nnoho i honga denga helii, gai ia ga poo mai pelaoaa e lima ma mamu e lua laa, gai ia ga galo age gi de langi ga dalodalo, ga dohidohi, ga gaavange gi ana dangada agoago, gai gilaadeu ga duha ange gi dangada.

Matthew 15:36

Gai ia ga poo mai denga pelaoaa e hidu aama mamu laa, ga dalodalo, ga dohidohi ga gaavange gi ana dangada agoago, gai ana dangada agoago ga duha ange gi de hagabuulingaa dangada laa.

Mark 8:6

Gai ia ga hai dangada soa laa gi nnoho gi honga de gelegele. Gai ia ga poo mai pelaoaa e hidu laa ga dalodalo, ga dohidohi ga gaavange gi ana dangada agoago gi duuhaa ange gi dangada, gai gilaadeu ga duha ange gi dangada.

Luke 24:30

De masavaa oona ne nnoho ange ai e gaimee madali gilaau, gai Iesu ga poo mai dahi pelaoaa, ga hagaahe ange de abodonu, gai ia ga dohidohi ga gaavange gi gilaau.

John 6:11

Gai Iesu ga poo mai denga duudangaa pelaoaa, gai ga lava huu i dono dalodalo, gai ia ga duha ange gi dangada gu noho laa gi lalo. Ia ne duha ange hogi denga mamu, gai dangada ga gaimee ai gu boobosu.

John 6:23

Gai hanu boose mai i Tiberias ne loomai laa gaogao de mommee a dangada ne gai ai pelaoaa i dua de hagaahe ange a Tagi Maolunga de abodonu.

Romans 1:16

Go hiidinga au e dee dogaa donu i de longo danuaa nei, i hiidinga deenei ssauaa o de Maadua e hagamouli ai dangada alodahi e hagadonusia; ange gi de gau Ssuu i mua gai ange hogi gi denga Gentile.

Romans 14:6

Tangada e hagadubu ina dahi laangi e hai e hagadubu ai Tagi Maolunga. Tangada e gaina laa gai alodahi e hagadubu Tagi Maolunga i dana gai mee laa, i hiidinga ia e hagaahe ange de abodonu gi de Maadua; aagai tangada e dee gaina mee laa e hagadubu hogi Tagi Maolunga ma de hagaahe ange ai de abodonu gi de Maadua.

2 Timothy 1:12

aanei ogu hiidinga gu hagaduasala ina ai nei. Aagai au e dee dogaa donu, go hiidinga au e iloo be goai aagu gu hagadonusia, gai au e iloo bolo ia e maua i de dagitilo mee alodahi gu gaamai gi de au ga dae gi de laangi laa.

2 Timothy 1:8

Gai koe gi dee dogaa i de tala hagadonu dagodo o taadeu Dagi Maolunga, aabe gi dogaa i de au, go tangada gu noho i lo te hale pono i ono hiidinga. Aagai koe gi hagaduasala madali au i hiidinga o de longo danuaa i ssauaa o de Maadua,

1 Peter 4:16

Gai noo dahi dangada gu hagaduasala i hiidinga dana hagadonusia de ingoo o Klisdo, gai ia gi dee dogaa, aagai ia gi duuhia de Maadua i hiidinga ia e hagauda de ingoo laa.

1 Samuel 9:13

Gai ga tae naa donu huu gooluu gi de aduhale, gai gooluu gu gidee ia, i mua dono hanage gi de mommee daumaha laa e gaimee ai; go hiidinga dangada e dee gaimee naa donu ga dae ai gi dono dae adu, i hiidinga go ia e hagadabu ina ssigidaumaha, gai dua naa huu dana hagadabu mee laa, gai dangada ne saalaa laa i taonga ga gaimee. Noo gooluu e loage iainei, gai gooluu e hedae ange naa donu gi de ia.”