Acts 27:16 - De Beebaa Dabu

¹⁶ Gai gimaadeu ne dahedahea ga tae gi dahi mommee luungagi, i gaogao de modu e hagaingoo ange laa go Cauda. Gai ne momo ange huu gimaadeu tee maua i de hai gi makaga de boose o de vaga.

Acts 27:16 Iomraidhean Croise

Acts 16:10

Dua dana hai de midi laa, gai gimaadeu ne hagamoolau e hai e hulo gi Macedonia, go hiidinga gimaadeu ne hagataba bolo de Maadua gu hagahi mai gimaadeu gi hulo gi agoagona ange de longo danuaa gi dangada i kilaa.

Acts 27:15

Gai de vaga gu dee maua i de dele e hagasoe ange gi lo te madangi. Gai gimaadeu ga dugu donu huu de vaga gi ilihia saele i de madangi.

Acts 27:17

Gai dua huu delaadeu dada age de boose ga nnoa, gai denga daane ga hai denga daula ga nnoa ai de vaga e daohi ai. Go hiidinga gilaadeu ne manavasaa kana hagailia age de vaga ga gasa age gi Syrtis, gai gilaadeu ga dugu iho denga saiolo ga dugu ange de madangi gi ilihia saele de vaga.

Acts 27:30

Gai denga daane hai moni ne hagatale de hulo gee mai i de vaga; gilaadeu ne hagasege iho dahi boose gi honga tai, e dagodo be gilaadeu ga tili dahi ataula i madaa moni.